Oil Less Chicken: ఆయిల్ లెస్ చికెన్ ఫ్రై.. వినడానికి కొత్తగా బరువు తగ్గాలనుకునే వారికి దివ్య ఔషధం.. తయారీ ప్రాసెస్ ఇదే
చాలా మంది రాత్రి సమయంలో రుచికరమైన భోజనం చేయాలని కోరుకుంటూ ఉంటారు. అయితే ఇలాంటి సమయంలో ఆహారానికి సంబంధించిన పోషక పరిమాణాన్ని గుర్తుంచుకోవడం కూడా చాలా ముఖ్యం. ఎందుకంటే రాత్రి భోజనం కూడా రోజులో తేలికైన భోజనంగా ఉంటేనే బరువు తగ్గడంలో సాయం చేస్తుంది.
Updated on: Jul 10, 2023 | 6:00 AM
ప్రస్తుత రోజుల్లో వయస్సుతో సంబంధం లేకుండా ఊబకాయం సమస్య అందరినీ వేధిస్తుంది. చిన్న వయస్సులోనే వచ్చిన ఊబకాయం సమస్య నుంచి బయటపడడానికి డైటింగ్ చేస్తూ ఉంటారు. బరువు తగ్గడానికి ప్రయత్నిస్తున్నప్పుడు భోజనంలో ఏ రకమైన ఆహారం తినాలో నిర్ణయించుకోవడం చాలా సవాలుగా మారుతుంది. ముఖ్యంగా రాత్రి సమయంలో ఏం తినాలో? తెలియక తికమకపడుతూ ఉంటారు. అయితే చాలా మంది రాత్రి సమయంలో రుచికరమైన భోజనం చేయాలని కోరుకుంటూ ఉంటారు. అయితే ఇలాంటి సమయంలో ఆహారానికి సంబంధించిన పోషక పరిమాణాన్ని గుర్తుంచుకోవడం కూడా చాలా ముఖ్యం. ఎందుకంటే రాత్రి భోజనం కూడా రోజులో తేలికైన భోజనంగా ఉంటేనే బరువు తగ్గడంలో సాయం చేస్తుంది. అయితే ఎక్కువ రోజుల్లో రాత్రి సమయంలో తక్కువ భోజనం చేస్తే జీవక్రియ మందగించి బరువు పెరుగేందుకు దోహదం చేసే అవకాశం కూడా ఉంది. కాబట్టి ఆరోగ్యం, రుచి మధ్య సమతుల్యతను ఆయిల్ లెస్ చికెన్ మసాలా రెసిపీ గురించి తెలుసకుందాం. ఈ వంటకం జీరో ఆయిల్తో తయారు చేస్తారు కాబట్టి రాత్రి సమయంలో ఆరోగ్యకరమైన భోజనమని నిపుణులు పేర్కొంటున్నారు. కాబట్టి ఆయిల్ లెస్ చికెన్ మసాలాను ఎలా తయారు చేసుకోవాలో? ఓ సారి తెలుసుకుందాం.
చికెన్ మసాలా ఆరోగ్యకరమా?
చికెన్ మసాలా అనేది ఓ ప్రసిద్ధ ఉత్తర భారతీయ వంటకం. చికెన్ అనేది స్వతహాగా ప్రోటీన్కు అద్భుతమైన మూలం. అయితే గ్రేవీస్లో వండినప్పుడు నూనె లేదా వెన్న జోడించడం వల్ల దాని పోషక విలువ తగ్గుతుంది. కాబట్టి మీరు దాని ఆరోగ్యకరమైన సంస్కరణను ఆస్వాదించాలనుకుంటే మీరు తప్పనిసరిగా కొన్ని విషయాలను గుర్తుంచుకోవాలి. ముఖ్యంగా ఈ రెసిపీని తయారు చేసేటప్పుడు ఏదైనా కొవ్వు పదార్ధాలను తొలగించాలి. అయితే మీరు చికెన్ను వేయించడానికి బదులుగా కాల్చడం లేదా గ్రిల్ చేయడం కూడా ఎంచుకోవచ్చు. కాబట్టి ఇది చికెన్ను మరింత ఆరోగ్యకరమైనదిగా చేస్తుంది.
ఆయిల్ లెస్ చికెన్ మసాలా రెసిపీ తయారీ ఇలా
ఆయిల్ లెస్ చికెన్ మసాలా చేయాలంటే చికెన్ను బాగా నానబెట్టాలి. ముఖ్యంగా నిమ్మ రసం, ఉల్లిపాయలు, పెరుగు మిశ్రమంతో చికెన్ను బాగా మేరినేట్ చేయాలి. ముఖ్యంగా ఆయిల్ లెస్ చికెన్ మసాలాను తయారు చేసేటప్పుడు అస్సలు కంగారు పడకూడదు. ఈ ఆయిల్ లెస్ చికెన్ను తయారు చేయడానికి తాజా మసాలాలను ఉపయోగించాలి. వంట చేసేటప్పుడు చికెన్ ఉడకబెట్టడానికి తగినంత సమయం ఇవ్వాలి. ఈ వంటకం చేయడానికి మొదట చికెన్ను నిమ్మరసం, ఉల్లిపాయలతో మెరినేట్ చేయాలి. కనీసం ఒక గంట పాటు విశ్రాంతి నానబెట్టాలి. పూర్తయిన తర్వాత పెరుగులో కొన్ని మసాలాలు కలపి నానబెట్టిన చికెన్తో కలపాలి. ఇప్పుడు ఒక నాన్-స్టిక్ పాన్ తీసుకుని చికెన్ ముక్కలపై మందపాటి మసాలా పూత వచ్చే వరకు ఉడికించాలి. రుచి కోసం ఉప్పు, తాజా కొత్తిమీర ఆకులతో అలంకరించాలి. అంతే టేస్టీటేస్టీ ఆయిల్ లెస్ చికెన్ మసాలా రెడీ..
మరిన్ని కుకింగ్ టిప్స్ కోసం ఇక్కడ క్లిక్ చేయండి..
