Carrot Bobbatlu: క్యారెట్లతో నేతి బొబ్బట్లు.. రుచికి రుచి.. ఆరోగ్యానికి ఆరోగ్యం!

క్యారెట్లతో ఎన్నో రకాల వంటలు తయారు చేస్తూ ఉంటారు. క్యారెట్‌తో స్వీట్ ఐటెమ్స్ కూడా చాలానే చేస్తారు. ఎక్కువగా క్యారెట్ హల్వా చేస్తారు. అలా కాకుండా క్యారెట్‌తో బొబ్బట్లు కూడా తయారు చేసుకోవచ్చు. ఈ బొబ్బట్లు ఎంతో రుచిగా ఉంటాయి. క్యారెట్ కూడా వేస్తాం కాబట్టి ఆరోగ్యం కూడా.. పైగా చాలా రుచిగా ఉంటాయి. నోట్లో వేస్తే కరిగిపోతాయి. క్యారెట్లతో బొబ్బట్లు చేయడం కూడా చాలా సింపుల్. ఈ బొబ్బట్లు తినడం వల్ల శరీరానికి కూడా పోషకాలు అందుతాయి. మరి ఈ బొబ్బట్లను ఎలా తయారు చేస్తారు? వీటి తయారీకి కావాల్సిన పదార్థాలు ఏంటో ఇప్పుడు చూద్దాం.

క్యారెట్ బొబ్బట్లకు కావాల్సిన పదార్థాలు:

క్యారెట్లు, బియ్యం పిండి, నెయ్యి, చక్కెర లేదా బెల్లం పొడి, కోరిన కొబ్బరి.

ఇవి కూడా చదవండి

జామ చెట్టు ఆకులను ఇలా వాడారంటే షుగర్, బీపీకి బైబై చెప్పొచ్చు..

బియ్యం కడిగిన నీళ్లతో అందం, ఆరోగ్యం.. డోంట్ మిస్!

కొరియన్స్ లాంటి చర్మం కావాలంటే.. ఇలా ట్రై చేయండి..

ఈ ఆకుకూర వారంలో ఒక్కసారి తిన్నా.. రోగాలే రావు!

క్యారెట్ బొబ్బట్లు తయారీ విధానం:

ముందుగా క్యారెట్లను ఉడికించి మెత్తగా చేయాలి. ఇది చల్లారే లోపు.. బియ్యం పిండిలో కొద్దిగా నీరు వేసి.. పిండిని కలుపుకోవాలి. ఆ తర్వాత ఉడికించిన క్యారెట్లలో పంచదార, నెయ్యి, కొబ్బరి తురుము కలిపి మిశ్రమంలా చేసుకోవాలి. ఇప్పుడు పిండిని చిన్న చిన్న ముద్దలుగా చేసి.. అందులో క్యారెట్ మిశ్రమాన్ని ఉంచి.. మళ్లీ చపాతీని మూసేయాలి. మళ్లీ నెమ్మదిగా చేతితో లేదా రోల్‌గా బొబ్బట్టును చేయండి. ఇలా అన్నీ చేసుకోవాలి. ఆ తర్వాత స్టవ్ మీద పాన్ పెట్టి నెయ్యి వేసి రెండు వైపులా కాల్చుకోవాలి. అంతే ఎంతో రుచిగా ఉండే క్యారెట్ నేతి బొబ్బట్లు సిద్ధం. వేడి వేడిగా ఉన్నప్పుడు తింటే చాలా రుచిగా ఉంటాయి. అయితే ఇవి ఎక్కువ రోజులు నిల్వ ఉండవు. కేవలం అప్పటికప్పుడు మాత్రమే చేసుకుని తినాలి. వీటిని గెస్టులకు పెడితే ఎంతో రుచిగా ఉంటుంది. ఈ క్యారెట్ బొబ్బట్లు తినడం ఆరోగ్యానికి కూడా చాలా మంచిది. ఈ బొబ్బట్లను చాలా త్వరగా తయారు చేసుకోవచ్చు. బొబ్బట్లు చేసేటప్పుడు కాస్త జాగ్రత్తగా చేస్తే చాలు.. బొబ్బట్లు సిద్ధం అవుతాయి.