Low Flame Cooking: తక్కువ మంట మీద వంట చేస్తే గ్యాస్ ఆదా అవుతుందా? 99 శాతం మంది చేసే తప్పు అదే..
గ్యాస్ కొరత కారణంగా దాదాపు ప్రతి ఇంట్లో గ్యాస్ ఆదా చేయడంపై గృహిణులు దృష్టి పెడుతున్నారు. ఈ క్రమంలో గ్యాస్ వినియోగంపై కొంత మందిలో చాలా అపోహలు ఉన్నాయి. తక్కువ మంట మీద వంట చేయడం వల్ల గ్యాస్ ఆదా అవుతుందని, తద్వారా సిలిండర్ ఖర్చు తగ్గుతుందని చాలా మంది అనుకుంటారు. అయితే నిపుణుల అభిప్రాయం ప్రకారం మంటను తగ్గించడంతోపాటు తెలివిగా వంట చేయడం వల్ల గ్యాస్ ఆదా చేయవచ్చట..
Updated on: May 04, 2026 | 9:15 PM
చాలా మంది వంటగదిలో గ్యాస్ ఆదా చేయడానికి తక్కువ మంట మీద వంట చేస్తారు. మంట ఎంత చిన్నగా ఉంటే సిలిండర్ అంత ఎక్కువ కాలం వస్తుందని భావిస్తారు. అయితే వాస్తవానికి తక్కువ మంట మీద వంట చేయడం వల్ల ఆహారం ఉష్ణోగ్రత పెరగడానికి చాలా సమయం పడుతుంది. ఫలితంగా గ్యాస్ చాలా సేపు మండుతుంది. ఇది కొన్నిసార్లు ప్రతికూల ఫలితాలను ఇస్తుంది. దీనివల్ల కొన్నిసార్లు మొత్తం గ్యాస్ వినియోగం పెరుగుతుంది. వంటలో ప్రధాన మంత్రం వేడిని సరిగ్గా ఉపయోగించడం లేదా ‘తెలివిగా వండటం’. అవసరమైన విధంగా వేడిని నియంత్రించడం ముఖ్యం. మంట పాత్ర అడుగు భాగాన్ని దాటి వెళితే, ఎక్కువ వృధా జరుగుతుంది. అలాగే ఎల్లప్పుడూ మూత పెట్టి వంట చేయడం అలవాటు చేసుకోవాలి. దీనివల్ల పాత్రలోని ఆవిరి బయటకు పోకుండా ఉంటుంది. ఫలితంగా ఆహారం త్వరగా ఉడకడమే కాకుండా గ్యాస్ కూడా ఆదా అవుతుంది.
వంట ప్రారంభించే ముందు కావలసిన పదార్థాలన్నింటినీ సిద్ధం చేసుకుని దగ్గరలో ఉంచుకోవడం అవసరం. కూరగాయలు తరుగుతున్నప్పుడు లేదా మసాలాలు కలుపుతున్నప్పుడు స్టవ్ వెలిగే వరకు వేచి ఉండటం మంచిది కాదు. ఈ చిన్న పొరపాటే అత్యధిక గ్యాస్ వృధాకు కారణమవుతుంది. పప్పులు లేదా మాంసం వంటి ఆహార పదార్థాలను వండడానికి ప్రెషర్ కుక్కర్ను ఉపయోగించడం ఉత్తమం. సాధారణ పాత్రతో పోలిస్తే దీనిలో వండటానికి చాలా తక్కువ సమయం పడుతుంది. సమయాన్ని ఆదా చేయడం అంటే గ్యాస్ను కూడా ఆదా చేయడమేనని గుర్తుంచుకోవడం ముఖ్యం. మంట మరీ చిన్నగా.. మరీ పెద్దగా ఉంచడం కంటే.. మధ్యస్థ మంట మీద వండటం మంచిదట.
ఎందుకంటే ఇది వేడిని సమానంగా నిలుపుతుంది. అధిక మంట మీద ఆహారం మాడిపోయే ప్రమాదం ఉన్నట్లే, తక్కువ మంట మీద పోషకాలను కోల్పోయే ప్రమాదం కూడా ఉంది. కాబట్టి, తక్కువ మంట మీద మాత్రమే కాకుండా సరైన పద్ధతిని అనుసరించి వంట చేయడం వివేకం. వంట పట్ల అవగాహన కలిగి, తెలివైన పద్ధతులను పాటించడం ద్వారా నెలాఖరులో ఎల్పీజీ ఖర్చు సగానికంటే తక్కువగా తగ్గుతుంది.
మరిన్ని ఆరోగ్య కథనాల కోసం ఇక్కడ క్లిక్ చేయండి.
