Country Renaming: ఓరినీ..! మనం పిలిచే ఈ దేశాల అసలు పేర్లు ఇవి కావా?
ప్రపంచంలో అనేక దేశాలు తమ పేర్లు మార్చుకున్నాయి. కొన్ని దేశాలు వలసవాద గతాన్ని చెరిపేయడానికి ప్రయత్నిస్తే, మరికొన్ని దౌత్యపరమైన వివాదాలను పరిష్కరించుకోవడానికి పేర్లు మార్చాయి. ఈ మార్పులు కేవలం పదాలకు సంబంధించినవి కావు. అవి ఆ దేశాల జాతీయ గుర్తింపు, చరిత్రలో కొత్త అధ్యాయాన్ని సూచిస్తాయి. తుర్కియే, శ్రీలంక వంటి పేర్లు మార్చుకున్న 10 దేశాలు, ఆ మార్పుల వెనుక ఉన్న ప్రత్యేక కారణాలు ఏమిటో ఇప్పుడు తెలుసుకుందాం.
Updated on: Sep 27, 2025 | 5:51 PM
చరిత్రలో అనేక దేశాలు తమ పేర్లు మార్చుకున్నాయి. ఈ మార్పులకు కారణాలు రాజకీయ, సాంస్కృతిక, సామాజిక అంశాలు కావచ్చు. ఈ మార్పులు తరచుగా జాతీయ గుర్తింపు, వలస పాలన నుండి విముక్తి, చారిత్రక కథనం మార్పును సూచిస్తాయి. పేర్లు మార్చుకున్న కొన్ని దేశాలు, వాటి వెనుక గల ప్రత్యేక కారణాలు ఇక్కడ ఉన్నాయి.
సియామ్ నుంచి థాయిలాండ్ థాయిలాండ్ ను గతంలో సియామ్ అనే పేరుతో పిలిచేవారు. 1939లో ఫిబున్ ఈ పేరును అధికారికంగా మార్చారు. ఈ మార్పు జాతీయ సమైక్యత, గుర్తింపు బలోపేతం చేయడం కోసం జరిగింది. థాయిలాండ్ అంటే ‘స్వేచ్ఛా దేశం’ అని థాయ్ భాషలో అర్థం.
సిలోన్ నుంచి శ్రీలంక శ్రీలంక కు బ్రిటిష్ వారు సిలోన్ అనే పేరు ఇచ్చారు. 1972లో ఈ వలసవాద పేరును తొలగించి, శ్రీలంకగా మార్చుకున్నారు. సింహళ భాషలో ఈ పేరు ‘తేజోవంతమైన భూమి’ అని అర్థం ఇస్తుంది.
బర్మా నుంచి మయన్మార్ 1989లో పాలక సైనిక ప్రభుత్వం దేశం పేరును బర్మా నుంచి మయన్మార్గా మార్చింది. వలసవాద గతాన్ని తొలగించి, ఏకీకృత గుర్తింపు తీసుకురావడానికి ఈ మార్పు దోహదపడింది. అయితే, ఈ మార్పుపై కొంత వివాదం ఉంది.
టర్కీ నుంచి తుర్కియే 2022లో టర్కీ తన పేరును అధికారికంగా తుర్కియేగా మార్చుకుంది. టర్కిష్ సంస్కృతి, నాగరికత విలువలను ప్రపంచానికి ఉత్తమంగా చాటడానికి ఈ మార్పు జరిగింది. టర్కిష్ చరిత్రలో లోతుగా ఉన్న సాంస్కృతిక మూలాలకు దగ్గరగా ఉండాలని అధ్యక్షుడు ఎర్డోగాన్ ఆకాంక్షించారు.
పర్షియా నుంచి ఇరాన్ ఇరాన్ ను గతంలో పర్షియాగా పిలిచేవారు. 1935లో ఈ పేరు అధికారికంగా ఇరాన్ గా మారింది. ఈ మార్పు ఆధునీకరణ, స్వదేశీ గుర్తింపు భద్రతకు గుర్తు. ఇరాన్ అంటే ‘ఆర్యన్ లది’ అని అర్థం.
రిపబ్లిక్ ఆఫ్ మాసిడోనియా నుంచి నార్త్ రిపబ్లిక్ ఆఫ్ మాసిడోనియా 2019లో రిపబ్లిక్ ఆఫ్ మాసిడోనియా తన పేరును రిపబ్లిక్ ఆఫ్ నార్త్ మాసిడోనియాగా మార్చుకుంది. గ్రీస్ తో ఉన్న సుదీర్ఘ దౌత్యపరమైన వివాదాన్ని పరిష్కరించడం కోసం ఈ రాజీ పేరును స్వీకరించారు. ఈ మార్పు మెరుగైన సంబంధాలు, NATO సభ్యత్వానికి మార్గం చూపింది.
స్వాజిలాండ్ నుంచి ఎస్వతిని 2018లో బ్రిటన్ నుంచి స్వాతంత్య్రం వచ్చిన 50వ వార్షికోత్సవం సందర్భంగా స్వాజిలాండ్ తన పేరును ఎస్వతినిగా మార్చుకుంది. ఈ పేరు స్థానిక భాషలో ‘స్వాజి ల భూమి’ అని అర్థం. ఇది వలసవాద గతం నుంచి విముక్తిని సూచిస్తుంది.
