High Protein Food: ఏయే ఆహార పదార్థాలలో అత్యధికంగా ప్రొటీన్లు ఉంటాయి..?

Protein Food: మానవ శరీరంలోని ప్రతి కణం, ప్రతి కణజాల నిర్మాణానికి ప్రోటీన్స్‌ ఎంతో అవసరం. మంచి ప్రొటిన్స్‌ (Protein) ఉన్న ఆహార పదార్థాలను తీసుకుంటే ఎంతో మంచిదంటున్నారు వైద్య నిపుణులు. ఇక అన్ని రకాల చేపలలో ప్రోటీన్ పుష్కలంగా ఉన్నప్పటికీ, సాల్మన్ చేప (Salmon Fish)లలో అత్యధిక మొత్తంలో ప్రోటీన్ (Protein) లభిస్తుంది. 100 గ్రాముల సాల్మన్ చేపలో 20.6 గ్రాముల ప్రొటీన్ ఉంటుంది. సార్డిన్ చేపలో 19.8 గ్రాముల ప్రొటీన్ ఉంటుంది. కీరదోసలో 20 గ్రాముల ప్రొటీన్ ఉంటుంది. సాల్మన్‌లో ప్రోటీన్‌తో పాటు మెగ్నీషియం, ఫాస్పరస్, సెలీనియం, కాపర్, పొటాషియం, విటమిన్ బి, విటమిన్ బి12, డైటరీ మినరల్స్ ఉన్నాయి. వంద గ్రాముల సాల్మన్ చేపలో 124 కేలరీలు ఉన్నాయి.

గుమ్మడికాయ గింజలు అన్ని రకాల విత్తనాలు ఎక్కువ లేదా తక్కువ ప్రోటీన్ కలిగి ఉన్నప్పటికీ.. గుమ్మడికాయ గింజలు ప్రోటీన్ ఉత్తమ వనరులలో ఒకటి అని కొంతమందికి తెలుసు. ప్రొటీన్‌తో పాటు, గుమ్మడి గింజల్లో ఆరోగ్యకరమైన కొవ్వులు, లినోలిక్ యాసిడ్, ఒలీక్ యాసిడ్, డైటరీ ఫైబర్, అనేక సూక్ష్మపోషకాలు పుష్కలంగా ఉన్నాయి. వంద గ్రాముల గుమ్మడి గింజల్లో 30 గ్రాముల ప్రొటీన్ ఉంటుంది. ఇతర విత్తనాలతో పోలిస్తే ఈ ప్రోటీన్ పరిమాణం చాలా ఎక్కువ. అంతే కాకుండా ఇందులో విటమిన్ సి, విటమిన్ ఇ, విటమిన్ కె, ఫోలేట్, కాల్షియం, ఐరన్, మెగ్నీషియం, ఫాస్పరస్, పొటాషియం, సోడియం మరియు జింక్ పుష్కలంగా ఉన్నాయి.

ఇక ఎక్కువగా ప్రొటీన్స్‌ ఉండేది గుడ్డు. గుడ్డు తెల్లటి, పసుపు పచ్చసొన రెండింటిలోనూ ప్రోటీన్ పుష్కలంగా ఉంటుంది. పచ్చసొనలో చాలా కొవ్వు ఉన్నప్పటికీ, ప్రజలు తరచుగా గుడ్డులోని తెల్లని భాగాన్ని మాత్రమే తీసుకుంటారు. కానీ మీరు కీటో డైట్‌లో ఉంటే, ప్రొటీన్లు, కొవ్వులు అధికంగా ఉండే ఆహారం తీసుకుంటే, మీరు చింతించకుండా మొత్తం గుడ్డు తినవచ్చు. ప్రోటీన్, మంచి కొవ్వు కాకుండా గుడ్లలో ఉపయోగకరమైన ఖనిజాలు పుష్కలంగా ఉన్నాయి. కాల్షియం, ఐరన్, మెగ్నీషియం, ఫాస్పరస్, పొటాషియం, సోడియం, జింక్ వంటివి ఉన్నాయి. ఇది కాకుండా విటమిన్లు A, B, D, E,K కూడా ఇందులో లభిస్తాయి. గుడ్లలో థెరనైన్, ట్రిప్టోఫాన్ ప్రోటీన్లు ఉంటాయి. ఇవి శరీరానికి అవసరమైన పోషణను అందించడమే కాకుండా, కణాలు, కణజాలాల ఏర్పాటుకు కూడా అవసరం.

వేరుశెనగలు ప్రోటీన్స్‌కు అద్భుతమైన మూలం. 100 గ్రాముల వేరుశెనగలో 25 గ్రాముల ప్రోటీన్ ఉంటుంది. ఇది కాకుండా, మాంగనీస్, ఐరన్, కాల్షియం, మెగ్నీషియం, ఫాస్పరస్, పొటాషియం, జింక్ వంటి ముఖ్యమైన ఖనిజాలు వేరుశెనగలో పుష్కలంగా ఉన్నాయి. అదనంగా విటమిన్లు B 1,2,3,5,6,9 కూడా ఉంటాయి. ఇక వేరుశెనగలో విటమిన్ సి, ఈ కూడా ఉన్నాయి.

(గమనిక: అందులోని అంశాలన్ని కేవలం అవగాహన కోసం మాత్రమే. వైద్య నిపుణుల సలహాలు, సూచనల మేరకు అందించడం జరుగుతుంది. ఏదైనా సందేహాలుంటే వైద్యులను సంప్రదించాలి.)

ఇవి కూడా చదవండి:

Meditation: ధ్యానం చేసే సమయంలో శరీరంలో ఏం జరుగుతుంది..? ఎలాంటి మార్పులుంటాయి.. పరిశోధనలో కీలక విషయాలు

Heart Attack Symptoms: గుండెపోటుకు ముందు కనిపించే సంకేతాలు ఇవే.. ఈ సమయాల్లో జాగ్రత్త