Copper Water: పరగడుపున రాగి నీరు తాగితే అద్భుతమైన ప్రయోజనాలు.. గుండె జబ్బులతోపాటు ఆ సమస్యలన్నీ మటుమాయం..
ఈ నీటిని రెగ్యులర్‌గా తాగడం వల్ల శరీరంలో రాగి లోపం తీరిపోయి టాక్సిన్స్ బయటకు వస్తాయి. ఖాళీ కడుపుతో ఈ నీటిని తీసుకోవడం వల్ల పొట్టను శుభ్రం చేయడంలో కూడా చాలా ప్రయోజనం చేకూరుతుంది.
Updated on: Aug 28, 2022 | 1:56 PM
Copper Water benefits: రాగి పాత్రలోని నీరు పలు సమస్యలకు ఔషధంలా పనిచేస్తాయి. రాగి పాత్రలో రాత్రంతా నిల్వ ఉంచిన నీరు శరీరాన్ని నిర్విషీకరణ చేయడానికి టానిక్ లాగా పనిచేస్తుందని నిపుణులు పేర్కొంటున్నారు. ఈ నీటిని రెగ్యులర్‌గా తాగడం వల్ల శరీరంలో రాగి లోపం తీరిపోయి టాక్సిన్స్ బయటకు వస్తాయి. ఖాళీ కడుపుతో ఈ నీటిని తీసుకోవడం వల్ల పొట్టను శుభ్రం చేయడంలో కూడా చాలా ప్రయోజనం చేకూరుతుంది. ఇది కాకుండా ఈ నీరు శరీరానికి ఎలా ఉపయోగపడుతుందో ఇప్పుడు తెలుసుకుందాం..
బరువు నియంత్రణలో ఉంటుంది: రాగి పాత్రలో ఉంచిన నీరు శరీరంలోని కొవ్వును తగ్గిస్తుంది. శరీరం డిటాక్స్‌ చేయడంతోపాటు పొట్టను శుభ్రపరచడంలో రాగి చాలా ప్రభావవంతంగా ఉంటుంది. అందువల్ల శరీరంలో కొవ్వు పేరుకుపోకుండా, స్థూలకాయం నియంత్రణలో ఉండాలని మీరు కోరుకుంటే ప్రతిరోజూ ఉదయం ఖాళీ కడుపుతో రాగి నీటిని తాగాలని సూచిస్తున్నారు.
యవ్వనంగా ఉంచుతుంది: రాగి నీరు మెలనిన్ ఉత్పత్తికి సహాయపడుతుంది. అతినీలలోహిత కిరణాల నుంచి చర్మాన్ని రక్షించడానికి గొడుగులా పనిచేస్తుంది. దీని వల్ల చర్మం త్వరగా ముడతలు పడదు. వయసు మీద పడినపట్లు కనిపించదు. దీనితో పాటు, కళ్ళు, జుట్టు రంగును నిర్వహించడానికి శరీరానికి మెలనిన్ కూడా అవసరం.
కీళ్ల నొప్పులకు చెక్: ఆర్థరైటిస్ సమస్య ఉంటే లేదా కుటుంబంలో ఆర్థరైటిస్ చరిత్ర ఉన్నా.. ఖచ్చితంగా రాగి నీటిని తీసుకోవాలి. ఎందుకంటే రాగి పాత్రలో ఉంచిన నీరు తగినంత పరిమాణంలో రాగి లక్షణాలను కలిగి ఉంటుంది. ఇది శరీరంలో కీళ్లలో నొప్పి, మంట సమస్యను నివారిస్తుంది. రాగి నీరు శరీరంలోని యూరిక్ యాసిడ్ మొత్తాన్ని నియంత్రించడంలో సహాయపడుతుంది. యూరిక్ యాసిడ్ పెరిగితే.. ఎన్నో సమస్యలు పెరుగుతాయి.
రక్తహీనత సమస్యను నివారిస్తుంది: శరీరంలో రక్తహీనత సమస్య ఉంటే రాగి నీటిని తీసుకోవాలి. ఈ నీటిని తీసుకోవడం వల్ల శరీరంలోని శోషణ సామర్థ్యం పెరుగుతుంది. దీని కారణంగా తినే ఆహారంలో ఎక్కువ పరిమాణంలో శరీరానికి అందుతుంది. శరీరానికి అవసరమైన రక్తాన్ని ఉత్పత్తి చేయడానికి ఈ పోషకాలు ఉపయోగపడతాయి.
గుండె జబ్బులను నివారించడంలో మేలు చేస్తుంది: రాగి నీరు శరీరంలో రక్త ప్రసరణను మెరుగుపరచడంలో సహాయపడుతుంది. కుటుంబ చరిత్రలో గుండె జబ్బులు లేదా గుండెపోటు లాంటి సమస్యలు ఉంటే నివారణ కోసం రాగి నీటిని క్రమం తప్పకుండా తాగాలి. ప్రతిరోజు ఖాళీ కడుపుతో ఈ నీటిని తాగడం వల్ల హార్ట్ బ్లాక్ అయ్యే ప్రమాదం తగ్గుతుంది.
మరిన్ని హెల్త్ వార్తల కోసం చూడండి..
