Alekhya- YS Sharmila: తారకరత్న భార్య బర్త్‌డేను గ్రాండ్‌గా సెలబ్రేట్ చేసిన వైఎస్ షర్మిల.. వీడియో వైరల్

నందమూరి తారకరత్న ఆకస్మిక మరణంతో అతని భార్య అలేఖ్యా రెడ్డి బాగా కుంగిపోయింది. ప్రేమించి పెళ్లి చేసుకుని జీవితాంతం తోడుంటాడని ఎన్నో కలలు కన్న ఆమె ఈ విషాదం నుంచి ఇప్పటికీ కోలుకోలేకపోతోంది. నిత్యం తన భర్త అందించిన మధుర జ్ఞాపకాలను గుర్తు చేసుకుంటోంది.

Alekhya, YS Sharmila

Basha Shek |
Updated on: Aug 08, 2024 | 6:55 PM

నందమూరి తారకరత్న ఆకస్మిక మరణంతో అతని భార్య అలేఖ్యా రెడ్డి బాగా కుంగిపోయింది. ప్రేమించి పెళ్లి చేసుకుని జీవితాంతం తోడుంటాడని ఎన్నో కలలు కన్న ఆమె ఈ విషాదం నుంచి ఇప్పటికీ కోలుకోలేకపోతోంది. నిత్యం తన భర్త అందించిన మధుర జ్ఞాపకాలను గుర్తు చేసుకుంటోంది. అలాగే సోషల్ మీడియాలో తారక రత్న, పిల్లల ఫొటోలను షేర్ చేస్తూ ఎమోషనల్ అవుతుంటుంది. ఇదిలా ఉంటే బుధవారం (ఆగస్టు 08) అలేఖ్యా రెడ్డి పుట్టిన రోజు. ఈ సందర్భంగా పలువురు సినీ ప్రముఖులు, అభిమానులు, నెటిజన్లు ఆమెకు పుట్టిన రోజు శుభాకాంక్షలు తెలిపారు. ఈ నేపథ్యంలో ఏపీ కాంగ్రెస్ పార్టీ అధ్యక్షురాలు వైఎస్ షర్మిల అలేఖ్యకు ఒక సర్ ప్రైజ్ ఇచ్చారు. తన కుమార్తె అంజలితో కలిసి అలేఖ్య పుట్టిన రోజును గ్రాండ్ గా సెలబ్రేట్ చేశారు. ఈ సందర్భంగా ఆమె ఇంటి కెళ్లి కేక్ కట్ చేయించి బర్త్ డే విషెస్ చెప్పారు. దీంతో తారకరత్న సతీమణి ఒక్కసారిగా ఎమోషనల్ అయ్యింది. కన్నీళ్లు పెట్టుకుంది. షర్మిల ఆమెను ఆప్యాయంగా దగ్గరకు తీసుకుని ఓదార్చింది. ఆ తర్వాత అందరికీ బర్త్ డే కేక్ తినిపించింది. ఈ వీడియోను అలేఖ్య తన సోషల్ మీడియా అకౌంట్‌లో షేర్ చేయగా.. ఇప్పుడు అదికా స్తా వైరల్ గా మారింది.

‘గత కొన్నేళ్లుగా నా పక్కన ఉంటావు అని ఇచ్చిన మాటను నిలబెట్టుకుంటున్నావు అక్క. నా కోసం టైం ఇచ్చి.. నా పుట్టిన రోజును ఇంత గ్రాండ్ గా సెలబ్రేట్ చేసినందుకు ధన్యవాదాలు. నాకు కన్నీళ్లు వస్తున్నాయి. నువ్వు చేసే చిన్న పని కూడా నాకు దీవెనలా అనిపిస్తుంది. నువ్వు నాకెంత స్పెషల్ అనేది మాటల్లో చెప్పలేను. నీ స్థానాన్ని ఎవరూ రీప్లేస్ చేయలేరు అక్క. లవ్ యూ షర్మిల అక్క’ అంటూ ఎమోషనలైంది అలేఖ్య. ప్రస్తుతం ఈ వీడియో సామాజిక మాధ్యమాల్లో బాగా వైరలవుతోంది.

ఇవి కూడా చదవండి