Venu Udugula : పొలిటికల్ యాక్షన్ థ్రిల్లర్ రెడీ చేస్తోన్న విరాటపర్వం డైరెక్టర్
వేణు ఊడుగుల .. చేసింది రెండు సినిమాలే అయినా మంచి క్రేజ్ తెచ్చుకున్నాడు ఈ యంగ్ డైరెక్టర్. విభిన్నమైన కథలను ఎంచుకొని ప్రేక్షకులను మేపించాడు వేణు.
వేణు ఊడుగుల(Venu Udugula ).. చేసింది రెండు సినిమాలే అయినా మంచి క్రేజ్ తెచ్చుకున్నాడు ఈ యంగ్ డైరెక్టర్. విభిన్నమైన కథలను ఎంచుకొని ప్రేక్షకులను మేపించాడు వేణు. నీదీ నాది ఒకటే కథ సినిమాతో దర్శకుడిగా పరిచయం అయినా వేణు ఊడుగుల తొలి సినిమాతోనే విమర్శకుల ప్రశంశలు అందుకున్నారు. శ్రీవిష్ణు హీరోగా నటించిన ఈ సినిమా మంచి టాక్ ను సొంతం చేసుకుంది. ఇక ఇటీవల విరాటపర్వం సినిమాతో ప్రేక్షకుల ముందుకు వచ్చాడు వేణు ఊడుగుల. రానా , సాయి పల్లవి ప్రధానపాత్రలో నటించిన ఈ సినిమా మంచి విజయాన్ని అందుకుంది. నక్సలిజం నేపథ్యంలో తెరకెక్కిన ఈ సినిమా ప్రేక్షకులను మెప్పించింది. ముఖ్యంగా సాయిపల్లవి నటనకు ప్రశంసలు దక్కాయి.
యదార్ధ సంఘటన నేపథ్యంలో తెరకెక్కిన ఈ సినిమా మంచి టాక్ ను సొంతం చేసుకుంది. ఇక ఈ సినిమా తర్వాత వేణు ఎవరితో సినిమా చేస్తున్నారని ఆసక్తి నెలకొంది. ఇక ఇప్పుడు వేణు మరో ఇంట్రస్టింగ్ సినిమాతో ప్రేక్షకుల ముందుకు రాబోతున్నాడు. తాజాగా ఓ ఇంటర్వ్యూలో మాట్లాడుతూ.. తాను ఎవరితో సినిమా చేయనున్నాడన్నది త్వరలోనే ఆ విషయాన్ని వెల్లడిస్తాడని వేణు ఊడుగుల చెప్పుకొస్తున్నారు. ఈ సారి తాను పొలిటికల్ యాక్షన్ థ్రిల్లర్ నేపథ్యంలో ఒక కథను రెడీ చేసుకున్నట్టుగా తెలిపారు. ఇది తాను తయారు చేసుకున్న కల్పిత కథ అనీ… పూర్తి కమర్షియల్ అంశాలతో ఉంటుందని చెప్పుకొచ్చారు వేణు ఊడుగుల.
