Vijay Deverakonda: పెళ్లిపీటలెక్కనున్న విజయ్‌ దేవరకొండ! హాట్ టాపిక్‌గా సోషల్ మీడియా పోస్ట్

ఈ ఫొటోలో ఓ అమ్మాయి చేయి విజయ్ దేవరకొండ చేతిలో ఉండడం విశేషం. దీంతో త్వరలోనే విజయ్‌ దేవరకొండ పెళ్లిపీటలెక్కనున్నాడని, ఈ పోస్టుకు ఇదే అర్థమంటూ అభిమానులు, నెటిజన్లు, ఫాలోవర్లు కామెంట్ల వర్షం కురిపిస్తున్నారు. అదే సమయంలో ఇదంతా ఖుషి సినిమా ప్రమోషన్లలో భాగంగానే రౌడీ బాయ్ ఇలా చేస్తున్నాడంటూ మరికొందరు స్పందిస్తున్నారు. మరి ఈ ఫొటోకు అర్థమేంటో తెలియాలంటే విజయ్‌నే స్పందించాలి.

Vijay Deverakonda

Basha Shek |
Updated on: Aug 29, 2023 | 8:51 PM

టాలీవుడ్‌ రౌడీ బాయ్‌ విజయ్‌ దేవరకొండ బ్యాచిలర్‌ లైఫ్‌కు బై బై చెప్పనున్నాడా? త్వరలోనే పెళ్లిపీటలెక్కనున్నాడా? అంటే అవుననే సమాధానం వినిపిస్తోంది. దీనికి కారణం మంగళవారం (ఆగస్టు 29) సాయంత్రం విజయ్‌ దేవరకొండ పెట్టిన ఇన్‌స్టాగ్రామ్‌ స్టోరీ. ‘చాలా జరుగుతాయి.. కానీ, ఒకటి మాత్రం చాలా స్పెషల్‌- త్వరలోనే ప్రకటిస్తా’ అని ఒక ఫొటోను ఇన్‌స్టాగ్రామ్ స్టోరీలో పోస్ట్ చేశారు విజయ్. ఈ ఫొటోలో ఓ అమ్మాయి చేయి విజయ్ దేవరకొండ చేతిలో ఉండడం విశేషం. దీంతో త్వరలోనే విజయ్‌ దేవరకొండ పెళ్లిపీటలెక్కనున్నాడని, ఈ పోస్టుకు ఇదే అర్థమంటూ అభిమానులు, నెటిజన్లు, ఫాలోవర్లు కామెంట్ల వర్షం కురిపిస్తున్నారు. అదే సమయంలో ఇదంతా ఖుషి సినిమా ప్రమోషన్లలో భాగంగానే రౌడీ బాయ్ ఇలా చేస్తున్నాడంటూ మరికొందరు స్పందిస్తున్నారు. మరి ఈ ఫొటోకు అర్థమేంటో తెలియాలంటే విజయ్‌నే స్పందించాలి. కాగా సమంతతో విజయ్‌ కలిసి నటించిన ‘ఖుషి’ సినిమా రిలీజ్‌కు రంగం సిద్ధమైంది. ఇప్పటికే అన్ని హంగులు పూర్తి చేసుకున్న ఈ యూత్‌ఫుల్‌ లవ్‌ స్టోరీ సెప్టెంబర్‌ 1న గ్రాండ్‌గా రిలీజ్‌ కానుంది. ఇప్పటికే తెలుగు రాష్ట్రాల్లో అడ్వాన్స్‌ బుకింగ్‌ ప్రారంభమయ్యాయి.

ప్రమోషన్ కాదు కదా భయ్యా..?

శివ నిర్వాణ తెరకెక్కించిన ఖుషి సినిమాలో జయరాం, సచిన్ ఖేడేకర్, వెన్నెల కిషోర్, రాహుల్ రామకృష్ణ, మురళీ శర్మ, లక్ష్మీ, అలీ, శరణ్య పొన్ వణ్నన్, రోహిణి, శ్రీకాంత్ అయ్యంగార్, శరణ్య ప్రదీప్ తదితరులు కీలక పాత్రలు పోషించారు. భారీ సినిమాలకే కేరాఫ్‌ అడ్రస్‌ అయిన మైత్రీ మూవీ మేకర్స్‌ బ్యానర్‌పై నవీన్‌ యెర్నేని, రవిశంకర్‌ ఈ ఫీల్‌గుడ్‌ లవ్‌స్టోరీని నిర్మించారు. తెలుగుతోపాటు, తమిళం, మలయాళం, కన్నడ, హిందీ భాషల్లో పాన్‌ ఇండియా స్థాయిలో ఖుషి సినిమాను రిలీజ్ చేస్తున్నారు.ఈ సినిమాకు హిషామ్ అబ్దుల్ వాహబ్ మ్యూజిక్‌ డైరెక్టర్‌ కాగా ప్రవీణ్ పూడి ఎడిటర్‌గా వ్యవహరిస్తున్నారు.

ఇవి కూడా చదవండి