Samantha: హీరోలకు పోటీగా సమంత క్రేజ్.. యశోద కోసం ఏకంగా సామ్ భారీ కటౌట్..

కొద్దిరోజులుగా మయోసైటిస్ వ్యాధితో బాధపడుతున్న సామ్.. చిత్ర ప్రచార కార్యక్రమాలకు దూరంగా ఉంటూనే.. సోషల్ మీడియా ద్వారా ఎప్పటికప్పుడు మూవీ అప్డే్ట్స్ ఇస్తుంది. ఇక తెలుగు రాష్రాల్లో యశోద మూవీ రిలీజ్ సందడి మొదలైంది.

Samantha 2

Rajitha Chanti |
Updated on: Nov 07, 2022 | 10:13 AM

సమంత నటించిన లేటేస్ట్ చిత్రం యశోద నవంబర్ 11న ప్రేక్షకుల ముందుకు రానుంది. డైరెక్టర్స్ హరి, హరిష్ దర్శకత్వం వహించిన ఈ మూవీ కోసం ఫ్యాన్స్ ఆసక్తిగా ఎదురుచూస్తున్నారు. సరోగసి నేపథ్యంతో రూపొందించిన ఈ మూవీలో సామ్.. గర్భవతిగా కనిపించింది. ఇటీవల విడుదలైన ట్రైలర్ సినిమాపై మరింత క్యూరియాసిటిని పెంచింది. అయితే యశోద మూవీ రిలీజ్ డేట్ దగ్గరపడుతుండడంతో ప్రమోషన్స్ వేగవంతం చేసింది చిత్రయూనిట్. కొద్దిరోజులుగా మయోసైటిస్ వ్యాధితో బాధపడుతున్న సామ్.. చిత్ర ప్రచార కార్యక్రమాలకు దూరంగా ఉంటూనే.. సోషల్ మీడియా ద్వారా ఎప్పటికప్పుడు మూవీ అప్డే్ట్స్ ఇస్తుంది. ఇక తెలుగు రాష్రాల్లో యశోద మూవీ రిలీజ్ సందడి మొదలైంది. ముఖ్యంగా భాగ్యనగరంలో సామ్ ఫ్యాన్స్ యశోద రిలీజ్ సందడి మొదలుపెట్టారు.

హైదరాబాద్‏లోని సుదర్శన్ 35 ఎంఎం థియేటర్ వద్ద సమంత భారీ కటౌట్ ను అభిమానులు ఏర్పాటు చేశారు. గతంలో 2019లోనూ ఇలాగే.. ఓ బేబీ సినిమా రిలీజ్ కి ముందు సామ్ కటౌట్ దేవీ 70 ఎంఎం థియేటర్ వద్ద ఏర్పాటు చేశారు. హీరోలకు సమానంగా క్రేజ్ సంపాదించుకుంది సామ్. మరోవైపు మయోసైటిస్ వ్యాధితో బాధపడుతున్న సామ్ … త్వరగా కోలుకోవాలని కోరుకుంటున్నారు అభిమానులు.

ఇవి కూడా చదవండి

Samantha 1

ఇప్పటికే సమంత పూర్తిచేసిన శాకుంతలం సినిమా ప్రస్తుతం పోస్ట్ ప్రొడక్షన్ పనులు జరుపుకుంటుంది. డైరెక్టర్ గుణశేఖర్ రూపొందించిన ఈసినిమా త్వరలోనే ప్రేక్షకుల ముందుకు రానుంది. అలాగే డైరెక్టర్ శివ నిర్వాణ.. రౌడీ హీరో విజయ్ దేవరకొండ కాంబోలో రాబోతున్న ఖుషి చిత్రంలోనూ నటిస్తోంది.