Actress: ముసిముసి నవ్వులు చిందిస్తోన్న ఈ చిన్నారి ఇప్పుడు స్టార్‌ హీరోయిన్‌.. ఎవరో గుర్తుపట్టారా మరి?

కెరీర్‌ ఆరంభంలో ఎక్కువగా గ్లామర్‌ పాత్రలే పోషించిన ఈ బ్యూటీక్వీన్‌ ఆ తర్వాత హీరోయిన్‌ ఓరియంటెడ్‌ సినిమాలకు కేరాఫ్‌ అడ్రస్‌గా మారిపోయింది. ఇప్పటివరకు తెలుగు, తమిళం భాషల్లో యాభైకి పైగా చిత్రాల్లో నటించింది.

Actress

Basha Shek |
Updated on: Nov 07, 2022 | 10:23 AM

ఫై ఫొటోలో చబ్బీ చీక్స్‌తో ముసిముసి నవ్వులు చిందిస్తోన్న ఈ చిన్నారి ఇప్పుడు ఓ స్టార్‌ హీరోయిన్‌. సుమారు దశాబ్ధన్నర కాలంగా సిల్వర్‌ స్ర్కీన్‌పై అలరిస్తోన్న ఈ ముద్దుగుమ్మకు అభిమాన గణం కూడా ఎక్కువే. కెరీర్‌ ఆరంభంలో ఎక్కువగా గ్లామర్‌ పాత్రలే పోషించిన ఈ బ్యూటీక్వీన్‌ ఆ తర్వాత హీరోయిన్‌ ఓరియంటెడ్‌ సినిమాలకు కేరాఫ్‌ అడ్రస్‌గా మారిపోయింది. ఇప్పటివరకు తెలుగు, తమిళం భాషల్లో యాభైకి పైగా చిత్రాల్లో నటించింది. కేవలం ఒకే ఒక సినిమాతో పాన్‌ ఇండియా హీరోయిన్‌గా మారిపోయిన ఈ అందాల తార టాలీవుడ్ తో సహా దక్షిణాది సినిమా ఇండస్ట్రీలో అత్యధిక పారితోషికం తీసుకుంటున్న హీరోయిన్లలో ఒకరు. నాలుగు పదుల వయసుదాటినా తన అందం, అభినయంతో సౌతిండియన్‌ లేడీ సూపర్‌స్టార్‌గా వెలుగొందుతోన్న ఈ సొగసరి మరెవరో కాదు..

మన స్టార్ హీరోయిన్ స్వీటీ.. అదేనండీ అనుష్క శెట్టి. అక్కినేని నాగార్జున సూపర్ సినిమాతో తెలుగు తెరకు పరిచయమైన ఈ బ్యూటీ అరుంధతి, భాగమతి, రుద్రమదేవి, బాహుబలి, సైజ్ జీరో, సింగం వంటి చిత్రాలతో స్టార్‌ హీరోయిన్‌గా క్రేజ్‌ తెచ్చుకుంది. ఇక బాహుబలి సిరీస్‌ సినిమాలతో పాన్‌ ఇండియా స్టార్‌గా మారిపోయింది. ప్రస్తుతం యంగ్‌ హీరో నవీన్‌ పొలిశెట్టితో ఓసినిమాలోనూ నటిస్తోంది. అలాగే మలయాళంలోనూ ఓ సినిమాకు ఓకే చెప్పింది. అన్నట్లు మన స్వీటీ ఈరోజు పుట్టిన రోజు జరుపుకొంటోంది. ఆమె మరెన్నో సినిమాల్లో నటించాలని కోరుకుంటూ మనమూ పుట్టిన రోజు శుభాకాంక్షలు చెబుదాం.

ఇవి కూడా చదవండి