Kamal Haasan: 35 ఏళ్ల తర్వాత మరోసారి ఆ మ్యాజిక్ రిపీట్.. కమల్.. మణి.. రెహమాన్ కాంబోలో క్రేజీ ప్రాజెక్ట్.. ఇక అభిమానులకు పండగే..

విక్రమ్ సినిమాతో చాలా కాలం తర్వాత బ్లాక్ బస్టర్ హిట్ తన ఖాతాలో వేసుకున్నారు కమల్ హాసన్. డైరెక్టర్ లోకేష్ కనగరాజ్ దర్శకత్వంలో కమల్ నటించిన ఈ మూవీ బాక్సాఫీస్ వద్ద అతి పెద్ద విజయాన్ని అందుకుంది. ఇందులో విజయ్ సేతుపతి, ఫహద్ ఫాజిల్, సూర్య కీలకపాత్రలలో నటించారు. మరోవైపు పాన్ ఇండియా డైరెక్టర్ శంకర్ దర్శకత్వంలో ఇండియన్ 2 చిత్రీకరణలో బిజీగా ఉన్న కమల్.. తాజాగా ఆదివారం తన తదుపరి ప్రాజెక్ట్ అనౌన్స్ చేశారు. సక్సెస్ ఫుల్ డైరెక్టర్ మణిరత్నం దర్శకత్వంలో ఓ మూవీ చేయనున్నారు. రాజ్ కమల్ ఫిలింస్ ఇంటర్నేషనల్ (RKFI), మద్రాస్ టాకీస్, రెడ్ జెయింట్ మూవీస్ క్రేజీ కాంబినేషన్ లో కమల్ హాసన్ 234 చిత్రం 2024లో థియేటర్లోకి రానున్నట్లు సగర్వంగా ప్రకటించారు. ఉలగనాయగన్ కమల్ హాసన్ ప్రధాన పాత్ర పోషిస్తున్న ఈ చిత్రానికి మణిరత్నం దర్శకత్వం వహించనున్నారు.

అలాగే ఈ చిత్రానికి సంగీతం ఏఆర్ రెహమాన్ అందించనున్నారు. ఇద్దరు దిగ్గజాలు కమల్ హాసన్, మణిరత్నంల మ్యాజికల్ కలయిక వచ్చిన నాయగన్ కల్ట్ క్లాసిక్ గా నిలిచింది. దాదాపు 35 సంవత్సరాల తర్వాత మరోసారి ఆ మ్యాజిక్ రిపీట్ కాబోతుంది. ఉలగనాయగన్ కమల్ హాసన్, మణిరత్నం, ఆర్. మహేంద్రన్ & శివ అనంత్ ఈ చిత్రాన్ని నిర్మిస్తున్నారు.

దిగ్గజ నటుడు, దర్శకుడు , నిర్మాత కమల్ హాసన్ మాట్లాడుతూ, “35 సంవత్సరాల క్రితం మణిరత్నంతో పని చేసినపుడు ఎంత ఉత్సాహంగా వున్నానో ఇప్పుడు అంతే ఉత్సాహంగా వుంది. ఒకేరకమైన మనస్తత్వంతోవున్న వారితో కలసి పని చేయడం గొప్ప ఉత్తేజాన్నిస్తుంది. ఈ ఉత్సాహంలో రెహమాన్ కూడా తోడయ్యారు. మిస్టర్ ఉదయనిధి స్టాలిన్‌ తో కలిసి ఈ వెంచర్‌ ని ప్రజంట్ చేయడానికి ఆసక్తిగా ఎదురుచూస్తున్నాను” అన్నారు

ఇవి కూడా చదవండి

Adipurush: ప్రభాస్ అభిమానులకు బ్యాడ్‏న్యూస్.. ఆదిపురుష్ వాయిదా.. న్యూ రిలీజ్ డేట్ అనౌన్స్ చేసిన డైరెక్టర్..

Vijay Deverakonda: ‘శారీరకంగా.. మానసికంగా చేయగలిగిదంతా చేశాను.. కానీ ఫలితం దక్కలేదు’.. లైగర్ సినిమాపై విజయ్ కామెంట్స్..

Samantha: డాక్టర్‍ను దగ్గర పెట్టుకుని డబ్బింగ్ చెప్పారు.. మాకు సమంత ఆరోగ్యం గురించి తెలిసింది అప్పుడే.. యశోద నిర్మాత ఆసక్తికర కామెంట్స్..

Bigg Boss 6: గుండె పగిలేలా ఏడ్చిన గీతూ రాయల్.. బిగ్‏బాస్ వదిలి నేను పోను అంటూ ఎమోషనల్..వెక్కి వెక్కి ఏడ్చిన రేవంత్..

దర్శకుడు, నిర్మాత మణిరత్నం మాట్లాడుతూ, “కమల్ సర్‌ తో మళ్లీ కలిసి పని చేయడం సంతోషంగా, గౌరవం, ఉత్సాహంగా ఉంది.” అన్నారు. నటుడు ,నిర్మాత ఉదయనిధి స్టాలిన్ మాట్లాడుతూ, “ ఉలగనాయగన్ కమల్ హసన్ గారి 234 చిత్రాన్ని ప్రజంట్ చేయడం గొప్ప గౌరవం, ఒక అద్భుతమైన అవకాశం. కమల్ సర్, మణి సర్ ని అమితంగా ఆరాధిస్తాను. ఈ గొప్ప అవకాశం ఇచ్చినందుకు వారికి ధన్యవాదాలు” తెలిపారు. ఈ చిత్రానికి సంబంధించిన మరిన్ని వివరాలను త్వరలోనే తెలియజేస్తారు.