Pathaan Trailer: దేశాన్ని కాపాడే ‘పఠాన్’.. యాక్షన్ సీన్స్ హైలైట్గా ట్రైలర్
పఠాన్ సినిమా ఈనెల రిపబ్లిక్ డే సందర్భంగా జనవరి 25వ తారీకున ప్రేక్షకుల ముందుకు రాబోతున్న విషయం తెల్సిందే. ఈ సినిమాలో దీపికా పదుకునే హీరోయిన్ గా నటించింది.
Updated on: Jan 10, 2023 | 12:22 PM
బాలీవుడ్ బాద్షా షారుఖ్ నటిస్తున్న లేటెస్ట్ మూవీ పఠాన్. షారుక్ సినిమా కోసం ఆయన అభిమానులంతా వేయి కళ్ళతో ఎదురుచూస్తున్నారు. పఠాన్ సినిమా ఈనెల రిపబ్లిక్ డే సందర్భంగా జనవరి 25వ తారీకున ప్రేక్షకుల ముందుకు రాబోతున్న విషయం తెల్సిందే. ఈ సినిమాలో దీపికా పదుకునే హీరోయిన్ గా నటించింది. ఈ అమ్మడు కనిపించిన పఠాన్ పాట ఒకటి గత కొన్నాళ్లుగా వివాదాస్పదం అవుతోంది. చాలా రోజుల తర్వాత షారుక్ సినిమా వస్తుండటంతో ఈ సినిమా పై భారీ అంచనాలు నెలకొన్నాయి. ఈ క్రమంలో తాజాగా పఠాన్ మూవీ ట్రైలర్ ను రిలీజ్ చేశారు మేకర్స్. ఇటీవలే విడుదలైన ఈ మూవీ టీజర్, పోస్టర్స్, పాటలు ప్రేక్షకులను ఆకట్టుకోవడంతో పాటు కొన్ని వివాదాలకు కూడా తెరలేపాయి. తాజాగా విడుదలైన పఠాన్ ట్రైలర్ చూస్తుంటే కంప్లీట్ యాక్షన్ ఎంటర్టైనర్ గా ఉంటుందని తెలుస్తోంది.
ఇక ఈ సినిమాలో జాన్ అబ్రహం కీలక పాత్రలో నటిస్తున్నాడు. ఈ సినిమాలో యాక్షన్స్ సీన్స్ హైలైట్ గా ఉండనున్నాయని తెలుస్తోంది . శత్రువులనుంచి దేశాన్ని కాపాడే పాత్రలో షారుక్ కనిపించనున్నాడు. నాశనం చేయడానికి ఈ గ్రూప్ డబ్బులు తీసుకొని ఇండియా మీద భారీ దాడి ప్లాన్ చేస్తుంది. ఆ పని జాన్ అబ్రహం తీసుకుంటాడు. దాంతో ఇండియా అధికారులు ఒక పాత ఆఫీసర్ అయిన పఠాన్(షారుఖ్) ని రప్పిస్తారు. పఠాన్ కి తోడుగా దీపికా కూడా ఈ ఆపరేషన్ లో పాల్గొంటుంది. ఈ ఇద్దరు కలిసి దేశాన్ని ఎలా కాపాడారు అనేది సినిమా కథ. పఠాన్ పాన్ ఇండియా మూవీగా రిలీజ్ కానుంది. తాజాగా విడుదలైన తెలుగు ట్రైలర్ ను మెగాపవర్ స్టార్ రామ్ చరణ్ విడుదల చేశారు.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
