రిలీజ్ డేట్ కోసం పోటీ పడుతున్న నాని -నాగచైతన్య .. ఒకే రోజు రెండు సినిమాలు..?

కరోనా కల్లోలం తగ్గిపోయింది. ఇప్పుడిప్పుడే జనాలు దైర్యంగా బయటకు వస్తున్నాయి. పరిశ్రమలన్నీ తిరిగి ప్రారంభం అవుతున్నాయి.

Nani

TV9 Telugu Digital Desk | Edited By: Anil kumar poka

Updated on: Jul 17, 2021 | 4:51 PM

కరోనా కల్లోలం తగ్గిపోయింది. ఇప్పుడిప్పుడే జనాలు దైర్యంగా బయటకు వస్తున్నాయి. పరిశ్రమలన్నీ తిరిగి ప్రారంభం అవుతున్నాయి. ఈ క్రమంలోనే సినిమా ఇండస్ట్రీ కూడా పుంజుకుంటుంది. ఇప్పటికే షూటింగ్ లను తిరిగి మొదలుపెట్టేశారు. రిలీజ్ డేట్స్ ను ఫిక్స్ చేసుకుంటున్నారు. థియేటర్స్ ఓపెన్ అవ్వడమే ఆలస్యం సినిమాలను రిలీజ్ చేయాలని సిద్ధంగా ఉన్నారు నిర్మాతలంతా. ఇదిలా ఉంటే ఓ రెండు సినిమాలు మాత్రం రిలీజ్ డేట్ కోసం పోటీపడుతున్నాయి. నాగ చైతన్య నటించిన లవ్ స్టోరీ, నాని నటించిన టక్ జగదీష్ సినిమాలు ఒకే రోజు రిలీజ్ అవ్వడానికి సిద్ధం అవుతున్నాయి. ఆగస్టు 13 కోసం ఈ రెండు సినిమాలు పోటీ పడుతున్నాయని తెలుస్తున్నాయి. శేఖర్ కమ్ముల దర్శకత్వంలో తెరకెక్కుతున్న లవ్ స్టోరీ సినిమా అందమైన ప్రేమ కథగా తెరకెక్కుతుంది. ఈ సినిమాలో సాయి పల్లవి హీరోయిన్ గా నటిస్తుంది. ఈ సినిమాలో హీరో హీరోయిన్లు తెలంగాణ యాసలో మాట్లాడనున్నారు. కరోనా కారణంగా ఈ సినిమా విడుదల వాయిదా పడుతూ వస్తోంది. లవ్ స్టోరీ విజయం పై చిత్రయూనిట్ అంతా ధీమాగా ఉన్నారు.

మరో వైపు నాని కి నిన్నుకోరి వంటి సూపర్ హిట్ అందించిన శివ నిర్వాణ దర్శకత్వంలో టక్ జగదీష్ సినిమా చేస్తున్నాడు. ఈ సినిమా ఫ్యామిలీ ఎంటర్టైనర్ గా తెరకెక్కుతుంది. రీతువర్మ ఈ మూవీలో హీరోయిన్ గా నటిస్తుంది. జగపతి బాబు కీలక పాత్రలో నటిస్తున్నారు. ఈ సినిమాను ఆగస్టు 13న ప్రేక్షకుల ముందుకు తీసుకురావడానికి చిత్రయూనిట్ సన్నాహాలు చేస్తుంది. ఇప్పటికే విడుదలైన ఈ సినిమా పోస్టర్లు ,పాటలు సినిమా పై అంచనాలను పెంచాయి. అటు లవ్ స్టోరీ… ఇటు టక్ జగదీష్ రెండు సినిమాలు ఒకే డేట్ కోసం పోటీపడుతున్నట్టు ఇండస్ట్రీ లో టాక్ నడుస్తుంది. మరి ఈ రెండు సినిమాలు ఒకే రోజు విడుదలవుతాయా లేక డేట్స్ మార్చుకుంటాయా అన్నది చూడాలి. ఒకే రోజు విడుదలైతే ఖచ్చితంగా ఆప్రభావం రెండు సినిమాల పైన పడుతుందని విశ్లేషకులు అంటున్నారు. చూడాలి మరి ఎం జరుగుతుందో.

మరిన్ని ఇక్కడ చదవండి :