Adi Saikumar: “అమరన్” ప్రారంభించిన ఆది.. తొలిసారి పవర్ ఫుల్ పాత్రలో కనిపించనున్న హీరో..
డైలాగ్ కింగ్ సాయి కుమార్ కుమారుడిగా ఇండస్ట్రీలోకి ఎంట్రీ ఇచ్చిన ఆది.. "ప్రేమ కావాలి" సినిమాతో మంచి గుర్తింపు పొందాడు.
డైలాగ్ కింగ్ సాయి కుమార్ కుమారుడిగా ఇండస్ట్రీలోకి ఎంట్రీ ఇచ్చిన ఆది.. “ప్రేమ కావాలి” సినిమాతో మంచి గుర్తింపు పొందాడు. ఇక ఆ తర్వాత “లవ్లీ”, “సుకుమారుడు” వంటి చిత్రాలతో తెలుగు ప్రేక్షకులకు దగ్గరయ్యాడు ఆది. ప్రారంభంలోనే వరుస ఆఫర్లను అందుకున్న ఆది.. ఆ తర్వాత.. సరైన హిట్ అందుకోలేదు. ‘ఆపరేషన్ గోల్డ్ ఫిష్’ రీసెంట్‌గా వచ్చిన ‘శశి’ రెండు సినిమాలు ఆశించినంత హిట్ కాలేకపోయాయి. దీంతో ప్రస్తుతం స్టోరీలను ఎంచుకునే విషయంలో కాస్త జాగ్రత్తలు పాటిస్తున్నట్లుగా తెలుస్తోంది.
ప్రస్తుతం ఎస్.బాలవీర్ రచన దర్శకత్వంలో ‘అమరన్ ఇన్‌ ది సిటీ చాప్టర్‌-1’అనే సినిమా చేస్తున్నాడు. భారీ బడ్జెట్తో ఈ చిత్రాన్ని ఎస్‌వీఆర్ నిర్మిస్తుండగా.. ఇందులో ఆదికి జోడిగా అవికా గోర్ హీరోయిన్ గా నటిస్తోంది. అలాగే ఇందులో సాయి కుమార్ ఓ కీలక పాత్రలో నటిస్తున్నాడు. ఇక ఇందులో ఆది తొలిసారిగా పవర్‌ఫుల్ పోలీస్ ఆఫీసర్‌ పాత్రలో కనిపించబోతున్నాడు. దాదాపు రెండేళ్లపాటు ప్రీ ప్రొడక్షన్ పనులు పూర్తి చేసి ప్రస్తుతం షూటింగ్‌కి సిద్ధమైంది. తాజాగా ఈ సినిమా తొలి షెడ్యూల్ షూటింగ్ హైదరాబాద్‌లో ప్రారంభం అయింది. తాజాగా భారీ ఖర్చుతో రూపొందించిన పోలీస్ సెట్లో కొన్ని సన్నివేశాలతోపాటు.. నగర శివార్లలో మరిన్ని సీన్స్ తీయనున్నారు. అంతేకాకుండా..ఇందులో గ్రాఫిక్స్‌కు ప్రాధాన్యత ఉండబోతుందట. ఈ సినిమాలో ఆదిత్య ఓం, కృష్ణుడు, మనోజ్‌ నందన్‌, వీర శంకర్, అయన్, శృతి, రోషన్, మధు మణి తదితరులు నటిస్తున్నారు.
