Chiranjeevi: ‘అన్నయ్యా.. మీ సేవలు ఎల్లకాలం ఇలాగే కొనసాగాలి’.. చిరంజీవి ఛారిటబుల్ ట్రస్ట్కు పాతికేళ్లు
సినిమా ఇండస్ట్రీలో చిరంజీవిది ప్రత్యేక స్థానం. ఎలాంటి గాడ్ఫాదర్ లేకుండా మెగాస్టార్గా ఎదిగారు. తన నటనతో కోట్లాది మంది అభిమానం చూరగొన్నారు. ఒక వైపు తన సినిమాలతో వినోదాన్ని అందిస్తూనే.. సామాజిక బాధ్యతగా తన వంతు సేవా కార్యక్రమాలు నిర్వహిస్తున్నాడు. బ్లడ్ బ్యాంక్, ఐ బ్యాంక్.. అంటూ ఎంతోమంది జీవితాల్లో వెలుగులు నింపారాయన. తద్వారా సినిమాల్లోనే కాదు రియల్ లైఫ్లోనూ మెగాస్టార్గా పేరు తెచ్చుకున్నారు.
Updated on: Oct 03, 2023 | 6:25 AM
సినిమా ఇండస్ట్రీలో చిరంజీవిది ప్రత్యేక స్థానం. ఎలాంటి గాడ్ఫాదర్ లేకుండా మెగాస్టార్గా ఎదిగారు. తన నటనతో కోట్లాది మంది అభిమానం చూరగొన్నారు. ఒక వైపు తన సినిమాలతో వినోదాన్ని అందిస్తూనే.. సామాజిక బాధ్యతగా తన వంతు సేవా కార్యక్రమాలు నిర్వహిస్తున్నాడు. బ్లడ్ బ్యాంక్, ఐ బ్యాంక్.. అంటూ ఎంతోమంది జీవితాల్లో వెలుగులు నింపారాయన. తద్వారా సినిమాల్లోనే కాదు రియల్ లైఫ్లోనూ మెగాస్టార్గా పేరు తెచ్చుకున్నారు. కాగా చిరంజీవి ఛారిటబుల్ ట్రస్ట్ (CCT)ను స్థాపించి సోమవారం (అక్టోబర్ 2) నాటికి సరిగ్గా 25 ఏళ్లు గడిచింది. 1998 అక్టోబర్ 2న చిరంజీవి ఈ సామాజిక సేవకు శ్రీకారం చుట్టారు. చిరంజీవి ఛారిటబుల్ ట్రస్ట్లోని బ్లడ్ బ్యాంక్తో ఈ పాతికేళ్లలో లక్షలాది మంది ప్రాణాలు నిలిపారు చిరంజీవి. అలాగే ఐ బ్యాంక్తో ఎంతో మందికి కంటిచూపు అందించారు. ఈ నేపథ్యంలో చిరంజీవి ఛారిటబుల్ ట్రస్ట్ పాతికేళ్ల ప్రస్థానాన్ని గుర్తు చేసుకుని ఎమోషనల్ అయ్యారు మెగాస్టార్. ఈ మేరకు సోషల్ మీడియాలో ఒక పోస్ట్ పెట్టారాయన.. అప్పటి సీసీటీ ట్రస్ట్తో పాటు తాను రక్తదానం చేస్తున్న ఫొటోలను షేర్ చేస్తూ ‘చిరంజీవి ఛారిటబుల్ ట్రస్ట్ గౌరవప్రదమైన ప్రారంభం. 25 సంవత్సరాల అద్భుతమైన ప్రస్థానాన్ని నేను గుర్తు చేసుకుంటున్నాను. ఈ ట్రస్ట్ ద్వారా 10 లక్షలకు పైగా యూనిట్ల రక్తాన్ని సేకరించి నిరుపేదలకు పంపిణీ చేశారు. 10 వేల మందికి పైగా కంటి చూపు మెరుగయ్యేలా చేశారు. కరోనా మహమ్మారి సంక్షోభ సమయంలో వేలాది మంది ప్రాణాలు రక్షించబడటంతోపాటు ఇంకా మరెన్నో సేవలందించారు. మన తోటి వారికి ఈ సేవలు అందించడం ద్వారా మనం పొందే సంతృప్తి ఎంతో అసమానమైనది, అమూల్యమైనది’
‘ చిరంజీవి ఛారిటబుల్ ట్రస్ట్ మానవతా కార్యక్రమాలను శక్తివంతం చేసి, మా సామూహిక మిషన్కు శక్తినిస్తున్న లక్షలాది మంది సోదరసోదరీమణులకు సెల్యూట్ చేస్తున్నాను. ఇది మన గొప్ప దేశానికి మనమంతా చేస్తున్న చిన్న సహకారం మాత్రమే. ఇది మహాత్ముడికి మనమంతా అర్పించే నిజమైన నివాళి’ అని ఎమోషనల్ అయ్యారు చిరంజీవి. ప్రస్తుతం ఈ పోస్ట్ సోషల్ మీడియాలో వైరల్గా మారింది. చిరంజీవి సామాజిక స్పృహకు అందరూ సెల్యూట్ చస్తున్నారు. మీరు రియల్ హీరో సార్ అంటూ కామెంట్లు పెడుతున్నారు. ఇక సినిమాల విషయానికొస్తే.. భోళా శంకర్ తర్వాత బింబిసార ఫేమ్ వశిష్ఠ దర్శకత్వంలో ఓ సినిమా చేస్తున్నారు చిరంజీవి. సోషియో ఫాంటసీ ఎంటర్టైనర్గా ఈ మూవీ రూపొందనుందని సమాచారం. త్వరలోనే ఈ ప్రాజెక్టుకు సంబంధించిన మరిన్ని అప్ డేట్స్ రానున్నాయి.
చిరంజీవి ఎమోషనల్ పోస్ట్..
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
