Prabhas : ప్రభాస్ ఫెవరేట్ హీరోయిన్ ఎవరో తెలుసా.. ? కానీ కలిసి నటించడం కుదరదట..

యంగ్ రెబల్ స్టార్ ప్రభాస్ సినిమాల కోసం ఫ్యాన్స్ ఎంతో ఆసక్తిగా ఎదురుచూస్తున్నారు. చివరిసారిగా కల్కి 2898 ఏడీ సినిమాతో హిట్ కొట్టిన డార్లింగ్ ప్రస్తుతం రాజాసాబ్ చిత్రంలో నటిస్తున్నారు. డైరెక్టర్ మారుతి తెరకెక్కిస్తున్న హార్రర్ కామెడీ మూవీపై ఇప్పటికే భారీ హైప్ నెలకొంది. ఇందులో డార్లింగ్ సరసన ముగ్గురు హీరోయిన్స్ కనిపించనున్నారు. అలాగే ఇందులో ప్రభాస్ సరికొత్తగా కనిపించనుండడంతో ఈ మూవీ కోసం వేయి కళ్లతో వెయిట్ చేస్తున్నారు. ఇదే కాకుండా అటు హను రాఘవపూడి దర్శకత్వంలో ఫౌజీ (ప్రచారంలో ఉన్న టైటిల్), ఇటు సందీప్ రెడ్డి వంగా దర్శకత్వంలో స్పిరిట్ చిత్రాలు చేయనున్నారు. ఇవే కాకుండా ప్రభాస్ చేతిలో మరో నాలుగైదు చిత్రాలు ఉన్నాయి. వచ్చే ఐదేళ్లలో ప్రభాస్ బ్యాక్ టూ బ్యాక్ చిత్రాలతో బాక్సాఫీస్ వద్ద సందడి చేయనున్నారు.

తాజాగా ప్రభాస్ ఫేవరేట్ హీరోయిన్ గురించి సోషల్ మీడియాలో చర్చ నడుస్తుంది. ఆమె యాక్టింగ్ అంటే తనకు చాలా ఇష్టమని గతంలో డార్లింగ్ ఓ ఇంటర్వ్యూలో చెప్పుకొచ్చారు. ఇంతకీ ప్రభాస్ కు ఇష్టమైన హీరోయిన్ ఎవరో తెలుసా.. ఇంకెవరు న్యాచురల్ బ్యూటీ సాయి పల్లవి. ఆమెతో కలిసి పనిచేయాలని ఉందని చెప్పారు డార్లింగ్. కానీ హైట్ కారణంగా ఆమెతో కలిసి నటించడం కుదరడం లేదని అన్నారు. ప్రస్తుతం సాయి పల్లవి రామాయణం చిత్రంలో నటిస్తున్న సంగతి తెలిసిందే. నితీష్ తివారి తెరకెక్కిస్తున్న ఈ చిత్రంలో రణబీర్ కపూర్ ప్రధాన పాత్ర పోషిస్తున్నారు.

ఇదిలా ఉంటే.. ప్రస్తుతం ప్రభాస్, మారుతి కాంబోలో రాబోతున్న చిత్రంలో మాళవిక మోహనన్, రిద్ధి కుమార్, నిధి అగర్వాల్ హీరోయిన్లుగా నటిస్తున్నారు. అలాగే హాను రాఘవపూడి తెరకెక్కిస్తున్న చిత్రంలో ప్రభాస్ జోడిగా ఇమాన్వీ నటిస్తున్న సంగతి తెలిసిందే.

View this post on Instagram

A post shared by Sai Pallavi (@saipallavi.senthamarai)

ఇవి కూడా చదవండి :  

Mirchi Movie: ఈ హీరోయిన్ ఇంత మారిపోయిందేంటి ?.. మిర్చి మూవీ బ్యూటీ ఫ్యామిలీని చూశారా.. ?

Tollywood: సినిమాలు వదిలేసి వాచ్‏మెన్‏గా మారిన నటుడు.. ఒకప్పుడు స్టార్ హీరోల సినిమాల్లో తోపు యాక్టర్..

Tollywood: సీనియర్ హీరోలతో నటించేందుకు నాకు ఎలాంటి సమస్య లేదు.. హీరోయిన్ ఓపెన్ కామెంట్స్..

Tollywood: ఒకప్పుడు తినడానికి తిండి లేక నీళ్లు తాగి బతికింది.. ఇప్పుడు ఇండస్ట్రీనే షేక్ చేస్తోన్న హీరోయిన్..