Box Office: రూ.1200 కోట్ల క్లబ్‌లో చేరిన 8 మంది స్టార్లు.. రికార్డులు తెలిస్తే దిమ్మతిరగాల్సిందే

ఒకప్పుడు వంద కోట్లు వస్తేనే అదొక పెద్ద రికార్డు. కానీ ఇప్పుడు ఇండియన్ సినిమా రేంజ్ మారిపోయింది. భాషతో సంబంధం లేకుండా, సరిహద్దులతో పనిలేకుండా మన సినిమాలు ప్రపంచ బాక్సాఫీస్ వద్ద కాసుల వర్షం కురిపిస్తున్నాయి. కేవలం స్టార్ పవర్ మాత్రమే కాదు, బలమైన కథనం ఉంటే ప్రపంచ ప్రేక్షకులు బ్రహ్మరథం పడతారని ఇప్పటికే మన హీరోలు నిరూపించారు. తాజాగా ఒక బాలీవుడ్ స్టార్ హీరో నటించిన స్పై థ్రిల్లర్ ఏకంగా 1200 కోట్ల మార్కును దాటి అందరినీ ఆశ్చర్యపరిచింది. ఈ ఘనతతో ఆ హీరో టాలీవుడ్ దిగ్గజాలైన ప్రభాస్, ఎన్టీఆర్, రామ్ చరణ్ సరసన ఎలైట్ క్లబ్‌లో చేరిపోయారు. ఇంతకీ ఆ హీరో ఎవరు? 1200 కోట్ల క్లబ్‌లో ఉన్న ఆ ఎనిమిది మంది ధురంధరులు ఎవరో తెలుసుకుందాం..

రణవీర్ సింగ్ – ధురంధర్

ప్రస్తుతం బాక్సాఫీస్ వద్ద సెన్సేషన్ క్రియేట్ చేస్తున్న పేరు రణవీర్ సింగ్. ఆయన నటించిన లేటెస్ట్ స్పై థ్రిల్లర్ ‘ధురంధర్’ కేవలం ఒక్క నెలలోనే 1200 కోట్ల గ్లోబల్ గ్రాస్ మార్కును దాటేసింది. ఆదిత్య ధర్ దర్శకత్వంలో వచ్చిన ఈ సినిమా దేశవ్యాప్తంగానే కాకుండా ఓవర్సీస్ మార్కెట్‌లో కూడా ప్రభంజనం సృష్టించింది. ఒక సాధారణ హిట్ నుండి ‘ఈవెంట్ సినిమా’ స్థాయికి రణవీర్ రేంజ్ ను ఈ సినిమా మార్చేసింది.

Bahubali2

ప్రభాస్ – బాహుబలి 2

ఇండియన్ సినిమాకు పాన్ ఇండియా మార్కెట్‌ను పరిచయం చేసిన ఘనత ప్రభాస్ కే దక్కుతుంది. రాజమౌళి దర్శకత్వంలో వచ్చిన ‘బాహుబలి 2: ది కన్ క్లూజన్’ ప్రపంచవ్యాప్తంగా 1200 కోట్ల మార్కును దాటిన తొలి తెలుగు సినిమాగా రికార్డు సృష్టించింది. ఈ సినిమాతో ప్రభాస్ ఇంటర్నేషనల్ స్టార్ గా మారిపోయారు.

Pushpa2

అల్లు అర్జున్ – పుష్ప 2

టాలీవుడ్ ఐకాన్ స్టార్ అల్లు అర్జున్ ‘పుష్ప 2: ది రూల్’ సినిమాతో సరికొత్త చరిత్ర సృష్టించారు. కేవలం హిందీ బెల్ట్ లోనే కాకుండా గ్లోబల్ మార్కెట్‌లో ఈ సినిమా 1200 కోట్ల క్లబ్‌లోకి అత్యంత వేగంగా దూసుకుపోయింది. ‘పుష్పరాజ్’ మేనరిజమ్స్ ప్రపంచవ్యాప్తంగా ఒక కల్ట్ ఫాలోయింగ్‌ను సంపాదించుకున్నాయి.

Pathaan And Jawan

షారుఖ్ ఖాన్ – పఠాన్ & జవాన్

బాలీవుడ్ బాద్ షా షారుఖ్ ఖాన్ తన రీ ఎంట్రీతో బాక్సాఫీస్ వద్ద సునామీ సృష్టించారు. ఒకే ఏడాదిలో ‘పఠాన్’, ‘జవాన్’ సినిమాలతో రెండుసార్లు 1200 కోట్ల మార్కును దాటిన ఏకైక హీరోగా ఆయన రికార్డుల్లో నిలిచారు.

Rrr

రామ్ చరణ్ & జూనియర్ ఎన్టీఆర్ – ఆర్ఆర్ఆర్

రాజమౌళి సృష్టించిన విజువల్ వండర్ ‘ఆర్ఆర్ఆర్’ సినిమాతో మన ఇద్దరు టాలీవుడ్ హీరోలు గ్లోబల్ స్టార్స్ అయ్యారు. అమెరికా నుండి జపాన్ వరకు ఈ సినిమా సాధించిన వసూళ్లు మన హీరోల స్టామినాను నిరూపించాయి. ఈ సినిమాతో చరణ్, ఎన్టీఆర్ ఇద్దరూ 1200 కోట్ల ఎలైట్ క్లబ్‌లో చేరారు.

Kgf2 And Dangal

అమీర్ ఖాన్ & యశ్

అమీర్ ఖాన్ నటించిన ‘దంగల్’ చైనా బాక్సాఫీస్ వద్ద సృష్టించిన రికార్డులు ఇప్పటికీ ఒక బెంచ్ మార్క్. అలాగే కన్నడ స్టార్ యశ్ ‘కేజీఎఫ్ చాప్టర్ 2’తో ప్రాంతీయ సినిమా సరిహద్దులను చెరిపేసి 1200 కోట్ల క్లబ్‌లో గర్వంగా నిలిచారు.

భారతీయ నటులు ఇప్పుడు కేవలం లోకల్ స్టార్స్ మాత్రమే కాదు, గ్లోబల్ ఐకాన్స్. 1200 కోట్ల క్లబ్ అనేది వారి కష్టానికి, సినిమా స్థాయికి నిదర్శనం.