సైడ్ క్యారెక్టర్స్ టు క్రేజీ హీరోయిన్‌గా.. డాక్టర్ నుంచి యాక్టర్ అయిన ఈ భామ ఎవరో తెలుసా..?

టాలీవుడ్ లో ముద్దుగుమ్మలు కొన్ని సినిమాలకే పరిమితం అవుతున్నారు. మరికొంతమంది చిన్న చిన్న పాత్రలు చేస్తూ ఆ తర్వాత హీరోయిన్స్ గా మారి సినిమాలు చేస్తున్నారు. కొంతమంది ఇప్పుడు వరుస సినిమాలతో దూసుకుపోతున్నారు. వారిలో ఈ చిన్నది ఒకరు. పై ఫొటోలో ఉన్న ముద్దుగుమ్మ ఎవరో గుర్తుపట్టారా.?

Actress

Rajeev Rayala |

Updated on: Mar 30, 2025 | 10:54 AM

సినిమా ఇండస్ట్రీలో చాలా మంది హీరోయిన్స్ టాలీవుడ్ లో చేసింది తక్కువ సినిమాలే కానీ స్టార్ హీరోయిన్స్ రేంజ్ లో క్రేజ్ సొంతం చేసుకుంటున్నారు. అలాగే కొంతమంది కోట్లు కూడబెడుతున్నారు. మరి కొంతమంది మాత్రం కనిపించకుండా పోతున్నారు. ఇక పైన కనిపిస్తున్న హీరోయిన్ ను గుర్తుపట్టారా.? ఆమె ఇప్పుడిప్పుడే హీరోయిన్ గా మంచి క్రేజ్ సొంతం చేసుకుంటుంది. చిన్న చిన్న పాత్రలు చేసి ఆతర్వాత హీరోయిన్స్ గా మారి సక్సెస్ అవుతున్నారు. వారిలో ఈ చిన్నది ఒకరు. చిన్న చిన్న పాత్రలు చేసి ఇప్పుడు క్రేజీ హీరోయిన్ గా మారింది. అంతే కాదు తన అందచందాలతో ప్రేక్షకులను విశేషంగా ఆకట్టుకుంటుంది. ఆమె ఎవరో గుర్తుపట్టారా.?

పై ఫొటోలో ఉన్న హాట్ బ్యూటీ ఎవరో కాదు కామాక్షి భాస్కర్ల . ఈ బ్యూటీ చైనాలో ఎంబీబీఎస్ చదివి, అపోలో హాస్పిటల్‌లో కొంతకాలం డాక్టర్‌గా చేసింది ఆమె, తర్వాత సినిమా రంగంలోకి అడుగుపెట్టింది. కామాక్షి తన నటనా జీవితాన్ని 2019లో “ప్రియురాలు” చిత్రంతో ప్రారంభించింది. అయితే, ఆమెకు నిజమైన గుర్తింపు 2021లో విడుదలైన “మా ఊరి పొలిమేర” చిత్రంతో వచ్చింది. ఈ హారర్-థ్రిల్లర్ చిత్రంలో ఆమె నటన ప్రేక్షకులను ఆకట్టుకుంది. ఆ తర్వాత “పొలిమేర 2″లో లక్ష్మీ పాత్రలో నటించి మరింత ప్రశంసలు అందుకుంది. ఈ చిత్రంలో ఆమె నటనకు గానూ 2024లో న్యూ ఢిల్లీలో జరిగిన 14వ దాదా సాహెబ్ ఫాల్కే ఫిల్మ్ ఫెస్టివల్‌లో ఉత్తమ నటి అవార్డును గెలుచుకుంది.

అలాగే “విరూపాక్ష”, “ఇట్లు మారేడుమిల్లి ప్రజానీకం”, “ఓం భీమ్ బుష్” వంటి సినిమాలతో ఆకట్టుకుంటుంది. అలాగే, “ఝాన్సీ”, “సైతాన్”, “దూత” వంటి వెబ్ సిరీస్‌లలో కూడా నటించింది. కామాక్షి విభిన్నమైన పాత్రలను ఎంచుకుంటూ దూసుకుపోతుంది. హారర్, థ్రిల్లర్, కామెడీ శైలుల్లో తన సత్తా చాటుతోంది. 2018లో ఆమె “మిస్ తెలంగాణ” టైటిల్ గెలుచుకుని, “మిస్ ఇండియా” పోటీల్లో ఫైనల్స్ వరకు చేరుకుంది. ప్రస్తుతం కామాక్షి “పొలిమేర 3″తో సహా మూడు ప్రాజెక్టుల్లో నటిస్తూ బిజీగా ఉంది. సోషల్ మీడియాలో ఆమె గ్లామరస్ ఫోటోలు తరచూ దృష్టిని ఆకర్షిస్తాయి. ఈ బ్యూటీని అభిమానులు “క్వీన్ ఆఫ్ హారర్ థ్రిల్లర్స్”గా పేరు తెచ్చుకుంది.