Tollywood : హీరో హీరోయిన్ మధ్య 23 సంవత్సరాలు తేడా.. కట్ చేస్తే.. బాక్సాఫీస్ షేక్ చేసిన సినిమా..
భారీ అంచనాల మధ్య విడుదలైన ఓ సినిమా బాక్సాఫీస్ వద్ద సంచలనం సృష్టించింది. ఎలాంటి హడావిడి లేకుండా థియేటర్లలోకి వచ్చిన ఆ సినిమాకు అడియన్స్ ఫిదా అయ్యారు. ఇందులో హీరోహీరోయిన్ మధ్య 23 సంవత్సరాల వయసు వ్యత్యాసం ఉంది. అయినప్పటికీ ఈ మూవీ ప్రేక్షకులను విపరీతంగా ఆకట్టుకుంది. ఫలితంగా బాక్సాఫీస్ వద్ద మంచి కలెక్షన్స్ రాబట్టాయి. ఇప్పుడు మనం మాట్లాడుకుంటున్న సినిమా ఏంటో తెలుసా.. ?
Updated on: Oct 18, 2025 | 4:04 PM
దాదాపు 15 సంవత్సరాల క్రితం ఇదే రోజు భారతదేశంలో విడుదలైన ఓ సినిమా భారీ విజయాన్ని అందుకుంది. సైన్స్ ఫిక్షన్ డ్రామాగా వచ్చిన ఈ సినిమా బాక్సాఫీస్ వద్ద సంచలనం సృష్టించింది. హీరోహీరోయిన్ మధ్య వయసు వ్యత్యాసం 23 సంవత్సరాలు ఉన్నప్పటికీ ప్రేక్షకులు ఈ చిత్రాన్ని ఆదరించారు. ఇప్పుడు మనం మాట్లాడుకుంటున్న సినిమా పేరు రోబో. తమిళంలో డైరెక్టర్ శంకర్ తెరకెక్కించిన ఈ సినిమాను తెలుగులోనూ రిలీజ్ చేశారు. 2010లో అడియన్స్ ముందుకు వచ్చిన ఈ సినిమాలో సూపర్ స్టార్ రజినీకాంత్ ప్రధాన పాత్రలో నటించగా.. బాలీవుడ్ బ్యూటీ ఐశ్వర్య రాయ్ బచ్చన్ హీరోయిన్ గా నటించింది. భారీ బడ్జెట్ తో ఈ చిత్రాన్ని అత్యంత ప్రతిష్టాత్మకంగా నిర్మించగా.. ఇందులో శాస్త్రవేత్త డాక్టర్ వసీకరన్ పాత్రలో కనిపించారు రజినీ. ఈ సినిమా మొత్తం అతడి జీవితం చుట్టూ తిరుగుతుంది.
ఇవి కూడా చదవండి : 43 ఏళ్ల వయసులో ఇంత స్లిమ్గా.. ఈ హీరోయిన్ ఫిట్నెస్ సీక్రెట్ ఇదేనట..
అతడు చిట్టి అనే అధునాతన రోబోను సృష్టిస్తాడు. అచ్చం మనిషిని పోలీ ఉన్న ఆ రోబోను యుద్ధంలో లేదా అత్యవసర పరిస్థితులలో మానవ ప్రాణాలకు ముప్పు లేకుండా సహాయం చేయగలిగేలా.. భారత సైన్యం ఉపయోగించుకోవాలని డాక్టర్ వసీకరన్ భావిస్తాడు. కానీ రోబోకు ఎలాంటి ఎమోషన్స్, ఫీలింగ్స్ లేకపోవడంతో భారత సైన్యంలోకి దానిని రిజెక్ట్ చేస్తారు. దీంతో వసీకరన్ ఆ రోబోకు భావోద్వేగాలు అర్థం చేసుకోవడం.. ఫీలింగ్స్ తెలియజేయడం నేర్పిస్తాడు. అప్పుడే అసలు కథ మొదలవుతుంది. రోబో నెమ్మదిగా వసీకరన్ ప్రేయసి సనా (ఐశ్వర్య రాయ్)ను ప్రేమిస్తుంది. ఆ తర్వాత వసీకరన్ జీవితంలో అనేక సమస్యలు వస్తాయి. చివరకు రోబోతో వసీకరన్ ఎదుర్కొన్న సమస్యలు ఏంటీ.. ? ఆ తర్వాత ఏం జరిగింది అనేది సినిమా. ఈ మూవీ సమయంలో హీరోహీరోయిన్ మధ్య వయసు తేడా 23 సంవత్సరాలు కావడం గమనార్హం.
ఇవి కూడా చదవండి : Actress: చిరంజీవి, కమల్ హాసన్తో బ్లాక్ బస్టర్ హిట్స్.. ఇప్పుడు విదేశాల్లో వ్యాపారాలు.. ఈ బ్యూటీ క్రేజ్ వేరప్పా..
అప్పట్లో ఈ మూవీ బాక్సాఫీస్ షేక్ చేసింది. నివేదికల ప్రకారం ఈ సినిమా భారతదేశంలో రూ.193 కోట్లు వసూలు చేసింది. ప్రపంచవ్యాప్తంగా రూ.291 కోట్ల కలెక్షన్స్ రాబట్టింది. ఈ సినిమాకు IMDBలో 10కి 7.2 రేటింగ్ కలిగి ఉంది. 2018లో ఈ సినిమా సీక్వెల్ రోబో 2.0 విడుదలైంది. కానీ ఈ మూవీ అంతగా ఆకట్టుకోలేకపోయింది.
ఇవి కూడా చదవండి : Serial Actress: అబ్బబ్బో.. అదరగొట్టేస్తోన్న రుద్రాణి అత్త.. నెట్టింట గ్లామర్ గత్తరలేపుతున్న సీరియల్ విలన్..
