Salman Khan: మరో సౌతిండియన్ స్టార్ డైరెక్టర్‌తో సల్మాన్.. ఆ టాలీవుడ్ హీరోతో కలిసి మల్టీ స్టారర్

వరుసగా పరాజయాలను చవిచూసిన షారుఖ్ ఖాన్ 2023లో ఏకంగా మూడు బ్లాక్ బస్టర్ సినిమాలను అందించాడు. తద్వారా మునిగిపోతున్న బాలీవుడ్‌కు మళ్లీ జీవం పోశాడు. అయితే షారుఖ్‌ మినహా మిగిలిన ఇద్దరు ఖాన్‌లకు మాత్రం విజయం ఎండమావిగానే మిగిలిపోయింది. అమీర్ ఖాన్ నటించిన ‘లాల్ సింగ్ ఛద్దా’ పరాజయం పాలైంది. అలాగే సల్మాన్ ఖాన్ సినిమాలు కూడా యావరేజ్ హిట్స్ అయ్యాయి. ఇప్పుడు మళ్లీ విజయం సాధించేందుకు సల్మాన్ ఖాన్ ఇప్పటికే ఓ తమిళ దర్శకుడితో చేతులు కలిపాడు. ఆ సినిమా తర్వాత తమిళ దర్శకుడితో మరో సినిమా చేయనున్నాడు. సల్మాన్ ఖాన్ ప్రస్తుతం సికిందర్ సినిమాలో నటిస్తున్నాడు. ‘గజిని’, ‘తుపాకి’, ‘కత్తి’, ‘దర్బార్’ లాంటి బ్లాక్‌బస్టర్ చిత్రాలను అందించిన ఏఆర్ మురుగదాస్ ఈ సినిమాకు దర్శకత్వం వహిస్తున్నారు. ఈ చిత్రంలో కన్నడ భామ రష్మిక మందన్న కథానాయికగా నటిస్తోంది. ప్రస్తుతం ఈ సినిమా షూటింగ్‌ శరవేగంగా జరుగుతోంది. ఇదిలా ఉంటే సల్మాన్ ఖాన్ మరో తమిళ దర్శకుడితో సినిమా చేయడానికి ప్లాన్ చేస్తున్నాడు.

గతేడాది షారుక్‌కి భారీ హిట్‌ అందించిన దర్శకుడు అట్లీ దర్శకత్వంలో సల్మాన్‌ ఖాన్ నటిస్తున్నాడు. షారుఖ్ ఖాన్ కోసం ‘జవాన్’ దర్శకత్వం వహించిన అట్లీ ఇప్పుడు సల్మాన్ ఖాన్ కోసం ఒక విభిన్నమైన యాక్షన్ కథను సిద్ధం చేసాడు. సినిమా కథలో పునర్జన్మ కథ కూడా ఉంటుందని తెలుస్తోంది. సినిమాలో యాక్షన్ కూడా పుష్కలంగా ఉంటుంది. ఇప్పటికే ఈ సినిమా కథ సల్మాన్‌కి నచ్చడంతో ‘సికిందర్’ సినిమా పూర్తయిన తర్వాత అట్లీతో సినిమా స్టార్ట్ చేయనున్నారు. పునర్జన్మ కథాంశంతో తెరకెక్కుతున్న ఈ సినిమాలో సల్మాన్ ఖాన్ మూడు విభిన్నమైన షేడ్స్‌లో కనిపించనున్నాడు. అలాగే ఈ సినిమా కథ మూడు డిఫరెంట్ టైమ్ పీరియడ్స్ లో జరగనుందని, దీని కోసం భారీ సెట్స్ నిర్మించాలని ప్లాన్ చేస్తున్నారు. సల్మాన్‌ఖాన్‌తో పాటు మరో కథానాయకుడు కూడా ఈ సినిమాలో నటిస్తాడని, ఆ పాత్ర కోసం టాలీవుడ్ హీరోని తీసుకోవాలని ప్లాన్‌ చేశారు. ప్రముఖ తమిళ నిర్మాణ సంస్థ సన్ పిక్చర్స్ నిర్మించనున్న ఈ చిత్రానికి తమిళ సంగీత దర్శకుడు అనిరుధ్ రవిచంద్రన్ సంగీతం అందించనున్నారు. ఈ సినిమా షూటింగ్ వచ్చే ఏడాది ఏప్రిల్‌లో ప్రారంభం కానుంది.

ఇవి కూడా చదవండి

ఫ్రెండ్‌తో కలిసి బొర్రా గుహలను సందర్శించిన లయ.. ఫొటోస్ ఇదిగో

గాంధీ మునిమనవడు మెచ్చిన వెబ్ సిరీస్.. తెలుగులోనూ స్ట్రీమింగ్

ఒకప్పటి ఈ టాలీవుడ్ హీరోయిన్‌ను గుర్తు పట్టారా? ఇప్పుడెంటిలా..

'శోభితను మొదట అక్కడే కలిశా'.. అసలు విషయం బయట పెట్టిన నాగ చైతన్య

హైదరాబాద్ లో సల్మాన్ మూవీ షూటింగ్..

Exclusive video from the set of #Sikandar #SalmanKhan @BeingSalmanKhan @iamRashmika @MsKajalAggarwal

pic.twitter.com/vuMHgKvVKN

— 𝐁𝐄𝐈𝐍𝐆 𝐓𝐈𝐆𝐄𝐑…🐅!!! (@Only4Salman27) November 4, 2024

మరిన్ని సినిమా వార్తల కోసం ఇక్కడ క్లిక్ చేయండి.