Vikram: యాక్షన్ థ్రిల్లర్‏గా మహాన్.. నయా లుక్‏లో అదరగొట్టిన విక్రమ్..

వైవిధ్యమైన సినిమాలతో తమిళ్, తెలుగు చిత్ర పరిశ్రమలో తనకంటూ ప్రత్యేక ఇమేజ్ క్రియేట్ చేసుకున్నాడు తమిల్ స్టార్ హీరో విక్రమ్. కేవలం కంటెంట్ ఉన్న సినిమాలను ఎంచుకుంటూ.. తన పాత్ర కోసం ఎలాంటి రిస్క్ చేయడానికైనా సిద్ధంగా ఉంటాడు ఈ హీరో. ఇక విక్రమ్ నటించిన సినిమాలు తెలుగులో కూడా సూపర్ హిట్ అందుకోవడమే కాకుండా.. తెలుగు ప్రేక్షకులను ఆకట్టుకున్నాడు విక్రమ్. అపరిచితుడు సినిమా నుంచి ఐ చిత్రం వరకు తన పాత్ర కోసం తనను తాను మార్చుకుంటుంటాడు. ప్రస్తుతం ఈ స్టార్ హీరో కార్తీక్ సుబ్బరాజు దర్శకత్వంలో ఓ సినిమా చేస్తున్నాడు. విశేషమేంటంటే.. ఈ సినిమాలో హీరో విక్రమ్‏తో ఆయన తనయుడు ధృవ్ ప్రధాన పాత్రలు పోషిస్తున్నారు. ఇక ఇటీవలే ఈ మూవీ షూటింగ్ పూర్తి చేసుకుంది. త్వరలోనే ప్రేక్షకుల ముందుకు తీసుకురానున్నారు.

ఇదిలా ఉంటే..తాజాగా విక్రమ్.. కార్తీక్ సుబ్బరాజు దర్శకత్వంలో వస్తున్న సినిమాకు సంబంధించిన ఫస్ట్‏లుక్ పోస్టర్‏ను విడుదల చేశారు చిత్రయూనిట్. విక్రమ్ కెరీర్‏లో 60వ చిత్రంగా వస్తోన్న ఈ మూవీకి మహాన్ అనే టైటిల్ ఫిక్స్ చేశారు. సెవెన్ స్క్రీన్ స్టూడియోస్ బ్యానర్ పై లలిత్ ఈ చిత్రాన్ని నిర్మిస్తున్నారు. ఇక తాజాగా విడుదలైన పోస్టర్‏లో విక్రమ్ డిఫరెంట్ లుక్‏లో కనిపిస్తున్నాడు. ఇందులో విక్రమ్ పొడవాటి జుట్టు, గడ్డంతో కనిపిస్తున్నాడు. బుల్లెట్ పై కూర్చున్న విక్రమ్ వెనకాల కొమ్ములు, 16 చేతులు గల ఒక ఆకారం కూడా కూర్చోని ఉంది. ఇక ఈ పోస్టర్ ప్రేక్షకులను ఆసక్తిని కలిగిస్తోంది. యాక్షన్ థ్రిల్లర్ డ్రామాగా తెరకెక్కుతున్న ఈ సినిమాలో సిమ్రాన్, వాణి భోజన్, బాబీ సింహా తదితరులు కీలక పాత్రలు పోషిస్తున్నారు. సంతోష్ నారాయణన్ సంగీతం అందిస్తున్నారు.

ట్వీట్..

#ChiyaanVikram in #Mahaan ?

A @karthiksubbaraj Padam#MahaanPosterReel https://t.co/wUUrir72e3#MahaanFirstLook #DhruvVikram @Music_Santhosh @kshreyaas @SimranbaggaOffc @actorsimha @vanibhojanoffl @7screenstudio @vivekharshan @SonyMusicSouth @tuneyjohn @proyuvraaj pic.twitter.com/AGZVwXpc6E

— BA Raju’s Team (@baraju_SuperHit) August 20, 2021

Also Read: Megastar Chiranjeevi: చిరంజీవి బర్త్ డే ట్రీట్ వచ్చేసింది.. టైటిల్ పోస్టర్ రిలీజ్..