Bigg Boss : బిగ్బాస్ హోస్ట్గా తప్పుకున్న స్టార్ హీరో.. ఇకపై హోస్టింగ్ చేయనున్న విజయ్ సేతుపతి..
మొత్తం 14 మంది కంటెస్టెంట్స్ హౌస్ లోకి అడుగుపెట్టగా తొలివారం నామినేషన్స్ ప్రక్రియ జరుగుతుంది. ఇదిలా ఉంటే.. ఇప్పుడు తమిళంలోనూ బిగ్బాస్ సీజన్ 8 స్టార్ట్ కానుంది. అయితే మొదటి నుంచి అంటే 2017 నుంచి ఈ షోకు లోకనాయకుడు కమల్ హాసన్ హోస్టింగ్ చేస్తున్నారు. అయితే ఇప్పుడు ఈ షో నుంచి తప్పుకున్నారు కమల్.
బుల్లితెరపై బిగ్బాస్ రియాల్టీకి షోకు చాలా మంది అభిమానులు ఉన్నారు. తెలుగుతోపాటు హిందీ, తమిళం, కన్నడ, మలయాళం భాషలలో ఈ షో విజయవంతంగా కొనసాగుతుంది. ఇప్పటికే అన్ని భాషలలోనూ చాలా సీజన్స్ కంప్లీట్ కాగా.. ప్రస్తుతం తెలుగులో సీజన్ 8 రన్ అవుతుంది. సెప్టెంబర్ 1న ప్రారంభమైన ఈ షోకు అక్కినేని నాగార్జున హోస్టింగ్ చేస్తున్న సంగతి తెలిసిందే. మొత్తం 14 మంది కంటెస్టెంట్స్ హౌస్ లోకి అడుగుపెట్టగా తొలివారం నామినేషన్స్ ప్రక్రియ జరుగుతుంది. ఇదిలా ఉంటే.. ఇప్పుడు తమిళంలోనూ బిగ్బాస్ సీజన్ 8 స్టార్ట్ కానుంది. అయితే మొదటి నుంచి అంటే 2017 నుంచి ఈ షోకు లోకనాయకుడు కమల్ హాసన్ హోస్టింగ్ చేస్తున్నారు. అయితే ఇప్పుడు ఈ షో నుంచి తప్పుకున్నారు కమల్. ప్రస్తుతం చేతి నిండా సినిమాలు, షూటింగ్స్ అంటూ బిజీగా ఉండడంతోనే కమల్ ఈ షో నుంచి తప్పుకున్నారని తెలుస్తోంది.
దీంతో కొత్త బిగ్ బాస్ షోకి ఎవరు హోస్ట్ గా వ్యవహరిస్తారనే ప్రశ్న తలెత్తింది. కమల్ స్థానంలోకి కోలీవుడ్ హీరో శింబు వస్తాడని పెద్ద ఎత్తున ప్రచారం జరిగింది. ఆ తర్వాత హీరో విజయ్ సేతుపతి పేరు వినిపించింది. తాజాగా బిగ్బాస్ సీజన్ 8 హోస్టింగ్ పై అధికారిక ప్రకటన ఇచ్చారు మేకర్స్. తమిళం బిగ్బాస్ సీజన్ 8కు మక్కల్ సెల్వన్ విజయ్ సేతుపతి హోస్టింగ్ చేయనున్నట్లు అధికారికంగా ప్రకటించారు. ఇందుకు సంబంధించిన ప్రోమో కూడా విడుదల చేశారు. తాజాగా విడుదలైన ప్రోమోలో విజయ్ సేతుపతి మరింత స్టైలీష్ గా కనిపించారు. అలాగే బిగ్బాస్ షో లోగో కూడా అభిమానులను ఆకట్టుకునేలా డిజైన్ చేశారు.
గతంలో కరోనా లాక్ డౌన్ సమయంలో కమల్ ఇన్ఫెక్షన్ తో బాధపడ్డారు. దీంతో రెండు వారాల పాటు బిగ్బాస్ షో హోస్టింగ్ చేయలేకపోయారు. ఆ సమయంలో కమల్ స్థానంలోకి నటి రమ్యకృష్ణ వచ్చింది. దాదాపు రెండు వారాల పాటు బిగ్బాస్ షో హోస్ట్ గా వ్యవహరించారు. దీంతో ఈసారి కూడా రమ్యకృష్ణ వస్తుందనుకున్నారు. కానీ ఊహించని విధంగా ఇప్పుడు బిగ్బాస్ సీజన్ 8కు విజయ్ సేతుపతి హోస్టింగ్ చేయనున్నారు.
బిగ్బాస్ ప్రోమో..
Vandhaachu Pudhu Bigg Boss 😉 #VJStheBBhost @VijaySethuOffl 😍 #BiggBossTamilSeason8 #BiggBossTamil #BBT #BBTamilSeason8 #பிக்பாஸ் #VijayTelevision @disneyplusHSTam #VijayTV pic.twitter.com/VZxKnYUYI2
— Vijay Television (@vijaytelevision) September 4, 2024
మరిన్ని సినిమా వార్తల కోసం ఇక్కడ క్లిక్ చేయండి.
