Bike vs Scooty: బైక్‌కి, స్కూటీకి మధ్య మైలేజీలో ఇంత తేడా ఎందుకు ఉంటుంది? దీని వెనుక అసలు సీక్రెట్‌ ఇదే..!

Bike vs Scooty: ఈ రోజుల్లో చాలా మంది రోజువారీ ఉపయోగం కోసం బైక్‌కు బదులుగా స్కూటీని ఉపయోగించడానికి ఇష్టపడుతున్నారు. నగరాల్లో స్కూటీకి ఎక్కువ ఆదరణ ఉంది. ఎందుకంటే దీనిని నడపడం సులభం. అలాగే, ట్రాఫిక్‌లో ఈ స్కూటీపై ప్రయాణించడం సులభంగా, మరింత సౌకర్యవంతంగా ఉంటుంది. అయితే, మైలేజ్ విషయానికి వస్తే బైక్ కంటే స్కూటీ ఎక్కువ పెట్రోల్ వాడుతుందని, తక్కువ మైలేజ్ ఇస్తుందనే విషయం అందరికి తెలిసిందే. మరీ మైలేజీ విషయంలో ఎందుకంత తేడా ఉంటుందో మీకు తెలుసా..?

స్కూటర్లు, బైక్‌లు రెండింటికీ చిన్న ఇంజన్లు ఉండి, ఒకే రకంగా ఉపయోగించినప్పటికీ వాటి ఇంధన సామర్థ్యం ఎందుకు తక్కువగా ఉంటుందని చాలా మంది ఆశ్చర్యపోతుంటారు. దీనికి అనేక సాంకేతిక, డిజైన్ కారణాలు ఉన్నాయి. ఇంజన్ పనితీరు నుండి బరువు, టైర్ డిజైన్ వరకు ప్రతిదీ ఇంధన సామర్థ్యాన్ని ప్రభావితం చేస్తుంది. అందుకే సాధారణంగా స్కూటర్ల కంటే బైక్‌లు ఎక్కువ ఇంధన సామర్థ్యం ఉంటాయి.

ఇంజన్‌లో తేడా ఏమిటి?

బైక్‌లు, స్కూటర్ల మధ్య ఇంధన సామర్థ్యంలో అతిపెద్ద వ్యత్యాసం వాటి ఇంజ, గేర్ సిస్టమ్‌ల నుండి వస్తుంది. చాలా బైక్‌లకు మాన్యువల్ గేర్లు ఉంటాయి. ఇవి రైడర్ తమ అవసరాలకు అనుగుణంగా వేగాన్ని, ఇంజన్‌ను నియంత్రించుకోవడానికి వీలు కల్పిస్తాయి. ఇది ఇంజన్‌పై భారాన్ని తగ్గించి, పెట్రోల్‌ను ఆదా చేస్తుంది. దీనికి విరుద్ధంగా స్కూటర్లలో ఆటోమేటిక్ CVT గేర్ సిస్టమ్ ఉంటుంది. ఇది ఇంజన్ ప్రెజర్‌ను స్థిరంగా ఉంచుతుంది. ఈ కారణంగానే స్కూటర్లు ఎక్కువ ఇంధనాన్ని వినియోగిస్తాయి. అంతేకాకుండా స్కూటర్ల చిన్న చక్రాలు, విభిన్న బాడీ డిజైన్ కారణంగా ఇంజన్ ఎక్కువ శక్తిని ప్రయోగించాల్సి ఉంటుంది. తరచుగా బ్రేకులు వేయడం, వేగంగా వెళ్లడం, ముఖ్యంగా ట్రాఫిక్‌లో స్కూటర్ మైలేజీని మరింత తగ్గిస్తాయి. ఇది సుదూర ప్రయాణాలకు బైక్‌ను మరింత పొదుపుగా చేస్తుంది.

ఇవి కూడా చదవండి

తులం బంగారంపై రూ.20 వేలు, వెండిపై రూ.1.23 లక్షలు తగ్గింపు..

చికెన్ 65కి ఈ పేరు ఎలా వచ్చిందో మీకు తెలుసా? అసలు కథ ఇదే..!

భారీ ఊరట.. పెట్రోల్‌, డీజిల్‌పై రూ.22 తగ్గించిన అక్కడి ప్రభుత్వం!

కేంద్రం సంచలన నిర్ణయం.. వీరికి ఎల్‌పీజీ కనెక్షన్‌ రద్దు..

ఇది కూడా చదవండి: Gold Price: తులం బంగారంపై రూ.20 వేలు, వెండిపై రూ.1.23 లక్షలు తగ్గింపు.. 10 గ్రాముల ధర ఎంతంటే..?

స్కూటర్ బరువులో తేలికగా అనిపించినప్పటికీ, దాని బరువు సమతుల్యత, బాడీ నిర్మాణం బైక్‌కు భిన్నంగా ఉంటాయి. ఇంజిన్ వెనుక భాగంలో ఉండటం వల్ల పవర్ అందించే విధానం మారుతుంది. అంతేకాకుండా స్కూటర్ టైర్లు చిన్నవిగా ఉండటం వలన రోడ్డుపై రోలింగ్ రెసిస్టెన్స్ ఎక్కువగా ఉంటుంది. దీనివల్ల ఇంజిన్ మరింత కష్టపడి పనిచేయాల్సి వస్తుంది. అలాగే ఎక్కువ ఇంధనాన్ని వినియోగిస్తుంది.

ఇది కూడా చదవండి: Chicken 65: చికెన్ 65కి ఈ పేరు ఎలా వచ్చిందో మీకు తెలుసా? అసలు కథ ఇదే..!

బైక్ పెద్ద టైర్లు, సన్నని డిజైన్ గాలిని బాగా చీల్చుకుంటూ వెళ్తాయి. దీనివల్ల మంచి మైలేజ్ వస్తుంది. నడిపే శైలి కూడా ముఖ్యమైన పాత్ర పోషిస్తుంది. స్కూటర్‌ను వేగంగా నడుపుతూ తరచుగా బ్రేకులు వేస్తే, మైలేజ్ త్వరగా తగ్గిపోతుంది. అందువల్ల ఎవరైనా మంచి మైలేజ్ కావాలనుకుంటే వారు తప్పకుండా సున్నితమైన రైడింగ్, సరైన గాలి పీడనం, సకాలంలో సర్వీసింగ్ వంటి వాటిపై శ్రద్ధ వహించాలి.

Petrol, Diesel Prices: భారీ ఊరట.. పెట్రోల్‌, డీజిల్‌పై రూ.22 తగ్గించిన అక్కడి ప్రభుత్వం..!

మరిన్ని బిజినెస్ వార్తల కోసం ఇక్కడ క్లిక్ చేయండి