పెద్ది స్టోరీ.. చరణ్ చెప్పిన కథలాంటిదేనా?

పెద్ది సినిమా అనౌన్స్ అయినప్పటి నుంచి దాని కథాంశంపై సినీ వర్గాల్లో, అభిమానుల్లో తీవ్ర చర్చ జరుగుతోంది. ఉప్పెన సినిమాతో దర్శకుడు బుచ్చిబాబు సానా సృష్టించిన సెంటిమెంట్ పెద్దిలోనూ కొనసాగుతుందా అనే ఊహాగానాలు విస్తృతంగా ప్రచారంలో ఉన్నాయి. ఈ నేపథ్యంలో, పెద్ది ప్రమోషన్లలో చురుగ్గా పాల్గొంటున్న రామ్ చరణ్, సినిమా కథపై నెలకొన్న సందిగ్ధతకు తెరదించారు. బెంగళూరులో జరిగిన ప్రెస్‌ మీట్‌లో చరణ్ మాట్లాడుతూ, ప్రధానమంత్రి నరేంద్ర మోడీ సైతం పెద్ది సినిమా గురించి ఆరా తీసినట్లు వెల్లడించారు. ఈ సందర్భంగానే ఆయన పెద్ది సినిమా కథ ఎలా ఉండబోతోందో పరోక్షంగా వివరించారు.