Meena And Roja: పాత జ్ఞాపకాలను గుర్తు చేసుకున్న అలనాటి అందాల తార మీనా.. రోజాతో కలిసి దిగిన ఫొటోను షేర్‌ చేస్తూ..

Meena And Roja: ఒకప్పుడు తెలుగు సినిమా ఇండస్ట్రీలో టాప్‌ హీరోయిన్లలో రోజా, మీనా ముందువరుసలో ఉంటారని చెప్పడంలో ఎలాంటి అతిశయోక్తి ఉండదు. టాలీవుడ్‌లోని దాదాపు అందరూ అగ్ర హీరోల సరసన...

Meena Instagram

Narender Vaitla | Edited By: Ravi Kiran|
Updated on: Jul 23, 2021 | 9:08 AM

Meena And Roja: ఒకప్పుడు తెలుగు సినిమా ఇండస్ట్రీలో టాప్‌ హీరోయిన్లలో రోజా, మీనా ముందువరుసలో ఉంటారని చెప్పడంలో ఎలాంటి అతిశయోక్తి ఉండదు. టాలీవుడ్‌లోని దాదాపు అందరూ అగ్ర హీరోల సరసన ఆడిపాడరీ హీరోయిన్లు. అంతేకాకుండ వీరిద్దరూ కలిసి నటించిన చిత్రాలు కూడా ఉన్నాయి. వీటిలో చిరంజీవి హీరోగా తెరకెక్కిన ముఠామేస్త్రీ, బాలకృష్ణ హీరోగా వచ్చిన బొబ్బిలి సింహం చిత్రాలు ప్రముఖంగా చెప్పుకోవచ్చు. ఇక కేవలం సినిమాలకే పరిమితం కాకుండా వీరిద్దరు బయట కూడా మంచి స్నేహితులనే విషయం తెలిసిందే.

ఇదిలా ఉంటే నటి మీనా రోజాతో కలిసి దిగిన ఓ అరుదైన ఫొటోను తాజాగా షేర్‌ చేశారు. ఈ ఫొటో 1993లో తీసింది కావడం విశేషం. ఆ సమయంలో మీనా అల్లరి ప్రియుడు సినిమా చిత్రీకరణలో ఉన్నారు. ఇదే సమయంలో అక్కడే షూటింగ్‌ జరుపుకుంటోన్న ముగ్గురు మొనగాళ్లు సెట్‌లో రోజా ఉన్నారు. ఈ సందర్భంగా వీరిద్దరూ కలిసి దిగిన ఫొటోను షేర్‌ చేసిన మీనా..’అల్లరి ప్రియుడు షూటింగ్‌లో భాగంగా అన్నపూర్ణ స్టూడియోలోనే షూటింగ్‌ జరుపుకుంటోన్న ముగ్గురు మొనగాళ్లు సెట్‌ను సందర్శించినప్పుడు. ‘రాజశేఖర’ పాట నాకు ఎంతో ఇష్టం’ అంటూ క్యాప్షన్‌ జోడించారు మీనా. ఇలా మీనా 28 ఏళ్ల క్రితం నాటి అపురూపమైన ఫొటోను షేర్‌ చేశారు. ఇదిలా ఉంటే మీనా ప్రతీ గురువారం త్రో బ్యాక్‌ ఫొటోలను పోస్ట్‌ చేస్తూ వస్తున్నారు.