ఆర్బీఐ కీలక నిర్ణయం.. త్వరలో ‘ఈ-చెక్కులు’

దేశంలో డిజిటల్ చెల్లింపుల వ్యవస్థను మరింత బలోపేతం చేసే లక్ష్యంతో రిజర్వ్ బ్యాంక్ ఆఫ్ ఇండియా కీలక ముందడుగు వేసింది. ‘పేమెంట్స్ విజన్ 2028’ పేరుతో శుక్రవారం ఒక కొత్త రోడ్‌మ్యాప్‌ను ఆవిష్కరించింది. ఇందులో భాగంగా ఎలక్ట్రానిక్ చెక్కుల ప్రవేశం, మోసపూరిత లావాదేవీలపై బ్యాంకుల బాధ్యతను పెంచడం వంటి పలు సంస్కరణలను ప్రతిపాదించింది. సాధారణ కాగితపు చెక్కుల్లో ఉండే ప్రయోజనాలను, డిజిటల్ లావాదేవీల్లో ఉండే వేగాన్ని మేళవించి ఈ కొత్త ‘ఈ-చెక్కుల’ను ప్రవేశపెట్టాలని ఆర్బీఐ యోచిస్తోంది. దీనివల్ల పెద్ద మొత్తంలో జరిగే లావాదేవీలు మరింత సులభతరం కానున్నాయి. ప్రస్తుతం డెబిట్, క్రెడిట్ కార్డులకు మాత్రమే ఉన్న ఎనేబుల్/డిజేబుల్ సదుపాయాన్ని ఇకపై అన్ని రకాల డిజిటల్ చెల్లింపులకు వర్తింపజేయనున్నారు. దీనివల్ల వినియోగదారులు తమ ఆన్‌లైన్ పేమెంట్స్‌పై పూర్తి నియంత్రణ కలిగి ఉండవచ్చు. ఏదైనా మోసపూరిత లేదా అనధికారిక లావాదేవీలు జరిగినప్పుడు, కేవలం పంపిన బ్యాంకే కాకుండా, ఆ డబ్బును స్వీకరించిన బ్యాంకు కూడా సమాన బాధ్యత వహించేలా కొత్త ఫ్రేమ్‌వర్క్‌ను తీసుకురానున్నారు. డిజిటల్ చెల్లింపుల్లో కీలక పాత్ర పోషిస్తున్న ఈ-కామర్స్ మార్కెట్ ప్లేస్‌లను ఇకపై ఆర్బీఐ తన ప్రత్యక్ష నియంత్రణ పరిధిలోకి తీసుకురానుంది. దీనితో పాటు విదేశీ చెల్లింపులను వేగవంతం చేయడం, చెక్కుల భద్రతా ఫీచర్లను పెంచడం వంటి అంశాలను ఈ విజన్ డాక్యుమెంట్‌లో పొందుపరిచారు.

మరిన్ని వీడియోల కోసం ఇక్కడ క్లిక్ చేయండి

Also Watch:

అమెరికాలో అన్నమయ్య భారీ విగ్రహం..

తిరుమల శ్రీవాణి టికెట్ల బుకింగ్‌లో కీలక మార్పు

‘చెడ్డీ గ్యాంగ్’ కలకలం: డాక్టర్ ఇంట్లో చొరబడిన దొంగలు

చిరు ఫోటోతో ఓ వ్యక్తి ఆటలు.. కేసు నమోదు చేసిన పోలీసులు

అన్నయ్యకు హిట్టు ఇచ్చేందుకు.. బరిలోకి దిగిన చెల్లెలు