Allu Arha -Allu Arjun: అటజని కాంచెనంటూ.. పద్యాన్ని తడబడకుండా చెప్పిన అర్హ.. బాలయ్య ఫిదా..

ఐకాన్ స్టార్ అల్లు అర్జున్ ఇప్పుడు పుష్ప 2 ప్రమోషన్లలో బిజీగా ఉన్న సంగతి తెలిసిందే. ఇటీవలే పాట్నాలో జరిగిన ఈ మూవీ ట్రైలర్ లాంచ్ ఈవెంట్లో పాల్గొన్నాడు బన్నీ. అంతకు ముందే బాలయ్య అన్ స్టాపబుల్ షోకు హాజరైన సంగతి తెలిసిందే.

Balakrishna, Arha

Rajitha Chanti |
Updated on: Nov 19, 2024 | 11:12 AM

మోస్ట్ అవైటెడ్ మూవీ పుష్ప 2. డైరెక్టర్ సుకుమార్ దర్శకత్వం వహించిన ఈ మూవీలో అల్లు అర్జున్, రష్మిక మందన్నా జంటగా నటిస్తున్నారు. అలాగే మలయాళీ నటుడు ఫహద్ ఫాజిల్, సునీల్, జగపతి బాబు, అనసూయ కీలకపాత్రలు పోషిస్తున్నారు. ఇటీవల విడుదలైన ఈ మూవీ ట్రైలర్ సినిమాపై మరింత హైప్ పెంచేసింది. ఇక డిసెంబర్ 5న ఈ మూవీ ప్రపంచవ్యాప్తంగా విడుదల కానుంది. ఈ క్రమంలోనే పుష్ప 2 ప్రమోషన్స్ షూరు చేసింది చిత్రయూనిట్. ఇందులో భాగంగా ఇటీవల కొన్ని రోజుల క్రితం బాలయ్య హోస్టింగ్ చేస్తున్న అన్ స్టాపబుల్ టాక్ షోలో పాల్గొన్నాడు బన్నీ.

ఈ షోలో తన పర్సనల్ లైఫ్, పుష్ప 2 అప్డేట్స్ షేర్ చేసుకున్నాడు బన్నీ. ఈ ఎపిసోడ్స్ ను రెండు భాగాలుగా స్ట్రీమింగ్ చేస్తున్నారు మేకర్స్. గతవారం ఫస్ట్ పార్ట్ స్ట్రీమింగ్ కాగా.. ఇప్పుడు ఈ శుక్రవారం రెండో పార్ట్ స్ట్రీమింగ్ చేయనున్నారు. ఫస్ట్ పార్టులో బన్నీతోపాటు అల్లు అరవింద్ సతీమణి కూడా పాల్గొన్నారు. ఇక ఇప్పుడు సెకండ్ పార్టులో బన్నీ గారాల పట్టి అర్హ.. తనయుడు అయాన్ సందడి చేశారు. ఇందుకు సంబంధించిన ప్రోమోను ఆహా కాసేపటి క్రితం విడుదల చేసింది.

అందులో హోస్ట్ బాలయ్య అర్హ నీకు తెలుగు వచ్చా అని అడిగేసరికి.. ‘అటజనికాంచె భూమిసురు డంబరచుంబి..’ అంటూ పదవ తరగతిలోని తెలుగు పద్యాన్ని తడబడకుండా ఎంతో క్యూట్ గా చెప్పేసింది. ఇది చూసిన బాలయ్య ఫిదా అయిపోయారు. ఆ తర్వాత బన్నీ గురించి ఫన్నీ విషయాలు బయటపెట్డాడు తనయుడు అయాన్. ఇక ఆ తర్వాత మ్యూజిక్ డైరెక్టర్ దేవి శ్రీ ప్రసాద్ కు ఫోన్ చేసి మాట్లాడారు. చివరగా.. బన్నీ మాట్లాడుతూ.. ఇప్పటివరకు మాస్ చూశారు.. ఊరమాస్ చూశారు.. పుష్ప తో జాతర మాస్ చూస్తారు అంటూ ఓ రేంజ్ ఎలివేషన్ ఇచ్చాడు. ఈ ఎపిసోడ్ శుక్రవారం స్ట్రీమింగ్ కానుంది.

ఇవి కూడా చదవండి