Skanda OTT: అనుకున్న టైమ్ కంటే ముందుగానే ఓటీటీలోకి ‘స్కంద’.. రామ్‌, శ్రీలీల సినిమా స్ట్రీమింగ్‌ ఎప్పుడంటే?

ఎనర్జిటిక్‌ స్టార్‌ రామ్‌ పోతినేని- ఊర మాస్‌ డైరెక్టర్‌ బోయపాటి శీను కాంబినేషన్‌లో వచ్చిన సినిమా స్కంద. యాక్షన్‌ ఎంటర్‌టైనర్‌గా తెరకెక్కిన ఈ సినిమాలో యంగ్ సెన్సేషన్‌ శ్రీలీల, బాలీవుడ్ బ్యూటీ సాయి మంజ్రేకర్‌ హీరోయిన్లుగా నటించారు. శ్రీకాంత్, శరత్ లోహితస్వ, దగ్గుబాటి రాజా, ప్రిన్స్‌, ప్రభాకర్‌, గౌతమి, ఇంద్రజ తదితరులు కీలక పాత్రలు పోషించారు. పోస్టర్స్, టీజర్స్‌, ట్రైలర్‌ విడుదలకు ముందే హైప్‌ సొంతం చేసుకున్న స్కంద సెప్టెంబర్‌ 28న థియేటర్లలో గ్రాండ్‌గా రిలీజైంది. పాజిటివ్‌ రివ్యూస్‌తో మంచి కలెక్షన్లను సొంతం చేసుకుంది. ఇప్పటివరకు ఎక్కువగా లవర్‌ బాయ్‌గానే కనిపించిన రామ్‌ స్కందలో మొదటిసారిగా ఊర మాస్‌ హీరోగా కనిపించి ప్రేక్షకులను మెప్పించాడు. ఇక బోయపాటి మార్క్‌ యాక్షన్‌ సీక్వెన్స్‌ సినిమాకు హైలెట్‌గా నిలిచాయి. సుమారు రూ. 50 కోట్లకు పైగా వసూళ్లు సాధించిన స్కంద ఇప్పుడు డిజిటల్‌ స్ట్రీమింగ్‌కు సిద్ధమైంది. ప్రముఖ ఓటీటీ ప్లాట్‌ఫామ్‌ డిస్నీ ప్లస్‌ హాట్‌ స్టార్‌ రామ్‌ పోతినేని సినిమా డిజిటల్‌ స్ట్రీమింగ్‌ హక్కులను సొంతం చేసుకుంది. ఇందుకోసం సుమారు రూ. 35 కోట్లు వెచ్చించినట్లు టాక్‌ నడుస్తోంది. కాగా థియేటర్లలో రిలీజైన 50 రోజుల తర్వాతే ఓటీటీలోకి తీసుకురావాలని ఒప్పందం కుదిరిందట. అయితే ఇప్పుడు ముందుగానే డిజిటల్‌ స్ట్రీమింగ్‌కు తీసుకురానున్నట్లు సమాచారం.

తాజా సమాచారం ప్రకారం అక్టోబర్ 27 నుంచే స్కంద సినిమా డిస్నీ+హాట్‌స్టార్‌లో స్ట్రీమింగ్‌ కానున్నట్లు తెలుస్తోంది. తెలుగుతో పాటు హిందీ, తమిళం, కన్నడ, మలయాళం భాషల్లో ఈమూవీని స్ట్రీమింగ్‌కు అందుబాటులోకి తీసుకురానున్నారు. దీనిపై త్వరలోనే అధికారిక ప్రకటన వెలువడే అవకాశం ఉంది. స్కంద సినిమాకు ఎస్‌. థమన్‌ స్వరాలు సమకూర్చారు. బాలీవుడ్‌ బ్యూటీ ఊర్వశీ రౌతెలా స్పెషల్‌ సాంగ్‌లో సందడి చేసింది. సిల్వర్ స్క్రీన్, జీ స్టూడియోస్ బ్యానర్స్ పై శ్రీనివాస్‌ చిట్టూరి, పవన్‌ కుమార్‌ సంయుక్తంగా ఈ సినిమాను నిర్మించారు. ఇక స్కంద తర్వాత రామ్ పోతినేని డబుల్ ఇస్మార్ట్ సినిమాకు పచ్చజెండా ఊపారు. గతంలో పూరి జగన్నాథ్‌ దర్శకత్వంలో వచ్చిన ఇస్మార్ట్ శంకర్ సినిమాకు సీక్వెల్‌గా ఇది తెరకెక్కుతోంది.

ఇవి కూడా చదవండి

'నేనూ ఒక ఆడపిల్లనే..ఎందుకు బూతులు తిడుతున్నారు'.. అమర్‌ భార్య

గీతామాధురి- నందు విడాకులు తీసుకుంటున్నారా? అసలు విషయం ఇదిగో..

ఇట్స్‌ అఫిషియల్‌.. ఈనెలలోనే ఓటీటీలోకి చంద్రముఖి 2.. ఎప్పుడంటే?

ప్రియాంకతో ఉన్న ఈ అమ్మాయిని గుర్తుపట్టారా?ముద్దుతో నెట్టింట ఫేమస్

• Telugu Film #Skanda Will Premiere On @DisneyPlusHS On October 27th.

Tamil, Hindi, Kannada and Malayalam audios also Added. pic.twitter.com/hgpr8yWuCf

— OTT Platform’s ™ (@OTTPlatform) October 22, 2023

హీరో రామ్ తో యంగ్ సెన్సేషన్ శ్రీలీల..

View this post on Instagram

A post shared by Sreeleela (@sreeleela14)

మరిన్ని సినిమా వార్తల కోసం ఇక్కడ క్లిక్ చేయండి.