Chandramukhi 2 OTT: ఇట్స్‌ అఫిషియల్‌.. ఈనెలలోనే ఓటీటీలోకి చంద్రముఖి 2.. స్ట్రీమింగ్ ఎప్పుడంటే?

రాఘవ లారెన్స్‌, కంగనా రనౌత్‌ ప్రధాన పాత్రల్లో తెరకెక్కిన హారర్‌ సినిమా చంద్రముఖి 2. గతంలో రజనీకాంత్‌, నయనతార, జ్యోతిక కాంబినేషన్‌లో వచ్చిన సూపర్‌ హిట్‌ సినిమా చంద్రముఖికి ఇది సీక్వెల్‌. మొదటి భాగాన్ని తెరకెక్కించిన పి. వాసునే చంద్రముఖి 2ను రూపొందించారు. భారీ అంచనాలతో సెప్టెంబర్‌ 28న ప్రేక్షకుల ముందుకు వచ్చిన ఈ కామెడీ హార్రర్‌ థ్రిల్లర్‌ ప్రేక్షకులను పెద్దగా ఆకట్టుకోలేకపోయింది

Chandramukhi 2 Movie

Basha Shek |

Updated on: Oct 21, 2023 | 3:27 PM

రాఘవ లారెన్స్‌, కంగనా రనౌత్‌ ప్రధాన పాత్రల్లో తెరకెక్కిన హారర్‌ సినిమా చంద్రముఖి 2. గతంలో రజనీకాంత్‌, నయనతార, జ్యోతిక కాంబినేషన్‌లో వచ్చిన సూపర్‌ హిట్‌ సినిమా చంద్రముఖికి ఇది సీక్వెల్‌. మొదటి భాగాన్ని తెరకెక్కించిన పి. వాసునే చంద్రముఖి 2ను రూపొందించారు. భారీ అంచనాలతో సెప్టెంబర్‌ 28న ప్రేక్షకుల ముందుకు వచ్చిన ఈ కామెడీ హార్రర్‌ థ్రిల్లర్‌ ప్రేక్షకులను పెద్దగా ఆకట్టుకోలేకపోయింది. లారెన్స్‌, కంగనాల నటనపై ప్రశంసలు వచ్చినా పాత చంద్రముఖినే తిరిగి మళ్లీ చూపించారంటూ కామెంట్స్‌ వినిపించాయి. దీంతో బాక్సాఫీస్‌ వద్ద ఈ సినిమాకు మోస్తరు వసూళ్లు మాత్రమే దక్కాయి. థియేటర్లలో పెద్దగా ఆకట్టుకోని చంద్రముఖి 2 ఇప్పుడు ఓటీటీలోకి వచ్చేందుకు సిద్ధమైంది. ప్రముఖ డిజిటల్‌ స్ట్రీమింగ్‌ ప్లాట్‌ఫామ్ నెట్‌ఫ్లిక్స్‌ లారెన్స్‌, కంగనాల సినిమా ఓటీటీ రైట్స్‌ను సొంతం చేసుకుంది. ఇందుకోసం భారీ ఈ నేపథ్యంలో అక్టోబర్‌ 26న చంద్రముఖి 2 సినిమాను ఓటీటీలోకి అందుబాటులోకి తీసుకొస్తున్నట్లు నెట్‌ఫ్లిక్స్‌ అధికారికంగా ప్రకటించింది. తెలుగుతో పాటు తమిళ్‌, కన్నడ, హిందీ, మలయాళ భాషల్లో చంద్రముఖి 2 మూవీని స్ట్రీమింగ్‌కు తీసుకురానున్నట్లు నెట్‌ఫ్లిక్స్‌ తెలిపింది.

కాగా చంద్రముఖి 2 ఓటీటీ రైట్స్ కోసం నెట్ ఫ్లిక్స్ సుమారు దాదాపు రూ. 8 కోట్లు వెచ్చించినట్లు టాక్ వినిపిస్తోంది. చంద్రముఖి 2 సినిమాలో లక్ష్మీ మేనన్‌, వడివేలు, రాధికా శరత్ కుమార్‌, మహిమా నంబియార్‌, రావు రమేశ్‌, శత్రు, అయ్యప్ప శర్మ, ఆర్‌ ఎస్‌ శివాజీ, వైజీ మహేంద్రన్‌, మనోబాల, సుభీక్ష తదితరులు కీలక పాత్రలు పోషించారు. లైకా ప్రొడక్షన్స్‌ బ్యానర్‌పై సుభాస్కరన్‌ భారీ బడ్జెట్‌తో ఈ సినిమాను నిర్మించారు. ఎమ్‌. ఎమ్‌. కీరవాణి స్వరాలు సమకూర్చారు. మరి థియేటర్లలో చంద్రముఖి 2 సినిమాను మిస్‌ అయ్యారా? అయితే ఎంచెక్కా ఓటీటీలో చూసి ఎంజాయ్‌ చేయండి మరి.

ఇవి కూడా చదవండి

అక్టోబర్ 26 నుంచి నెట్ ఫ్లిక్స్ లో స్ట్రీమింగ్ ..

Screaming : Cause Chandramukhi is going to have us on our edge of our seats soon!😱

Chandramukhi 2, streams from 26th Oct on Netflix in Tamil, Telugu, Malayalam, Kannada and Hindi!#Chandramukhi2OnNetflix pic.twitter.com/AcGDT7zeoo

— Netflix India South (@Netflix_INSouth) October 21, 2023