Dhoomam: ఓటీటీలోకి ఫహాద్‌ ఫాజిల్‌ లేటెస్ట్‌ సస్పెన్స్‌ థ్రిల్లర్‌.. ‘ధూమమ్’ స్ట్రీమింగ్‌ ఎప్పుడు, ఎక్కడంటే?
ఫాజిల్‌ నటించిన తాజా చిత్రం ధూమమ్. యూ టర్న్ ఫేమ్‌ పవన్ కుమార్ ఈ మూవీకి దర్శకత్వం వహించారు. కేజీఎఫ్‌, కాంతారా వంటి బ్లాక్ బస్టర్‌ రూపొందించిన హోంబలే ఫిల్మ్స్ ధూమమ్ సినిమాను నిర్మించింది. మలయాళంతో పాటు కన్నడ భాషల్లో జూన్‌ 23న థియేటర్లలో ఈ మూవీ రిలీజైంది.
అల్లు అర్జున్‌ ‘పుష్ప’ సినిమాలోని భన్వర్‌ సింగ్‌ షెకావత్‌ పాత్రతో తెలుగు ప్రేక్షకులకు మరింత చేరువయ్యాడు మలయాళ నటుడు ఫహాద్‌ ఫాజిల్‌. అందుకే ఆయన నటించిన పలు డబ్బింగ్ సినిమాలు తెలుగులో కూడా రిలీజవుతున్నాయి. ముఖ్యంగా ఓటీటీల్లో ఫహాద్‌ ఫాజిల్‌ సినిమాలు ఎక్కువగా రిలీజవుతున్నాయి. అలా ఫాజిల్‌ నటించిన తాజా చిత్రం ధూమమ్. యూ టర్న్ ఫేమ్‌ పవన్ కుమార్ ఈ మూవీకి దర్శకత్వం వహించారు. కేజీఎఫ్‌, కాంతారా వంటి బ్లాక్ బస్టర్‌ రూపొందించిన హోంబలే ఫిల్మ్స్ ధూమమ్ సినిమాను నిర్మించింది. మలయాళంతో పాటు కన్నడ భాషల్లో జూన్‌ 23న థియేటర్లలో ఈ మూవీ రిలీజైంది. అయితే ప్రేక్షకుల అంచనాలను అందుకోవడంలో ధూమమ్ విఫలమైంది. సస్పెన్స్‌ థ్రిల్లర్‌తో తెరకెక్కిన ఈ మూవీ జనాలకు పెద్దగా ఎక్కలేదు. థియేటర్లలో పెద్దగా ఆకట్టుకోని ధూమమ్ ఇప్పుడు డిజిటల్‌ ప్రీమియర్‌కు సిద్ధమైంది. ప్రముఖ ఓటీటీ ప్లాట్‌ ఫామ్‌ అమెజాన్‌ ప్రైమ్‌ ఈ మూవీ ఓటీటీ స్ట్రీమింగ్‌ రైట్స్‌ను కొనుగోలు చేసింది. ఈక్రమంలో జులై 21 నుంచి ధూమమ్ సినిమా స్ట్రీమింగ్‌ కానున్నట్లు సమాచారం. అయితే దీనిపై అధికారిక ప్రకటన వెలువడాల్సి ఉంది.
ధూమమ్ సినిమాలో అపర్ణా బాల మురళి హీరోయిన్‌గా నటించింది. అలాగే అచ్యుత్‌ కుమార్, వినీత్‌, జాయ్‌ మాథ్యూ, దేవ్‌ మోహన్‌, అనూ మోహన్‌, నందు ప్రధాన పాత్రల్లో కనిపించారు. మొదట మలయాళం, కన్నడతో పాటు తెలుగు భాషలలోనూ ధూమమ్‌ను రిలీజ్‌ చేయాలని భావించారు మేకర్స్‌. అయితే ఎందుకో వెనకడుగు వేశారు. ఇక స్ట్రీమింగ్‌ విషయంలోనూ తెలుగు వెర్షన్‌ వస్తుందా? లేదా? అన్నది క్లారిటీ రావాల్సి ఉంది.
మరిన్ని సినిమా వార్తల కోసం ఇక్కడ క్లిక్ చేయండి.
