Nandamuri Balakrishna : బాలయ్య టాక్ షోకు ఫస్ట్ గెస్ట్గా ఆ హీరో.. నటసింహం ప్రశ్నలకు సమాధానం చెప్పేది ఎవరంటే..
100శాతం తెలుగు కంటెంట్తో ప్రేక్షకులను ఆకట్టుకుంటున్న ఓటీటీ సంస్థ ఆహా. సినిమాలతోనే కాకుండా టాక్ షోలతో కూడా ఆకట్టుకుంటుంది ఆహా.
aha – OTT : 100శాతం తెలుగు కంటెంట్తో ప్రేక్షకులను ఆకట్టుకుంటున్న ఓటీటీ సంస్థ ఆహా. సినిమాలతోనే కాకుండా టాక్ షోలతో కూడా ఆకట్టుకుంటుంది ఆహా. కేవలం తెలుగు సినిమాలనే కాకుండా ఇతరభాషల్లో మంచి విజయాలను సాధించిన సినిమాలను కూడా తెలుగులోకి డబ్ చేసి మన ప్రేక్షకులకు అందిస్తుంది ఆహా. ఇదిలా ఉంటే ఇప్పుడు సరికొత్త టాక్ షోతో తెలుగు ప్రజలను ఆకట్టుకోవడానికి సిద్దమైంది ఈ తెలుగు ఓటీటీ సంస్థ. నట సింహం నందమూరి బాలకృష్ణ హోస్ట్గా ఆహా ‘అన్ స్టాపబుల్’ అనే టాక్ షోను నిర్వహించనుంది. ఇప్పటికే ఈ టాక్ షోకు సంబందించిన పనులను కూడా మొదలు పెట్టేశారు. ఇటీవలే ఘనంగా ఈ టాక్ షోను అనౌన్స్ కూడా చేశారు. నందమూరి నటసింహం హోస్ట్ అనగానే ఇటు అభిమానుల్లో.. అటు ప్రేక్షకుల్లో ఆసక్తి నెలకొంది. బాలయ్య హోస్ట్గా చేస్తున్న మొట్ట మొదటి షో ఇది.
ఇక బాలకృష్ణ ఎవర్ని ఇంటర్వ్యూ చేయనున్నారన్నది.. ఇప్పుడు అందరిలో ఆసక్తి రేకెత్తిస్తుంది. అయితే బాలయ్య షో కు మొదటి గెస్ట్గా రానున్నది ఎవరో కాదట డైలాగ్ కింగ్ మోహన్ బాబు. నందమూరి బాలయ్య మోహన్ బాబు సన్నిహితంగా ఉంటారో అందరికి తెలిసిందే. ఆప్యాయంగా సోదర అంటూ పిలుచుకుంటూ ఉంటారు ఇద్దరు. ఇక బాలయ్య మోహన్ బాబును ఎలాంటి ప్రశ్నలు అడుగుతారు.. అలాగే ఆయన ఎలాంటి సమాధానాలు చెప్తారు అన్నది చూడాలి. ఇక ఇటీవల జరిగిన మా ఎన్నికలతర్వాత మోహన్ బాబు పేరు ఎక్కువగా వినిపిస్తున్న విషయం తెలిసిందే. ఇక దీపావళి కానుకగా నవంబర్ 4న ఈ టాక్ షో టెలికాస్ట్ కానుంది.
మరిన్ని ఇక్కడ చదవండి :