Tollywood: 7 ఏళ్లకే ఇంటి నుంచి పారిపోయి కాల్ సెంటర్‏లో పనిచేసి.. క్యాన్సర్‏తో పోరాటం.. ఇప్పుడు ఒక్కో ఎపిసోడ్‏కు..

అత్యంత ఎక్కువగా పోటీ ఉన్న టెలివిజన్ పరిశ్రమలో నటీనటులుగా తమకంటూ మంచి గుర్తింపు తెచ్చుకోవాలంటే ఎన్నో సవాళ్లను ఎదుర్కొవాలి. కానీ ఓ అమ్మాయి మాత్రం కోట్లాది మంది అభిమానులను సొంతం చేసుకుంది. అంతేకాదు అత్యధిక రెమ్యునరేషన్ తీసుకునే నటి ఆమె. బుల్లితెరపై తనకంటూ మంచి గుర్తింపు తెచ్చుకుంది.

Hina Khan

Rajitha Chanti | Edited By: TV9 Telugu

Updated on: Mar 19, 2025 | 6:19 PM

7 సంవత్సరాల వయసులోనే ఇంటి నుంచి పారిపోయింది. ఆమె టీవీ పరిశ్రమలో అత్యంత ధనవంతురాలైన నటిగా గుర్తింపు తెచ్చుకుంది. బుల్లితెరపై సాంప్రదాయమైన కోడలిగా, విలన్ పాత్రలలోనూ నటించి ప్రేక్షకుల హృదయాలను దోచుకుంది. సల్మాన్ ఖాన్ రియాలిటీ టీవీ షో బిగ్ బాస్‌లో పాల్గొన్నప్పుడు ఆమె ఫాలోయింగ్ సంపాదించుకుంది. అక్కడ ఆమె ‘షేర్ ఖాన్’ బిరుదును సంపాదించింది. ఈ ప్రతిభావంతులైన స్టార్ మరెవరో కాదు హీనా ఖాన్. హీనా ఖాన్ అక్టోబర్ 2న జమ్మూ కాశ్మీర్‌లోని శ్రీనగర్‌లో జన్మించారు. వినోద పరిశ్రమలో తనదైన ముద్ర వేయడానికి ముందు, ఆమె 2009లో గుర్గావ్‌లోని CCA స్కూల్ ఆఫ్ మేనేజ్‌మెంట్ నుండి బిజినెస్ అడ్మినిస్ట్రేషన్‌లో మాస్టర్స్ పూర్తి చేసింది.

గతంలో ఒక ఇంటర్వ్యూలో నటి తనను తాను ఆర్థికంగా పోషించుకోవడానికి మొదట్లో కాల్ సెంటర్‌లో పనిచేశానని తెలిపింది. 2008లో హీనా ఖాన్ ఇండియన్ ఐడల్ కోసం ఆడిషన్‌లో పాల్గొని టాప్ 30లో చోటు దక్కించుకుంది. కానీ దురదృష్టవశాత్తు ఆ తర్వాత ఎలిమినేట్ అయింది. ఢిల్లీలో తన కాలేజీ స్నేహితుల మాటలతో యే రిష్తా క్యా కెహ్లతా హై కోసం ఆడిషన్‌లో పాల్గొంది. ఈ సీరియల్ ఆమె జీవితాన్ని మార్చేసింది. ఇందులో అక్షర పాత్రలో అద్భుతమైన నటనతో కట్టిపడేసింది. దాదాపు ఎనిమిది సంవత్సరాలు విజయవంతంగా దూసుకుపోయింది. ఆ తర్వాత హీనా ఖాన్ బిగ్ బాస్ లో తనదైన ముద్ర వేసింది.

ఇవి కూడా చదవండి

ఆమె 14వ సీజన్‌లో సీనియర్‌గా బిగ్ బాస్‌కి తిరిగి వచ్చింది, అక్కడ సిద్ధార్థ్ శుక్లాతో మాట్లాడుతూ తన జీవితంలో జరిగిన ఓ విషయాన్ని పంచుకుంది. 7 సంవత్సరాల వయస్సులో, తాను ఒకసారి ఇంటి నుండి పారిపోయానని హీనా వెల్లడించింది. బిగ్ బాస్ 11 తర్వాత హీనా ఖాన్ ఏక్తా కపూర్ నటించిన నాగిన్ 5లో కనిపించింది. హీనా ఖాన్ హ్యాక్డ్ చిత్రంతో బాలీవుడ్‌లోకి అడుగుపెట్టింది. విక్రమ్ భట్ దర్శకత్వం వహించిన ఈ సైకలాజికల్ థ్రిల్లర్‌లో ముఖ్యపాత్రలో కనిపించింది. ఇటీవలే, ఆమె అక్టోబర్ 6న USAలో ప్రీమియర్ అయిన కంట్రీ ఆఫ్ బ్లైండ్ చిత్రంలో కనిపించింది. నివేదికల ప్రకారం, హీనా ఖాన్ నికర విలువ రూ. 52 కోట్లు. ఆమె భారతదేశంలో అత్యంత ధనవంతురాలైన టెలివిజన్ నటిగా నిలిచింది. ఆమె ఒక్కో ఎపిసోడ్‌కు రూ. 2 లక్షలు వసూలు చేస్తున్నట్లు సమాచారం. ప్రస్తుతం హీనా ఖాన్ క్యాన్సర్ తో పోరాడుతుంది.