మీ ముద్దుల కుమార్తెకు రూ.70 లక్షలు ఇవ్వాలనుకుంటున్నారా? అయితే జస్ట్‌ ఇలా చేయండి.. మీ కల నిజం అవుతుంది!

చాలా మందికి తమ కుమార్తెలకు మంచి భవిష్యత్తు ఇవ్వాలని కలలు కంటూ ఉంటారు. కానీ, సరైన సంపాదన లేక వారి కలలను చంపుకుంటూ ఉంటారు. కానీ, ఒక మంచి ప్లానింగ్‌ ఉంటే.. చిన్న చిన్న మొత్తంలో పొదుపు చేస్తూ ఏకంగా రూ.70 లక్షలు మీ ముద్దల కూతురికి గిఫ్ట్‌గా ఇవ్వొచ్చు. అది ఎలాగో ఇప్పుడు చూద్దాం.. సుకన్య సమృద్ధి యోజన (SSY) కింద, మీరు సంవత్సరానికి కేవలం రూ.250తో ప్రారంభించి గరిష్టంగా రూ.1.5 లక్షల వరకు పెట్టుబడి పెట్టవచ్చు.

ఈ పథకం దీర్ఘకాలికమైనది, కానీ వడ్డీ రేటు (8.2 శాతం) చివరికి గణనీయమైన మొత్తాన్ని అందిస్తుంది. మీ కుమార్తె భవిష్యత్తును సురక్షితం చేస్తుంది. మీరు మీ కుమార్తె SSY ఖాతాలో సంవత్సరానికి రూ.1.5 లక్షలు వరుసగా 15 సంవత్సరాలు జమ చేస్తే, స్కీమ్‌ మెచ్యూరిటీ తర్వాత మీరు సుమారు రూ.70 లక్షల కార్పస్‌ను కూడబెట్టుకోవచ్చు. ఈ నిధిని రుణం లేకుండా మీ కుమార్తె ఉన్నత విద్య లేదా వివాహం వంటి ప్రధాన ఖర్చులను కవర్ చేయడానికి ఉపయోగించవచ్చు. ఈ పథకంలో పెట్టుబడి పెట్టడం వల్ల ఆదాయపు పన్ను చట్టంలోని సెక్షన్ 80C కింద పన్ను ప్రయోజనాలు కూడా లభిస్తాయి. దీని అర్థం మీరు మీ కుమార్తె కోసం పొదుపు చేయడమే కాకుండా మీ పన్నులను కూడా ఆదా చేస్తున్నారు.

పొదుపుతో పాటు పన్ను ఆదా వంటి అదనపు ప్రయోజనాలను ఈ పథకం అందిస్తుంది. SSY అనేది పూర్తిగా ప్రభుత్వ మద్దతు కలిగిన పథకం, అంటే ఇది రిస్క్ లేనిది. పోస్టాఫీసులు లేదా అధీకృత బ్యాంకుల ద్వారా తెరవబడిన ఈ ఖాతా పూర్తిగా సురక్షితమైనది, మార్కెట్ అస్థిరతల ద్వారా ప్రభావితం కాదు. SSY ఖాతా తెరవడానికి, మీకు కావలసిందల్లా అమ్మాయి జనన ధృవీకరణ పత్రం, ఆమె తల్లిదండ్రుల ID, ఆమె పాస్‌బుక్, ఒక ఫోటో. పోస్టాఫీసు లేదా బ్యాంకుకు వెళ్లి, ఫారమ్ నింపి, రూ.250 డిపాజిట్ చేయండి. అంతే! మీ కుమార్తె భవిష్యత్తు ఇప్పుడు సురక్షితంగా ఉంది.

మరిన్ని పర్సనల్‌ ఫైనాన్స్‌ వార్తల కోసం ఇక్కడ క్లిక్‌  చేయండి