Solar Eclipse 2023: ఈ నెలలోనే తొలి సూర్యగ్రహణం.. ఎవరికి లాభం, మరెవరికి నష్టం కలిగిస్తుందంటే..?
సనాతన హిందూ ధర్మంలో సూర్యచంద్రుల గ్రహణాలకు చాలా ప్రాముఖ్యత ఉంది. అలాగే జ్యోతిష్య శాస్త్రం ప్రకారం ఈ గ్రహణాలు రాశిచక్రంలోని 12 రాశులపై కూడా ప్రత్యేకమైన ప్రభావాలను చూపిస్తాయి. ఈ క్రమంలోనే ఈ ఏడాది నాలుగు గ్రహణాలు ఏర్పడనున్నాయి. ఇక వాటిలో రెండు సూర్య గ్రహణాలు, 2 చంద్ర గ్రహణాలు...
Surya Grahan 2023: సనాతన హిందూ ధర్మంలో సూర్యచంద్రుల గ్రహణాలకు చాలా ప్రాముఖ్యత ఉంది. అలాగే జ్యోతిష్య శాస్త్రం ప్రకారం ఈ గ్రహణాలు రాశిచక్రంలోని 12 రాశులపై కూడా ప్రత్యేకమైన ప్రభావాలను చూపిస్తాయి. ఈ క్రమంలోనే ఈ ఏడాది నాలుగు గ్రహణాలు ఏర్పడనున్నాయి. ఇక వాటిలో రెండు సూర్య గ్రహణాలు, 2 చంద్ర గ్రహణాలు. మరోవైపు ఈ నెల అంటే ఏప్రిల్ 20న తొలి సూర్యగ్రహణం ఏర్పడనుంది. అయితే ఈ సూర్యగ్రహణం మన దేశంలో కనిపించదు. కానీ ఈ సూర్యగ్రహణం అన్ని రాశులవారిని కూడా ప్రభావితం చేస్తుందని జ్యోతిష్య నిపుణులు చెబుతున్నారు. ఆ నేపథ్యంలోనే ఈ సూర్య గ్రహణం కొన్ని రాశులవారికి శుభప్రదంగా, అలాగే మరి కొందరికి అశుభంగా ఉంటుంది. మరి రాశిచక్రంలోని ఏయే రాశులకు ఈ సూర్యగ్రహణం శుభంగానూ.. ఏ రాశులకు అశుభంగా ఉంటుందో ఇప్పుడు తెలుసుకుందాం..
ఈ రాశులకు సూర్యగ్రహణం అశుభం:
ప్రతి ఏటా ఏర్పడిన మాదిరిగానే ఈ ఏడాది కూడా సూర్యగ్రహణం రెండు సార్లు ఏర్పడనుంది. ఇక 2023 సంవత్సరంలో ఏప్రిల్ 22న మొదటి సూర్యగ్రహణం కలుగుతుంది. అయితే ఈ గ్రహణం మేషం, ధనుస్సు, మకరం, మీన రాశులకు అశుభంగా ఉండనుంది. ఈ సమయంలో ఆయా రాశులవారు జాగ్రత్తగా ఉండడం శ్రేయస్కరం. ఎందుకంటే గ్రహణం సమయంలో ఈ 4 రాశులవారికి ఆరోగ్యం క్షీణించే ప్రమాదం ఉంది. అలాగే కుటుంబ సభ్యుల మధ్య విభేదాలు, మానసిక ఆందోళన ఎదురవుతాయి. ఇంకా ఆర్థిక పరిస్థితి కూడా ఇబ్బందికరంగా మారవచ్చు.
ఈ రాశులకు సూర్యగ్రహణం శుభం:
సూర్యగ్రహణం సమయానికి సూర్యభగవానుడు మేషరాశిలో సంచరిస్తుంటాడు. ఏదైనా రాశిలో సూర్యుడు ఉచ్ఛస్థితిలో ఉంటే అది వారికి చాలా శుభప్రదంగా ఉంటుంది. సూర్యుడి ఉచ్ఛస్థితి కారణంగా కర్కాటకం, కుంభం, వృశ్చిక రాశులవారు ప్రయోజనం పొందుతారు. ఈ రాశులవారు ఈ సమయంలో వృత్తి, వ్యాపారాల్లో పురోగతి సాధిస్తారు. మీరు ఏ పని చేపట్టినా దానిని విజయవంతంగా పూర్తిచేయగలుగుతారు.
మరిన్ని జ్యోతిష్యశాస్త్ర వార్తల కోసం ఇక్కడ క్లిక్ చేయండి..
