Spider Bite: కుట్టింది సాలీడు కదా అనుకుంది.. చివరికి కాలు పోగొట్టుకుని వికలాంగురాలైన మహిళ..
వాస్తవానికి ఈ ఏడాది ఫిబ్రవరి నెలలో ఓ సాలీడు క్రిస్టల్ జోసెఫ్ కాలుపై కాటు వేసింది. అయితే ఆ సమయంలో చిన్నదే కదా... సాలీడు కరిస్తే ఏమి జరుగుతుందిలే అంటూ నిర్లక్ష్యంగా ఉండిపోయింది. అయితే కొన్ని రోజుల తర్వాత సాలీడు ఎక్కడ కరిచిందో.. అక్కడ ఆమెకు ఇబ్బంది మొదలైంది.
Updated on: Jun 07, 2023 | 12:42 PM
కొన్ని విషయాలు మనం చాలా చిన్నవిగా వదిలేస్తాం.. అయితే ఈ చిన్న విషయాలు ఎవరూ ఆలోచించలేని విధంగా మన జీవితం పై ప్రభావాన్ని చూపిస్తాయి. చిన్న నిర్లక్ష్యంతో ఒకొక్కసారి జీవితంలో విలువైన వాటిని కోల్పోవచ్చు కూడా..ఒక మహిళను సాలీడు కాటు వేసింది. అయితే కరిచింది సాలీడే కదా అంటూ దానిని తేలికగా తీసుకుంది. తత్పలితంగా ఆ యువతి ఇప్పుడు తన ఒక కాలుని కోల్పోయింది. ఈ షాకింగ్ సంఘటన తాజాగా వెలుగులోకి వచ్చింది. ఈ దారుణ ఘటన ఆస్ట్రేలియాలో చోటు చేసుకుంది. వివరాల్లోకి వెళ్తే..
ఆస్ట్రేలియాలోని సిడ్నీలో నివసిస్తున్న క్రిస్టల్ జోసెఫ్ అనే మహిళ విషయంలో జరిగిన విషయం గురించి తెలిసి ప్రపంచం మొత్తం ఆశ్చర్యానికి లోనైంది. వాస్తవానికి ఈ ఏడాది ఫిబ్రవరి నెలలో ఓ సాలీడు క్రిస్టల్ జోసెఫ్ కాలుపై కాటు వేసింది. అయితే ఆ సమయంలో చిన్నదే కదా… సాలీడు కరిస్తే ఏమి జరుగుతుందిలే అంటూ నిర్లక్ష్యంగా ఉండిపోయింది. అయితే కొన్ని రోజుల తర్వాత సాలీడు ఎక్కడ కరిచిందో.. అక్కడ ఆమెకు ఇబ్బంది మొదలైంది.
వికలాంగురాలిని చేసిన స్పైడర్
రోజు రోజుకీ సాలీడు కాటు వేసిన అరికాలు తిమ్మిరి ఎక్కడం.. తీవ్రమైన బాధ పెట్టడం మొదలు పెట్టింది. బాధ అధికం కావడంతో క్రిస్టల్ చికిత్స నిమిత్తం ఆస్పత్రికి వెళ్ళింది. అక్కడ ఆమె పాదాలను పరీక్షించిన డాక్టర్ షాక్ తిన్నది. ఎందుకంటే ఆమె పాదాల అరికాళ్ళను కరిచింది తెల్ల తోక గల సాలీడు.. ఇప్పుడు ఆమె కాలు తీవ్రమైన ఇన్ఫెక్షన్ కు గురైంది. ఈ ఇన్ఫెక్షన్ క్రమంగా మొత్తం కాలుకు పాకుతుందని డాక్టర్ చెప్పారు. అంతేకాదు.. సరైన సమయంలో కాలిని కట్ చేసి తీసెయ్యకపోతే.. ఆ ఇన్ఫెక్షన్ శరీరం అంతటా వేగంగా వ్యాపించి ప్రాణాలకు ప్రమాదం కావొచ్చని హెచ్చరించారు డాక్టర్.
డాక్టర్ చెప్పింది విన్న తర్వాత క్రిస్టల్ తాను ప్రాణాలతో ఉండాలంటే.. కాలు తొలగించుకోవడం తప్ప వేరే దారి లేదని నిర్ణయం తీసుకుంది. చివరకు శస్త్రచికిత్స చేయించుకుని.. ఒక కాలుని శాశ్వతంగా తొలగించుకుంది. ఈ ఆపరేషన్ తర్వాత కూడా..క్రిస్టల్ జోసెఫ్ కి సాలీడు కరిచిన కాలులో మిలిగిన భాగంలో ఇప్పటికీ తీవ్ర మైన నొప్పి, తిమ్మిరిని అనుభవిస్తూనే ఉంటుంది. ఇదే విషయం గురించి బాధితురాలు డాక్టర్‌తో చెప్పినప్పుడు.. ఆమె టైప్ 1 డయాబెటిస్ పేషెంట్ అని, భవిష్యత్తులో పరిస్థితి మరింత దిగజారుతుందని చెప్పింది. ప్రస్తుతం, ఆమె తన కొత్త కృత్రిమ కాలు సహాయంతో తన కొత్త జీవితంలో ముందుకు సాగడానికి ప్రయత్నిస్తోంది.
మరిన్ని అంతర్జాతీయ వార్తల కోసం ఇక్కడ క్లిక్ చేయండి..
