Water Problem: హైదరాబాదీలకు అలెర్ట్.. ఈ ప్రాంతాల్లో తాగునీటి సరఫరాకు అంతరాయం..ఎప్పుడంటే..
హైదరాబాద్ మహా నగరానికి తాగునీరు సరఫరా చేస్తున్న కృష్ణా డ్రింకింగ్ వాటర్ సప్లై ఫేజ్ - 1 లో పైపులైన్లకు మరమ్మత్తులు జరుగుతున్నాయి. సంతోష్ నగర్ వద్దనున్న 1600 ఎంఎం డయా ఎంఎస్ గ్రావిటీ మెయిన్ పైపులైనుకు జంక్షన్ పనులు చేపడుతున్నారు. ఎస్ఆర్డీపీలో భాగంగా నల్గొండ - ఓవైసీ డౌన్ ర్యాంప్ అలైన్మెంట్లో ఉన్న సంతోష్ నగర్ వద్ద నూతనంగా నిర్మిస్తున్న ఫ్లై ఓవర్ పనులకు ఇబ్బందులు కలగకుండా ఈ జంక్షన్ పనులు చేయనున్నారు.
Updated on: Dec 31, 2023 | 3:56 PM
హైదరాబాద్ మహా నగరానికి తాగునీరు సరఫరా చేస్తున్న కృష్ణా డ్రింకింగ్ వాటర్ సప్లై ఫేజ్ – 1 లో పైపులైన్లకు మరమ్మత్తులు జరుగుతున్నాయి. సంతోష్ నగర్ వద్దనున్న 1600 ఎంఎం డయా ఎంఎస్ గ్రావిటీ మెయిన్ పైపులైనుకు జంక్షన్ పనులు చేపడుతున్నారు. ఎస్ఆర్డీపీలో భాగంగా నల్గొండ – ఓవైసీ డౌన్ ర్యాంప్ అలైన్మెంట్లో ఉన్న సంతోష్ నగర్ వద్ద నూతనంగా నిర్మిస్తున్న ఫ్లై ఓవర్ పనులకు ఇబ్బందులు కలగకుండా ఈ జంక్షన్ పనులు చేయనున్నారు. ఈ పనులు 03.01.2024, బుధవారం ఉదయం 6 గంటల నుంచి 04.01.2024, గురువారం ఉదయం 6 గంటల వరకు జరుగుతాయని పేర్కొన్నారు అధికారులు. కావున ఈ 24 గంటలు కింద పేర్కొన్న రిజర్వాయర్ పరిధిలోని ప్రాంతాల్లో తాగునీటి సరఫరాలో అంతరాయం ఏర్పడుతుందని వెల్లడించారు.
నీటి అంతరాయం ఏర్పడు ప్రాంతాలివే:
1. ఓ అండ్ ఎం డివిజన్ – 1 : మిరాలం, కిషన్ బాగ్, అల్జుబైల్ కాలనీ. 2. ఓ అండ్ ఎం డివిజన్ – 2(A): సంతోష్ నగర్, వినయ్ నగర్, సైదాబాద్, చంచల్ గూడ, ఆస్మన్ గఢ్, యాకుత్ పుర, మాదన్నపేట్, మహబూబ్ మాన్షన్. 3. ఓ అండ్ ఎం డివిజన్ – 2(B) : రియాసత్ నగర్, ఆలియాబాద్. 4. ఓ అండ్ ఎం డివిజన్ – 4 : బొగ్గుల కుంట, అఫ్జల్ గంజ్. 5. ఓ అండ్ ఎం డివిజన్ – 5 : నారాయణ గూడ, అడిక్ మెట్, శివం రోడ్, నల్లకుంట, చిలుకల గూడ. 6. ఓ అండ్ ఎం డివిజన్ – 10 (A) : దిల్సుఖ్నగర్ ప్రాంతం. 7. ఓ అండ్ ఎం డివిజన్ – 20 : బొంగులూరు. 8. ఓ అండ్ ఎం డివిజన్ – 22 : మన్నెగూడ.
కాబట్టి పైన పేర్కొన్న ప్రాంతాల వినియోగదారులు నీటిని పొదుపుగా వినియోగించుకోగలరని కోరడమైనది అని నీటి సరఫరా అధికారులు సూచిస్తున్నారు.
మరిన్ని తెలంగాణ వార్తల కోసం ఒక్కడ చేయండి..
