Telangana: వంతెన పై నుంచి వాగులో పడిపోయిన వాహనం.. నలుగురు మృతి

భద్రాద్రి కొత్తగూడెం జిల్లా బూర్గంపాడు వద్ద ఘోర రోడ్డు ప్రమాదం జరిగింది. ఈ దుర్ఘటనలో నలుగురు మృతి చెందడం కలకలం రేపుతోంది. వివరాల్లోకి వెళ్తే ఆంధ్రప్రదేశ్‌లోని టి. నర్సాపురం మండలం తిరుమలదేవి పేట గ్రామానికి చెందిన వారు ఓ టెంపో వాహనంలో భద్రాచలం రామాలయానికి వచ్చారు.

Death

Aravind B |
Updated on: Jun 14, 2023 | 6:40 PM

భద్రాద్రి కొత్తగూడెం జిల్లా బూర్గంపాడు వద్ద ఘోర రోడ్డు ప్రమాదం జరిగింది. ఈ దుర్ఘటనలో నలుగురు మృతి చెందడం కలకలం రేపుతోంది. వివరాల్లోకి వెళ్తే ఆంధ్రప్రదేశ్‌లోని టి. నర్సాపురం మండలం తిరుమలదేవి పేట గ్రామానికి చెందిన వారు ఓ టెంపో వాహనంలో భద్రాచలం రామాలయానికి వచ్చారు. దర్శనం అయ్యాక తిరిగి వెళ్తున్నారు. ఈ టెంపో వాహనంలో 12 మంది కుటుంబ సభ్యులు ఉన్నారు. అయితే బూర్గంపాడు వద్దకు రాగానే ప్రమాదవశాత్తు వాహనం అదుపుతప్పి ఓ వంతెన పై నుంచి వాగులోపడిపోయింది.

ఈ దుర్ఘటనలో నలుగురు ప్రాణాలు కోల్పోయారు. మరో ఇద్దరు చిన్నారులకు తీవ్రంగా గాయాలయ్యాయి. గాయాలైనవారికి ప్రస్తుతం బూర్గంపాడు ప్రభుత్వ ఆసుపత్రిలో చికిత్స అందిస్తు్న్నారు. మృతులు సందీప్ (10), ప్రదీప్ (10), శ్రీనివాసరావు(40), దుర్గారావు(43) గా పోలీసులు గుర్తించారు.

ఇవి కూడా చదవండి