TS Discoms Temporary Directors: డిస్కంలలో తాత్కాలిక డైరెక్టర్ల నియామకం.. ఉత్తర్వులు జారీచేసిన సీఎండీలు
తెలంగాణ రాష్ట్రంలోని రెండు విద్యుత్తు పంపిణీ సంస్థ (డిస్కం)ల్లో ఖాళీగా ఉన్న డైరెక్టర్ పోస్టులకు ఏడుగురిని తాత్కాలిక డైరెక్టర్లుగా నియమిస్తూ సీఎండీలు ఉత్తర్వులు జారీచేశారు. సదరన్లో నలుగురు, నార్తర్న్లో ముగ్గురికి బాధ్యతలు అప్పగించారు. పూర్తిస్థాయి డైరెక్టర్లను నియమించేంత వరకూ వీరు సంస్థల కార్యలాపాలను నిర్వహిస్తారని తెలంగాణ రాష్ట్ర విద్యుత్ సరఫరా సంస్థ (టీఎస్ ట్రాన్స్కో), తెలంగాణ రాష్ట్ర విద్యుదుత్పాదన సంస్థ (టీఎస్ జెన్కో)ల సీఎండీలు..
Updated on: Jan 31, 2024 | 10:20 AM
హైదరాబాద్, జనవరి 31: తెలంగాణ రాష్ట్రంలోని రెండు విద్యుత్తు పంపిణీ సంస్థ (డిస్కం)ల్లో ఖాళీగా ఉన్న డైరెక్టర్ పోస్టులకు ఏడుగురిని తాత్కాలిక డైరెక్టర్లుగా నియమిస్తూ సీఎండీలు ఉత్తర్వులు జారీచేశారు. సదరన్లో నలుగురు, నార్తర్న్లో ముగ్గురికి బాధ్యతలు అప్పగించారు. పూర్తిస్థాయి డైరెక్టర్లను నియమించేంత వరకూ వీరు సంస్థల కార్యలాపాలను నిర్వహిస్తారని తెలంగాణ రాష్ట్ర విద్యుత్ సరఫరా సంస్థ (టీఎస్ ట్రాన్స్కో), తెలంగాణ రాష్ట్ర విద్యుదుత్పాదన సంస్థ (టీఎస్ జెన్కో)ల సీఎండీలు మంగళవారం జారీచేసిన ఉత్తర్వుల్లో పేర్కొన్నారు. ప్రస్తుతం వీటిల్లో చీఫ్ జనరల్ మేనేజర్లుగా ఉన్నవారిని డైరెక్టర్లుగా నియమిస్తున్నట్లు వెల్లడించారు.
సదరన్ డిస్కంలో నలుగురికి బాధ్యతలు
- దక్షిణ ప్రాంత విద్యుత్తు పంపిణీ సంస్థ (ఎస్పీడీసీఎల్)లో సీజీఎంగా ఉన్న కే రాములును డైరెక్టర్ కమర్షియల్, ఐపీసీ అండ్ ఆర్ఏసీగా నియమించారు
- ప్రాజెక్ట్స్ సీజీఎం కే నందకుమార్ను డైరెక్టర్ (ప్రాజెక్ట్స్, ఐటీ, ఈఏ, డీపీఈ అండ్ అసెస్మెంట్స్)గా నియమించారు
- సీజీఎంగా ఉన్న ఎన్ నర్సింహులును డైరెక్టర్ (ఆపరేషన్స్, పీ అండ్ ఎంఎం)గా నియమించారు
- సీజీఎం కే సుధామాధురిని డైరెక్టర్ (ఫైనాన్స్, హెచ్ఆర్ అండ్ ఐఆర్)గా నియమించారు
ఈ మేరకు వీరిని నియమిస్తూ సీఎండీ ముషారఫ్ అలీ ఫారూఖీ ఉత్తర్వులు జారీచేశారు.
నార్తర్న్ డిస్కంలో ముగ్గురికి బాధ్యతలు అప్పగిస్తూ ఉత్తర్వులు
- అలాగే ఉత్తర ప్రాంత విద్యుత్తు పంపిణీ సంస్థ (ఎన్పీడీసీఎల్)లో సీజీఎంగా ఉన్న టి సదర్లాల్ను డైరెక్టర్ (ప్రాజెక్ట్స్)గా నియమించారు
- సీజీఎం వీ మోహన్రావును డైరెక్టర్ (ఆపరేషన్స్)గా నియమించారు
- సీజీఎం బీ అశోక్కుమార్ను డైరెక్టర్ (హెచ్ఆర్డీ అండ్ ఐఆర్)గా నియమించారు.
ఈ మేరకు నార్తర్న్ డిస్కంలో ముగ్గురు సీనియర్ అధికారులను తాత్కాలిక డైరెక్టర్లుగా నియమిస్తూ సీఎండీ కర్నాటి వరుణ్రెడ్డి మంగళవారం ఉత్తర్వులు జారీ చేశారు.
మరిన్ని తెలంగాణ వార్తల కోసం క్లిక్ చేయండి.
