Telangana: చిన్న ఐడియాతో 20 ఏళ్ల సమస్యకు చెక్.. కోతుల బెడదకు మొండికుంట గ్రామస్తుల అద్భుత పరిష్కారం..
Solar Power Fencing: ఒకే ఒక్క చిన్న ఐడియా ఆ గ్రామాన్నే మార్చేసింది. 20ఏళ్ల సమస్యకు చిటికెలో చెక్‌పెట్టి వాటెన్‌ ఐడియా సర్‌జీ అనిపించుకుంటున్నారు ఆ గ్రామస్తులు. ఇంతకీ ఏంటా ఐడియా? అసలేం చేశారో చూడండి.
Updated on: Feb 23, 2023 | 5:35 AM
Mondikunta: భద్రాద్రి కొత్తగూడెం జిల్లా మొండికుంటలో కోతుల బెడదకు ఒకే ఒక్క చిన్న ఐడియాతో చెక్ పెట్టారు గ్రామస్తులు. 20ఏళ్లుగా వేధిస్తోన్న సమస్యను చిటికెలో పరిష్కరించుకున్నారు. కిష్కిందకాండతో అశ్వాపురం, బూర్గంపాడు మండలాలు విలవిల్లాడిపోయేవి. దట్టమైన అటవీ ప్రాంతం కావడంతో కోతుల గుంపు చేసే యాగితో విసిగిపోయారు జనం. మొండికుంట గ్రామంలో కోతుల అరాచకం మరీ ఎక్కువగా ఉండేది.
అయితే, ఒకే ఒక్క చిన్న ఐడియా ఆ గ్రామంలో పరిస్థితినే మార్చేసింది. టెక్నాలజీ సాయంతో కోతుల బెడదకు చెక్ పెట్టారు. సోలార్‌ విద్యుత్‌ ఫెన్సింగ్‌తో కోతుల గుంపులకు అడ్డుకట్ట వేశారు గ్రామస్తులు. ఇంటి చుట్టూ సోలార్‌ ఫెన్సింగ్‌ ఏర్పాటు చేసుకున్నారు.
సోలార్‌ ఫెన్సింగ్‌తో ఎలాంటి ప్రాణాపాయం ఉండదంటున్నారు మొండికుంట గ్రామస్తులు. సోలార్‌ ఫెన్సింగ్‌తో చిన్నపాటి షాక్‌ తగులుతుందని, దాంతో, కోతులు తమ గ్రామం వైపే రావడం లేదని చెబుతున్నారు. మొండికుంట గ్రామస్తుల ఐడియా చుట్టుపక్కల గ్రామాలను సైతం ఆకట్టుకుంటోంది. వాటెన్‌ ఐడియా సర్‌జీ అంటున్నారు. కోతుల బెడద నుంచి బయటపడేందుకు సోలార్‌ ఫెన్సింగ్‌ను ఆశ్రయిస్తున్నారు మిగతా గ్రామాల ప్రజలు.
మరిన్ని తెలంగాణ వార్తల కోసం ఇక్కడ క్లిక్ చేయండి..
