Medico Preethi suicide case: ‘అమ్మా నాకు చాలా భయంగా ఉంది.. వాళ్లంతా ఒక్కటయ్యారు’ ప్రీతి ఆఖరి మాటలు

ఐదు రోజులు మృత్యువుతో పోరాడిన ప్రీతి చివరికి తనువుచాలించింది. ఆత్మహత్యాయత్నానికి ముందు రోజు అంటే ఫిబ్రవరి 21న తల్లి శారదకు ఫోన్‌ చేసి ప్రీతి మాట్లాడిన ఆడియో ఆదివారం సామాజిక మాధ్యమాల్లో..

Preethi Phone Conversation

Srilakshmi C |

Updated on: Feb 27, 2023 | 9:04 AM

గత 5 రోజులుగా మృత్యువుతో పోరాడిన వరంగల్‌ వైద్య విద్యార్థిని ప్రీతి హైదరాబాద్‌ నిమ్స్‌లో ఆదివారం (ఫిబ్రవరి 26) మృతి చెందింది. వరంగల్‌ కాకతీయ మెడికల్‌ కాలేజీలో పీజీ అనస్థీషియా ఫస్ట్‌ ఇయర్‌ చదువుతున్న ప్రీతి ఫిబ్రవరి 22న హానికారక ఇంజెక్షన్‌ తీసుకుని ఆత్మహత్యకు పాల్పడింది. అపస్మారక స్థితిలోకి చేరుకున్న ఆమెను తొలుత వరంగల్‌ ఎంజీఎంలో చికిత్స అందించారు. ఆరోగ్యం ప్రమాదకరంగా ఉండటంతో మెరుగైన వైద్యం కోసం హైదరాబాద్‌లోని నిమ్స్‌కు తరలించారు. తొలుత వెంటిలేటర్‌పై, అనంతరం ఎక్మోపై చికిత్స అందించారు. ఐదు రోజులు మృత్యువుతో పోరాడిన ప్రీతి చివరికి తనువుచాలించింది. ఆత్మహత్యాయత్నానికి ముందు రోజు అంటే ఫిబ్రవరి 21న తల్లి శారదకు ఫోన్‌ చేసి ప్రీతి మాట్లాడిన ఆడియో ఆదివారం సామాజిక మాధ్యమాల్లో కలకలం రేపింది. సీనియర్‌ పీజీ విద్యార్థి అయిన సైఫ్‌ తనతో పాటు చాలామంది జూనియర్లను వేధిస్తున్నాడని, వారంతా బయటకు చెప్పుకోవడానికి భయడుతున్నారని తల్లితో చెప్పుకుని ప్రీతి బాధపడ్డారు. సీనియర్లంతా ఒక్కటై తనను ఒంటరి చేస్తున్నారని వాపోయారు. అందుకు సంబంధించిన ఆడియో సంభాషలు ఇవే..