హైదరాబాద్‌‌లో కఠినంగా లాక్‌డౌన్‌.. రాత్రి వేళలో చిన్నారిని రక్షించిన పోలీసులు.. ఆ పాప మాటలకు చలించిన ఖాకీలు..
దేశంలో కరోనా సెకండ్ వేవ్ విలయతాండవం చేస్తోంది. దీంతో రాష్ట్రాలు కరోనాను కట్టిడి చేసేందుకు లాక్‌డౌన్‌ విధించాయి.
Updated on: Jun 02, 2021 | 11:01 PM
దేశంలో కరోనా సెకండ్ వేవ్ విలయతాండవం చేస్తోంది. దీంతో రాష్ట్రాలు కరోనాను కట్టిడి చేసేందుకు లాక్‌డౌన్‌ విధించాయి. అయితే తెలంగాణలో సైతం కఠినంగా లాక్‌డౌన్‌ అమలవుతోంది. ఇదిలా ఉంటే.. రాజధాని హైదరాబాద్‌‌లో పగటి పూట అత్యవసర వాహనదారులు కొద్ది మంది తిరిగినా రాత్రిపూట మాత్రం రోడ్లన్నీ నిర్మానుష్యంగా కనిపిస్తున్నాయి. లాక్ డౌన్ ను పోలీసులు కఠినంగా అమలు చేస్తున్నారు. బయట కనిపించిన వారిపై పోలీసులు చర్యలు తీసుకుంటున్నారు. కరోనాతో పాటు పోలీసుల భయంతో ఏ ఒక్కరూ బయటికి రావడం లేదు. ఈ నేపథ్యంలో ఓ ఏడేళ్ల చిన్నారి రోడ్డు మీద బిక్కుబిక్కు మంటూ పోలీసుల కంట పడింది.
గోల్కొండ ప్రాంతానికి చెందిన ఏడేళ్ల మహేశ్వరి అమ్మ కొడుతుందంటూ ఇంటి నుండి బయటకు వచ్చేసి రోడ్లపై తిరుగుతుంది. లాక్ డౌన్ విధుల్లో ఉన్న పోలీసుల కంట ఆ చిన్నారి పడింది. దీంతో ఆ బాలికను చేరదీసిన పోలీసులు వివరాలు అడిగారు. చిన్నారి చెప్పిన మాటలు విని ఒక్కసారిగా చలించి పోయారు. తన తల్లి ఏ కారణం లేకుండానే కొడుతుందని పోలీసుల వద్ద బావురుమంది మహేశ్వరి. దెబ్బలు భరించలేక ఇల్లు వదిలి వచ్చేసినట్టు చెప్పింది. అప్పటికే ఆకలితో ఆ బాలికకు పోలీసులు శానిటైజ్‌ చేసి చేతులు శుభ్రంగా కడిగారు. తమ దగ్గర ఉన్న అన్నం తినిపించారు. ఆ తర్వాత ఆ చిన్నారికి ఎలాంటి భయం అవసరం లేదని.. తన కష్టాలు తీరుస్తామని భరోసా ఇచ్చారు పోలీసులు.
వీడియో..
LICలో అదిరిపోయే పాలసీ.. రోజుకీ రూ.28 ఆదా చేస్తే రూ.2 లక్షల వరకు బెనిఫిట్.. వారికి మాత్రమే ఛాన్స్..
