Dog Attack: దారుణం.. మూడేళ్ల బాలుడిపై వీధి కుక్కల దాడి, తీవ్ర గాయాలు.
వీధి కుక్కుల దాడులు కొనసాగుతూనే ఉన్నాయి. హైదరాబాద్‌లో గతంలో వీధి కుక్కల దాడిలో బాలుడు మరణించిన సంఘటన రాష్ట్ర వ్యాప్తంగా ఎంతటి సంచలనం సృష్టించిదో తెలిసిందే. దీని తర్వాత అధికారులు హుటాహుటిన చర్యలు చేపట్టారు. వీధి కుక్కలను అరికట్టడానికి పలు చర్యలకు..
Updated on: Jun 12, 2023 | 10:57 AM
వీధి కుక్కుల దాడులు కొనసాగుతూనే ఉన్నాయి. హైదరాబాద్‌లో గతంలో వీధి కుక్కల దాడిలో బాలుడు మరణించిన సంఘటన రాష్ట్ర వ్యాప్తంగా ఎంతటి సంచలనం సృష్టించిదో తెలిసిందే. దీని తర్వాత అధికారులు హుటాహుటిన చర్యలు చేపట్టారు. వీధి కుక్కలను అరికట్టడానికి పలు చర్యలకు సైతం పూనుకున్నారు. అయితే దాడులు మాత్రం ఆగడం లేదు. తాజాగా ఇలాంటి ఓ దారుణ సంఘటనే కామారెడ్డి జిల్లాలో జరిగింది.
కామారెడ్డి జిల్లా గాంధారి మండలంల ముదెల్లిలో మూడేళ్ల బాలుడిపై వీధి కుక్కలు దాడి చేశాయి. స్థానికంగా ఓ ఫంక్షన్‌హాల్ బయట ఆడుకుంటున్న బాలుడిపై వీది కుక్కల దాడి చేశాయి. కుక్కలు ఒక్కసారిగా మీద పడడంతో బాలుడి పొట్టభాగంలో తీవ్ర గాయాలయ్యాయి. బాలుడి తలపైన కూడా గాయాలు అయ్యాయి. వీధి కుక్కలు అటాక్‌ చేయంతో బాలుడి అరుపులు విన్న స్థానికులు అలర్ట్‌ అయ్యారు. వెంటనే కుక్కలను అక్కడి నుంచి తరమికొట్టారు. అనంతరం నిజామాబాద్‌ ప్రభుత్వ ఆసుపత్రికి తరలించారు. ప్రస్తుతం బాలుడికి చికిత్స అందిస్తున్నారు. స్థానికులు సమయానికి స్పందించడంతో బాలుడికి ప్రాణాప్రాయం తప్పింది.
మరిన్ని తెలంగాణ వార్తల కోసం క్లిక్ చేయండి..
