Video: అది బౌన్స్ కాదురా భయ్.. పక్కా వైడ్ బాల్.. కోపంతో ఏకంగా అంపైర్‌పైకి దూసుకెళ్లిన ప్లేయర్..

బంగ్లాదేశ్ టెస్ట్, వన్డే జట్టు కెప్టెన్ షకీబ్ అల్ హసన్ అంపైర్‌పై కోపంగా ఉన్న వీడియో సోషల్ మీడియాలో ఎక్కువగా వైరల్ అవుతోంది. షకీబ్ అంపైర్ నిర్ణయంపై ఆగ్రహం వ్యక్తం చేస్తూ విరుచుకుపడడం ఇదే తొలిసారి కాదు. ఇంతకు ముందు కూడా అతనికి సంబంధించిన అనేక వీడియోలు నెట్టింట్లోకి వచ్చాయి. ఇటీవలి సంఘటన బంగ్లాదేశ్ ప్రీమియర్ లీగ్ 2023 నాల్గవ మ్యాచ్‌లో జరిగింది. మ్యాచ్ జరుగుతున్న సమయంలో లెగ్ అంపైర్ షకీబ్ తలపై నుంచి వెళ్తున్న బంతిని వైడ్ కాకుండా ఫస్ట్ బౌన్స్ అనడంతో షకీబ్ ఆగ్రహం చెంది మైదానంలోనే అంపైర్‌తో గొడవకు దిగాడు.

ఫార్చ్యూన్ బరిషల్ వర్సెస్ సిల్హెట్ స్ట్రైకర్స్ మధ్య జరిగిన ఈ మ్యాచ్‌లో 16వ ఓవర్‌లో రెజౌర్ రెహమాన్ రాజా షకీబ్‌ను బౌన్సర్‌తో కొట్టేందుకు ప్రయత్నించాడు. ఈ ప్రయత్నంలో బంతి ఎత్తుగా బౌన్స్ అయి షకీబ్ తలపైకి వెళ్లింది. లెగ్ అంపైర్ ఫస్ట్ బౌన్స్ అని పిలిచినప్పటికీ, షకీబ్ మైదానంలో అంపైర్ నిర్ణయాన్ని విమర్శించాడు. ఈ సమయంలో అతను చాలా కోపంగా కనిపించాడు. ఈ సమయంలో ప్రత్యర్థి జట్టు వికెట్ కీపర్ ముష్ఫికర్ రహీమ్ ఆదుకోవాల్సి వచ్చింది. రీప్లేలో బంతి అతని తలపైకి వెళ్లినట్లు స్పష్టంగా కనిపించింది.

షకీబ్ అల్ హసన్ వైరల్ వీడియో..

A wide not given by the umpires makes Shakib Al Hasan furious. pic.twitter.com/KPgVWmYtrg

— Mufaddal Vohra (@mufaddal_vohra) January 7, 2023

ఆ ఓవర్ తర్వాతి బంతికి సిక్సర్ కొట్టి షకీబ్ తన కోపాన్ని చల్లార్చుకున్నాడు. ఈ మ్యాచ్‌లో అతను అద్భుతంగా బ్యాటింగ్ చేస్తూ 32 బంతుల్లో 67 పరుగుల ఇన్నింగ్స్ ఆడాడు. ఈ క్రమంలో అతను 7 ఫోర్లు, 4 సిక్సర్లు బాదాడు. షకీబ్ చేసిన ఈ ఇన్నింగ్స్ ఆధారంగా ఫార్చూన్ బరిషల్ స్కోరు 194కి చేరుకోగలిగింది.

అయితే, సిల్హెట్ స్ట్రైకర్స్ కేవలం 4 వికెట్లు కోల్పోయి టార్గెట్‌ను సాధించింది. దీంతో ఫార్చ్యూన్ బరిషల్ ఈ మ్యాచ్‌లో ఓటమిని ఎదుర్కోవలసి వచ్చింది.

మరిన్ని క్రీడా వార్తల కోసం ఇక్కడ క్లిక్ చేయండి..