Middle East War: ఇరాన్-ఇజ్రాయెల్ మధ్య జరుగుతున్న ఈ గ్యాంబ్లింగ్ ఇంకా ఎన్నాళ్లు?

‘‘సార్.. మీరు మళ్లీ తప్పు చేస్తున్నారు.. యుద్ధకాముకుడిగా మీ కళ్లు మూసుకుపోయాయి.. పూర్తిగా తగలడకముందే మేలుకోండి..!’’ అంటూ అమెరికా ఉగ్రవాద నిరోధక కేంద్రం డైరెక్టర్‌ జో కెంట్‌.. అమెరికా అధ్యక్షులు డొనాల్డ్ ట్రంప్‌నుద్దేశించి రాసిన లేఖలో మొదటి లైన్ ఇది. ఇరాన్‌తో మనకు ముప్పు ఉందని లేనిపోనివి చెప్పి కొందరు గ్లోబల్ లాబీయిస్టులు మిమ్మల్ని నమ్మించారు. గతంలో ఇరాక్‌పై కూడా అమెరికాను రెచ్చగొట్టి ఇలాగే యుద్ధంలోకి లాగారు. గుర్తుందా..? చేతులు కాలాక ఆకులు పట్టుకుని ప్రయోజనం లేదు అని నెత్తీనోరూ బాదుకున్నాడు మిస్టర్ జో కెంట్. ఉత్తపుణ్యానికే ఇరాన్‌ని ఇలా చితకబాదెయ్యడం నా మనస్సాక్షికి నచ్చడం లేదు. మీ పాపంలో నేను పార్ట్‌నర్‌ని కాలేను.. తప్పుకుంటున్నా అని రాజీనామా రాసి ట్రంప్ మొహాన విసిరేసి వెళ్లాడు. ఎవరా బుద్ధిమంతుడు అని ప్రపంచమంతా కెంట్ వైపు ఆసక్తిగా చూసింది. కానీ, అతడొక పిరికిపంద.. అలాంటి వాళ్ల సాయం నాకు అక్కర్లేదని మోనార్క్‌లా మొండిగా ముందుకే వెళ్తున్నారు అమెరికన్ ప్రెసిడెంట్. వినాశకాలే విపరీత బుద్ధి అని ఊరికే అన్లేదు మరి. ఒక మొండోడి మెంటల్ ఫలితం ఏంటంటే.. ఇదిగో ఇదీ.. వరల్డ్ వైడ్ డిజాస్టర్. ప్రపంచం మొత్తానికి పొంచివున్న క్రొకొడైల్ ఫెస్టివల్! రాస్‌ లఫన్‌ కాంప్లెక్స్‌… దోహాకి ఉత్తరాన, ఖతార్ ఇండస్ట్రియల్ హబ్‌కి కేవలం 50 మైళ్ల దూరంలో ఉండే ఎనర్జీ సెంటర్. ప్రపంచంలోనే అతిపెద్ద సహజవాయువు నిల్వ కేంద్రం ఇది. ఈ భారీ ఆర్టిఫిషియల్ హార్బర్...