Infinix: ఇన్ఫినిక్స్ నుంచి శక్తివంతమైన ప్రాసెసర్‌తో ప్రపంచంలోనే మొట్టమొదటి ఫోన్!

ఇన్ఫినిక్స్ నోట్ 50x 5G త్వరలో లాంచ్ కానుంది. ఇది మార్చి 27న లాంచ్ అవుతోంది. ఈ రాబోయే స్మార్ట్‌ఫోన్ గురించి ఇప్పటికే తెలిసిపోయింది. ఇన్ఫినిక్స్ ఫోన్ కోసం మైక్రోసైట్‌ను సృష్టించింది. ఇది డిజైన్, బ్యాటరీ, ధర వంటి అనేక స్పెసిఫికేషన్‌ల గురించి తెలుసుకుందాం. ఈ ఫోన్ ధర రూ.12,000 లోపు ఉంటుందని, మార్చి 27న లాంచ్ అయిన తర్వాత ఫ్లిప్‌కార్ట్‌లో కొనుగోలుకు అందుబాటులో ఉంటుందని కంపెనీ Xలో ఒక పోస్ట్‌లో ధృవీకరించింది. ఈ ఫోన్ ప్రత్యేక ఫీచర్స్‌ గురించి తెలుసుకుందాం.

ఇన్ఫినిక్స్ నోట్ 50x పనితీరు:

నోట్ 50x అనేది మీడియాటెక్ డైమెన్సిటీ 7300 అల్టిమేట్ చిప్‌సెట్ ద్వారా శక్తిని పొందే ప్రపంచంలోనే మొట్టమొదటి స్మార్ట్‌ఫోన్ అవుతుంది. డైమెన్సిటీ 7300 ఇప్పటికే కొన్ని ఫోన్‌లలో అందుబాటులో ఉంది. కానీ అల్టిమేట్ వెర్షన్‌లో ఓవర్‌లాక్డ్ చిప్‌సెట్ ఉంటుందని భావిస్తున్నారు, ఇది ఫోన్‌కు మరింత శక్తిని, బహుశా అధిక బెంచ్‌మార్కింగ్ స్కోర్‌లను ఇస్తుంది. ఇన్ఫినిక్స్ 90fps గేమింగ్, సజావుగా మల్టీ టాస్కింగ్ సామర్థ్యాలతో లాగ్-ఫ్రీ గేమింగ్ అనుభవాన్ని ఇస్తుంది. ఈ ఫోన్‌లో AI రైటింగ్ అసిస్టెంట్, డూడుల్‌లను AI ఉపయోగించి డ్రాయింగ్‌లుగా మార్చడం, AI- జనరేటెడ్ పోర్ట్రెయిట్‌లు, అలాగే ఇన్ఫినిక్స్ AI వాయిస్ అసిస్టెంట్ అయిన ఫోల్క్స్ వంటి ఆన్-డివైస్ AI ఫీచర్లు కూడా ఉంటాయని భావిస్తున్నారు.

ఇన్ఫినిక్స్ నోట్ 50x బ్యాటరీ:

ఫోన్ 5500mAh సాలిడ్‌కోర్ బ్యాటరీని కలిగి ఉంటుంది. ఇది 45W ఫాస్ట్ ఛార్జింగ్ సపోర్ట్‌తో వస్తుంది.

ఇన్ఫినిక్స్ నోట్ 50x:

ఇక కెమెరా విషయానికొస్తే.. ఫోన్ ట్రిపుల్ రియర్ కెమెరాను కలిగి ఉంటుందని భావిస్తున్నారు. కెమెరా లెన్స్ లోపల పిల్ ఆకారపు LED లైట్ ఉంటుంది. ఈ LED నోటిఫికేషన్ కోసం అందించి ఉండవచ్చు.

ఇన్ఫినిక్స్ నోట్ 50x డిజైన్ మరియు డిస్‌ప్లే:

ఫోన్ సైజ్‌ తెలియకపోయినా, ఇన్ఫినిక్స్ ఇది ప్రీమియం వీగన్ లెదర్ ఫినిష్ షేడ్‌తో సీ బ్రీజ్ గ్రీన్‌లో, అలాగే మెటాలిక్ ఫినిష్‌తో ఎన్చాన్టెడ్ పర్పుల్, టైటానియం గ్రే కలర్‌వేస్‌లో వస్తుందని కంపెనీ తెలిపింది. డిస్‌ప్లే ఎంత ఉంటుందనే విషయం ఇంకా క్లారిటీ లేదు. కానీ ఇది ఐఫోన్లలో కనిపించే డైనమిక్ ఐలాండ్ మాదిరిగానే డైనమిక్ బార్‌ను కలిగి ఉంటుంది. ఈ ఫోన్ IP64 రేటింగ్‌ను కలిగి ఉంటుంది. అలాగే మన్నిక కోసం MIL-STD-810H సర్టిఫికేట్ పొందుతుంది.

Design aisa, ki bas ise dekhte reh jaoge!👀

The Infinix Note 50x 5G+ launches on 27th March in exquisite Vegan Leather and Metallic Finishes.

Kitna excited ho?? 🤔

Link Yahan Hai: https://t.co/LzBFMk0kjP#NOTEkaro #Note50x5G pic.twitter.com/gBVqsO6xKQ

— Infinix India (@InfinixIndia) March 24, 2025

మరిన్ని టెక్ వార్తల కోసం ఇక్కడ క్లిక్ చేయండి