Microsoft: డేంజర్‌లో విండోస్ యూజర్లు.. వెంటనే ఈ పని చేయకపోతే అంతే సంగతులు..

కేంద్ర ఎలక్ట్రానిక్స్ అండ్ ఇన్ఫర్మేషన్ టెక్నాలజీ సంస్థ ఆధ్వర్యంలో పనిచేసే కంప్యూటర్ ఎమర్జెన్సీ రెస్పాన్స్ టీమ్ (సెర్ట్ ఇన్) ఈ విషయాన్ని గుర్తించింది. విండోస్ 10, విండోస్ 11 ఆపరేటింగ్ సిస్టమ్స్ లో రెండు భద్రతా పరమైన లోపాలను ఉన్నట్టు పసిగట్టింది. వర్చువలైజేషన్ బేస్డ్ సెక్యూరిటీ, విండోస్ బ్యాకప్ కి మద్దతు ఇచ్చే విండోస్ బేస్డ్ సిస్టమ్స్ లో ఈ లోపాలను గమనించింది.

Microsoft Windows

Updated on: Aug 21, 2024 | 3:16 PM

మీరు విండోర్ ఆపరేటింగ్ సిస్టమ్ ను ఉపయోగిస్తున్నారా. దీన్ని ద్వారా మీ కంప్యూటర్, పర్సనల్ లాప్ ట్యాప్ లలో పనులు చేస్తున్నారా. అయితే ప్రభుత్వం జారీ చేసిన హైరిస్క్ హెచ్చరిక మీకోసమే. విండోస్ 10, విండోస్ 11 ఆపరేటింగ్ సిస్టమ్స్ లో భద్రతా పరమైన లోపాలను కేంద్ర ప్రభుత్వం గుర్తించింది. వెంటనే వాటిపై యూజర్లకు హెచ్చరికలు జారీ చేసింది. వాటి ద్వారా నేరగాళ్ల మన సిస్టమ్ లోని విలువైన సమాచారం చోరీ చేసే ప్రమాదం ఉందని తెలిపింది.

అసలేం జరిగిందంటే..

కేంద్ర ఎలక్ట్రానిక్స్ అండ్ ఇన్ఫర్మేషన్ టెక్నాలజీ సంస్థ ఆధ్వర్యంలో పనిచేసే కంప్యూటర్ ఎమర్జెన్సీ రెస్పాన్స్ టీమ్ (సెర్ట్ ఇన్) ఈ విషయాన్ని గుర్తించింది. విండోస్ 10, విండోస్ 11 ఆపరేటింగ్ సిస్టమ్స్ లో రెండు భద్రతా పరమైన లోపాలను ఉన్నట్టు పసిగట్టింది. వర్చువలైజేషన్ బేస్డ్ సెక్యూరిటీ, విండోస్ బ్యాకప్ కి మద్దతు ఇచ్చే విండోస్ బేస్డ్ సిస్టమ్స్ లో ఈ లోపాలను గమనించింది. వీటి ద్వారా హ్యాకర్లు మనం గతంలో తొలగించిన డేటాను తిరిగి ప్రవేశపెట్టే అవకాశం ఉందని, వీబీఎస్ సెక్యూరిటీని నాశనం చేసే వీలు కూడా ఉంటుందని తెలిపింది.

పరిష్కారమిదే..

విండోస్ ఓఎస్ లోని ఈ లోపాలపై వాటి యూజర్లకు సెర్ట్ ఇన్ హెచ్చరికలు జారీ చేసింది. ఈ సమస్య పరిష్కారానికి మైక్రోసాఫ్ట్ అవసరమైన జాగ్రత్తలు తీసుకుందని వివరించింది. ఆ సంస్థకు చెందిన తాజా సెక్యూరిటీ ప్యాచ్ లో వీటిని సమర్థంగా ఎదుర్కొనే ఆయుధాలు ఉన్నాయని తెలిపింది. కాబట్టి వెంటనే యూజర్లు మైక్రోస్టాఫ్ట్ లేటెస్ట్ అప్ డేట్ ను డౌన్ లోడ్ చేసుకుని, తమ కంప్యూటర్లలో ఇన్ స్టాల్ చేసుకోవాలని కోరింది.