Hockey World Cup 2023: క్రాస్ ఓవర్లో న్యూజిలాండ్తో ఢీ కొట్టనున్న భారత్.. గెలిస్తే క్వార్టర్ ఫైనల్స్కు ఎంట్రీ..
Men's Hockey World Cup: పురుషుల హాకీ ప్రపంచకప్లో భారత జట్టు క్రాసోవర్ మ్యాచ్లో న్యూజిలాండ్తో ఢీకొననుంది. ఈ మ్యాచ్లో గెలిచిన జట్టు క్వార్టర్ ఫైనల్కు చేరుకుంటుంది.
Updated on: Jan 20, 2023 | 1:50 PM
ఒడిషాలో జరుగుతున్న 15వ హాకీ ప్రపంచ కప్ (Hockey World Cup 2023)లో భారత హాకీ జట్టు.. తన తదుపరి మ్యాచ్ను న్యూజిలాండ్తో తలపడనుంది. ఇది క్రాస్ ఓవర్ మ్యాచ్ అవుతుంది. ఇక్కడ గెలిచిన జట్టు క్వార్టర్ఫైనల్లో చోటు దక్కించుకుంటుంది. ఇరు జట్లు తమ తమ పూల్స్లో అగ్రస్థానంలో నిలవలేకపోయాయి. అందుకే ఈ జట్లు ఇప్పుడు క్రాస్ఓవర్ మ్యాచ్లు ఆడవలసి ఉంది.
ఈ ప్రపంచకప్లో నాలుగు పూల్స్లో 16 జట్లు ఉన్నాయి. ప్రతి పూల్లో గెలిచిన జట్టు నేరుగా క్వార్టర్-ఫైనల్కు చేరుకుంటుంది. రెండవ, మూడవ స్థానాల్లో ఉన్న జట్లు క్రాస్ ఓవర్ మ్యాచ్ల కింద క్వార్టర్-ఫైనల్కు చేరుకోగలవు. పూల్-డిలో భారత జట్టు ఉంది. ఇక్కడ ఇంగ్లాండ్ 7 పాయింట్లతో అగ్రస్థానంలో ఉంది. భారత జట్టు కూడా 7 పాయింట్లు సాధించినా తక్కువ గోల్ తేడాతో రెండో స్థానంలోనే కొనసాగింది. మరోవైపు పూల్-సిలో న్యూజిలాండ్ మూడో స్థానంలో నిలిచింది.
భారత జట్టుదే పైచేయి..
ఈ ప్రపంచకప్లో భారత జట్టు తన తొలి మ్యాచ్లో స్పెయిన్పై 2-0 తేడాతో విజయం సాధించింది. ఆ తర్వాత, ఇంగ్లండ్తో జరిగిన మ్యాచ్ 0-0 డ్రాగా ముగిసింది. మూడో మ్యాచ్లో వేల్స్పై భారత్ 4-2తో విజయం సాధించింది. అదే సమయంలో న్యూజిలాండ్ తమ పూల్లో నెదర్లాండ్స్, మలేషియాపై ఓటమిని ఎదుర్కోవలసి వచ్చింది. చిలీపై ఏకైక విజయం సాధించింది.
మ్యాచ్ను ఎప్పుడు, ఎక్కడ చూడాలి?
హాకీ ప్రపంచకప్లో భారత్, న్యూజిలాండ్ మధ్య ఈ క్రాస్ ఓవర్ మ్యాచ్ జనవరి 22న సాయంత్రం 7 గంటలకు జరగనుంది. భువనేశ్వర్లోని కళింగ హాకీ స్టేడియంలో ఈ మ్యాచ్ జరగనుంది. ఈ మ్యాచ్ ప్రత్యక్ష ప్రసారం స్టార్ స్పోర్ట్స్ ఫస్ట్, స్టార్ స్పోర్ట్స్ సెలెక్ట్ 2 ఎస్డీ, స్టార్ స్పోర్ట్స్ సెలెక్ట్ 2 హెచ్డీలో చూడొచ్చు. మ్యాచ్ ప్రత్యక్ష ప్రసారం డిస్నీ + హాట్స్టార్ యాప్లో అందుబాటులో ఉంటుంది.
మరిన్ని క్రికెట్ వార్తల కోసం ఇక్కడ క్లిక్ చేయండి..
