Virat Kohli : అనుష్క శర్మ‌ను తొలిసారి కలిసినప్పుడు కోహ్లీ ఫీలింగ్స్ ఏంటి?.. ఆసక్తికర విషయాలు తెలిపిన కెప్టెన్

మన దేశంలో విపరీతమైన క్రేజ్ ఉంది రెండింటికే.. వాటిలో క్రికెట్ ఒకటి, మరొకటి సినిమా. క్రికెటర్లు సినిమాతారలు ప్రేమలోపడిన సంఘటనలు

Kohli

Rajeev Rayala | Edited By: Janardhan Veluru

Updated on: Aug 04, 2021 | 6:17 PM

Virat Kohli-Anushka Sharma: మన దేశంలో విపరీతమైన క్రేజ్ ఉంది రెండింటికే.. వాటిలో క్రికెట్ ఒకటి, మరొకటి సినిమా. క్రికెటర్లు సినిమాతారలు ప్రేమలోపడిన సంఘటనలు చాలా ఉన్నాయి. కొందరు తమ ప్రేమను పెళ్లివరకు కూడా తీసుకువెళ్లారు. వారిలో స్టార్ కపుల్ విరాట్ కోహ్లీ అనుష్కశర్మ ఒకరు. చాలా కాలం ప్రేమలో మునిగితేలిన ఈ జంట.. 2017 డిసెంబరులో వివాహం చేసుకున్న విషయం తెలిసిందే. ఇటీవలే ఈ జంట పండండి పాపకు జన్మనిచ్చారు. తమ కూతురికి వామిక అనే అందమైన పేరు పెట్టారు విరుష్క. అయితే ఇంగ్లాండ్‌లో జరుగుతున్న భారత టెస్ట్ సిరీస్‌కు ముందు క్రికెటర్ దినేష్ కార్తీక్‌తో మాట్లాడుతూ విరాట్ ఎమోషనల్ అయ్యారు. తన కూతురిని చూడటాన్ని తన తండ్రి లేరని విరాట్ ఎమోషనల్ అయ్యారు. విరాట్ తండ్రి ప్రేమ్ కోహ్లీ 2006లో గుండెపోటుతో మరణించారు. తన సక్సెస్‌‌నూ.. అలాగే తన కూతురిని చూడటానికి ఆయన లేరని భావోద్వేగానికి గురయ్యాడు కోహ్లీ. అయితే తన తల్లి వామికతో ఎంతో సరదాగా గడుపుతున్నారని.. వామికను చూసి తన తల్లి ఎంతో సంతోషితున్నారని చెప్పుకొచ్చాడు విరాట్.

అలాగే అనుష్క శర్మను తాను మొదటి సారి ఎప్పుడు కలిశాడు… ఎలా కలిశాడు అనే విషయాలను కూడా పంచుకున్నాడు. తాను అందరితో సరదాగా మాట్లాడుతానని.. అలానే మొదటిసారి అనుష్కతో కూడా సరదాగా మాట్లాడాను కానీ ఆమె సీరియస్ అయ్యిందని చెప్పుకొచ్చాడు.

Anushka

2013లో ఓ షాంఫూ ప్రకటన కోసం కలిసి పనిచేసిన కోహ్లీ, అనుష్క శర్మ.. ఆ తర్వాత ప్రేమలో పడ్డారు. అయితే అనుష్క శర్మని మొదటిసారి చూసినప్పుడు ఆమె ధరించిన హై హీల్స్‌ని ఉద్దేశిస్తూ.. ‘‘ఇంతకంటే ఎత్తు చెప్పులు దొరకలేదా..?’’ అని జోక్ చేశా.. అంతే ఆమె ఒక్కసారిగా సీరియస్ అయ్యి.. నిన్నేమీ ఆరు అడుగులు లేను అందుకే హై హీల్స్‌ వేసుకున్నా అని పంచ్ ఇచ్చిందని తెలిపాడు విరాట్. అలా తాను అనుష్కను మొదటిసారి కలిసినప్పుడు జరిగిన విషయాన్ని పంచుకున్నాడు. ఆ తర్వాత చాలాకాలం రహస్యంగా ప్రేమాయణం సాగించారు ఈ ఇద్దరు. అయితే హైదరాబాద్‌లో జరిగిన ఓ మ్యాచ్‌లో సెంచరీ కొట్టిన విరాట్ కోహ్లి.. గ్యాలరీలో కూర్చుని మ్యాచ్‌ని చూస్తున్న అనుష్కకి మైదానం నుంచే ప్లైయింగ్ కిస్‌ ఇవ్వడంతో వీరి లవ్‌స్టోరీ వెలుగులోకి వచ్చింది.

Anushka 1