ICC T20 Rankings: టాప్-10లో నలుగురు టీమిండియా ప్లేయర్లు.. ఐసీసీ టీ20 ర్యాకింగ్స్‌లో అగ్రస్థానం ఎవరిదంటే?

ICC T20 Rankings: టీ20 క్రికెట్ కొత్త ర్యాంకింగ్స్ జాబితాలో టీమిండియా యువ ఆటగాడు రుతురాజ్ గైక్వాడ్ 13 స్థానాలు ఎగబాకాడు. దీంతో టీ20 బ్యాటర్ల జాబితాలో 7వ స్థానానికి చేరుకోవడంలో సఫలమయ్యాడు. మరోవైపు గతసారి ఆల్ రౌండర్ల జాబితాలో అగ్రస్థానంలో నిలిచిన హార్దిక్ పాండ్యాను వణిందు హసరంగ అధిగమించాడు.

Icc T20i Rankings

Venkata Chari |
Updated on: Jul 10, 2024 | 6:39 PM

ICC T20 Rankings: ఐసీసీ కొత్త టీ20 ర్యాంకింగ్స్‌(ICC T20I Rankings) ను ప్రకటించింది. ఈసారి టాప్-10 జాబితాలో నలుగురు భారతీయులు చోటు దక్కించుకున్నారు. కానీ, ఏ భారత ఆటగాడు కూడా అగ్రస్థానాన్ని దక్కించుకోకపోవడం విశేషం. అంటే, గతేడాది ఆల్ రౌండర్ల జాబితాలో మొదటి స్థానంలో ఉన్న హార్దిక్ పాండ్యా ఈసారి రెండో స్థానానికి పడిపోయాడు. అలాగే, గతంలో టీ20 బ్యాట్స్‌మెన్‌ల జాబితాలో అగ్రస్థానంలో ఉన్న సూర్యకుమార్ యాదవ్ కూడా ఈసారి రెండో స్థానంలో నిలిచాడు.

జింబాబ్వేతో టీ20 సిరీస్‌లో తొలి రెండు మ్యాచ్‌ల నుంచి తప్పుకున్న యశస్వి జైస్వాల్ టాప్-10 నుంచి నిష్క్రమించాడు. కాగా, జింబాబ్వేతో జరిగిన 2వ టీ20 మ్యాచ్‌లో అద్భుత బ్యాటింగ్‌ ప్రదర్శన కనబరిచిన రుతురాజ్ గైక్వాడ్ 13 స్థానాలు ఎగబాకి టాప్ టెన్‌లో చోటు దక్కించుకున్నాడు. దీని ప్రకారం టీ20 బ్యాటర్ల ర్యాంకింగ్ జాబితా ఎలా ఉందో ఓసారి చూద్దాం..

T20 బ్యాటర్‌ల టాప్-10 జాబితా..

ట్రావిస్ హెడ్ (ఆస్ట్రేలియా)- 844 రేటింగ్

సూర్యకుమార్ యాదవ్ (భారతదేశం) – 821 రేటింగ్

ఫిల్ సాల్ట్ (ఇంగ్లండ్)- 797 రేటింగ్

బాబర్ ఆజం (పాకిస్తాన్)- 755 రేటింగ్

మహ్మద్ రిజ్వాన్ (పాకిస్తాన్)- 746 రేటింగ్

జోస్ బట్లర్ (ఇంగ్లండ్)- 716 రేటింగ్

రుతురాజ్ గైక్వాడ్ (భారతదేశం) – 662 రేటింగ్

బ్రాండన్ కింగ్ (వెస్టిండీస్)- 656 రేటింగ్

జాన్సన్ చార్లెస్ (వెస్టిండీస్)- 655 రేటింగ్

ఐడెన్ మార్క్రామ్ (దక్షిణాఫ్రికా)- 646 రేటింగ్

టీ20 బౌలర్ల జాబితాలో భారత్ నుంచి ఈసారి ఒక్కడే టాప్ టెన్‌లో చోటు దక్కించుకున్నాడు. గతసారి 9వ స్థానంలో ఉన్న కుల్దీప్ యాదవ్ ఈసారి టాప్-10 నుంచి నిష్క్రమించాడు. అయితే అక్షర్ పటేల్ 9వ స్థానంలో నిలిచాడు. దీని ప్రకారం టీ20 బౌలర్ల కొత్త ర్యాంకింగ్ జాబితా ఇలా ఉంది.

T20 బౌలర్ల టాప్-10 జాబితా..

ఆదిల్ రషీద్ (ఇంగ్లండ్)- 718 రేటింగ్

హెన్రిక్ నోకియా (దక్షిణాఫ్రికా)- 675 రేటింగ్

వనిందు హసరంగా (శ్రీలంక)- 674 రేటింగ్

రషీద్ ఖాన్ (ఆఫ్ఘనిస్తాన్)- 668 రేటింగ్

జోష్ హాజిల్‌వుడ్ (ఆస్ట్రేలియా) – 662 రేటింగ్

అకీల్ హొస్సేన్ (వెస్టిండీస్)- 659 రేటింగ్

ఆడమ్ జంపా (ఆస్ట్రేలియా)- 654 రేటింగ్

ఫజల్హాక్ ఫరూకీ (ఆఫ్ఘనిస్తాన్)- 645 రేటింగ్

అక్షర్ పటేల్ (భారతదేశం)- 644 రేటింగ్

మహేష్ తీక్షణ (శ్రీలంక)- 644 రేటింగ్

రెండో స్థానానికి పడిపోయిన హార్దిక్..

టీ20 ప్రపంచకప్‌లో అద్భుత ప్రదర్శన కనబరిచి టీ20 ఆల్‌రౌండర్ల జాబితాలో అగ్రస్థానంలో నిలిచిన హార్దిక్ పాండ్యా ఈసారి పతనాన్ని చవిచూశాడు. అలాగే, శ్రీలంక ఆల్‌రౌండర్ వనిందు హసరంగ అగ్రస్థానానికి చేరుకుంది.